വിശ്വമാനവികം വായനശാല

 

പകർത്തിവയ്പുകൾ

ഈ ബ്ലോഗം പത്രങ്ങളിൽ നിന്നും മറ്റ് ആനുകാലിക പ്രസിദ്ധീകരണങ്ങളിൽ നിന്നും ബ്ലോഗുകളിൽ നിന്നും വെബ്സൈറ്റുകളിൽ നിന്നും മറ്റും മറ്റും ശേഖരിക്കുന്ന ലേഖനങ്ങൾ, വാർത്തകൾ മുതലായവ ഭാവിവായനയ്ക്ക് ശേഖരിച്ചു വയ്ക്കാനുള്ളതാണ്. എന്റെ പ്രധാന ബ്ലോഗം വിശ്വമാനവികം 1 ആണ്.

Sunday, July 22, 2012

വി എസിന് പരസ്യശാസന


വി എസിന് പരസ്യശാസന
ദേശാഭിമാനി, Posted on: 22-Jul-2012 07:45 PM
 ന്യൂഡല്‍ഹി: വി എസ് അച്യുതാനന്ദനെ പരസ്യമായി ശാസിക്കാന്‍ സിപിഐ എം കേന്ദ്രകമ്മറ്റിയോഗം തീരുമാനിച്ചു. രണ്ടുദിവസമായി ചേര്‍ന്ന കേന്ദ്രകമ്മറ്റിയോഗ തീരുമാനങ്ങള്‍ ജനറല്‍ സെക്രട്ടറി പ്രകാശ് കാരാട്ട് വാര്‍ത്താസമ്മേളനത്തില്‍ അറിയിച്ചു.

സംസ്ഥാനനേതൃത്വത്തിനെതിരെ വി എസ് ചില പരസ്യ പ്രസ്താവനകള്‍ നടത്തുകയും ചില നടപടികള്‍ സ്വീകരിക്കുകയും ചെയ്തു. പാര്‍ട്ടിയുടെ എതിരാളികള്‍ അവ പാര്‍ട്ടിയെ ആക്രമിക്കാനായി ഉപയോഗിച്ചു. കേന്ദ്രകമ്മിറ്റിയിലെ ചര്‍ച്ചയ്ക്കുശേഷം തന്റെ ചില പരസ്യപ്രസ്താവനകള്‍ തെറ്റും ഒഴിവാക്കേണ്ടവയും ആയിരുന്നുവെന്ന് വി എസ് സ്വയം വിമര്‍ശനപരമായി സമ്മതിച്ചു. ഈ അടിസ്ഥാനത്തില്‍, തെറ്റായ പരാമര്‍ശങ്ങള്‍ക്കും പാര്‍ട്ടിയുടെ പ്രാഥമിക ചട്ടങ്ങള്‍ ലംഘിച്ചതിനും വി എസിനെ പരസ്യമായി ശാസിക്കാന്‍ കേന്ദ്രക്കമ്മറ്റി തീരുമാനിച്ചു. കേരളത്തിലെ പാര്‍ട്ടിയുടെ എറ്റവും മുതിര്‍ന്ന നേതാവായ വി എസ് ഇപ്പോഴത്തെ സാഹചര്യം ഐക്യത്തോടെ നേരിടാന്‍ പാര്‍ട്ടിയെ സഹായിക്കുന്ന വിധത്തില്‍ പ്രവര്‍ത്തിക്കുമെന്ന് കേന്ദ്രക്കമ്മിറ്റി പ്രത്യാശിക്കുന്നതായി കാരാട്ട് പറഞ്ഞു.

ടി പി ചന്ദ്രശേരന്റെ നിഷ്ഠുരമായ കൊലപാതകം പാര്‍ട്ടിക്കെതിരായ സംഘടിത പ്രചാരണത്തിന് ഉപയോഗിക്കുകയാണ്. പാര്‍ട്ടി നേതാക്കളെയും കേഡര്‍മാരെയും കേസില്‍ കുടുക്കാന്‍ യുഡിഎഫ് സര്‍ക്കാര്‍ പൊലീസിനെ ഉപയോഗിക്കുകയാണ്. ഇതിനെ പാര്‍ട്ടി അപലപിക്കുന്നു. ചന്ദ്രശേഖരന്‍ വധത്തില്‍ പാര്‍ട്ടിക്ക് പങ്കില്ലെന്ന് നേരത്തെ വ്യക്തമാക്കിയതാണ്. രാഷ്ട്രീയ എതിരാളികളെ ഉന്മൂലനം ചെയ്യുന്നതു   പാര്‍ട്ടിനയമല്ല. ഒരു കമ്മറ്റിയും അത്തരമൊരു തീരുമാനമെടുത്തിട്ടില്ല. ചന്ദ്രശേഖരന്‍ വധത്തില്‍ പാര്‍ട്ടിയുമായി ബന്ധപ്പെട്ട ആര്‍ക്കെങ്കിലും പങ്കുണ്ടോയെന്ന് പാര്‍ട്ടി അന്വേഷണം നടത്തും. ആരെങ്കിലും ഉള്‍പ്പെട്ടതായി കണ്ടെത്തിയാല്‍ നടപടിയെടുക്കും.

ഇടുക്കി ജില്ലാ സെക്രട്ടറിയായിരുന്ന എംഎം മണിയുടെ പ്രസ്താവനയില്‍ യുക്തമായ നടപടിയെടുക്കുന്നതിന് സംസ്ഥാനകമ്മറ്റിയെ ചുമതലപ്പെടുത്തിയതായും കാരാട്ട് പറഞ്ഞു.

No comments:

താഴെ ഏതാനും ബ്ലോഗങ്ങളിലേയ്ക്കുള്ള ലിങ്ക് നൽകിയിട്ടുണ്ട്