മൂല്യം ഇടിയുന്ന ഇന്ത്യന്‍ രൂപ
പ്രൊ.കെ.എൻ.ഗംഗാധരൻ
ദേശാഭിമാനി
Posted on: 11-Jan-2012 12:24 AM
കഴിഞ്ഞവര്‍ഷം ജനുവരിയില്‍ ഒരു ഡോളറിന് 44.46 രൂപ കൊടുത്താല്‍ മതിയായിരുന്നു. ഈ വര്‍ഷം ജനുവരി രണ്ടിന് 53.30 രൂപ കൊടുത്താലേ ഒരു ഡോളര്‍ പകരം കിട്ടൂ. രൂപയുടെ വാങ്ങല്‍ശേഷി അഥവാ കൈമാറ്റമൂല്യം ഇടിഞ്ഞു എന്നാണ് ഇതിനര്‍ഥം. വാസ്തവത്തില്‍ കുറച്ചുമാസങ്ങളായി ഡോളറും (പൗണ്ടും യെന്നും മാര്‍ക്കും ഫ്രാങ്കും) രൂപയും തമ്മിലെ വിനിമയനിരക്ക് ഇടിഞ്ഞുകൊണ്ടിരിക്കുകയാണ്. മുഖ്യമായും രണ്ട് കാരണങ്ങള്‍ ഇതിനുണ്ട്. ഒന്ന്, ആഗോള സാമ്പത്തിക പ്രതിസന്ധി. രണ്ട്, കേന്ദ്രസര്‍ക്കാര്‍ പിന്തുടരുന്ന സാമ്പത്തിക നയം. ആദ്യത്തേത് പരിഹരിക്കാന്‍ ഇന്ത്യക്കാവില്ല. പക്ഷേ, രണ്ടാമത്തേത് തിരുത്താനാകും. അതുവഴി രൂപയുടെ വിനിമയ നിരക്കിലെ ചാഞ്ചാട്ടം നിയന്ത്രിക്കാനും. പക്ഷേ, അതിനായി സാമ്പത്തിക നയം തിരുത്തണമെന്നുമാത്രം. മുമ്പ് നിശ്ചിത നിരക്കിലായിരുന്നു ഡോളറും (മറ്റ് വിദേശ കറന്‍സികളും) രൂപയും തമ്മിലെ കൈമാറ്റം. എന്നാല്‍ ഇപ്പോള്‍ വ്യാപാരാവശ്യത്തിന് ഉപയോഗിക്കുന്ന കറന്‍സികളുടെ വിനിമയനിരക്ക് നിര്‍ണയിക്കുന്നത് കറന്‍സികളുടെ ലഭ്യതയും ആവശ്യവും പരിഗണിച്ചാണ്. അമേരിക്കയിലേക്ക് സാധനങ്ങളും സേവനങ്ങളും കയറ്റുമതി നടത്തുമ്പോള്‍ പകരം ഡോളര്‍ കിട്ടും. അമേരിക്കയില്‍നിന്ന് ഇറക്കുമതിചെയ്യുമ്പോള്‍ ഡോളര്‍ കൊടുക്കണം. എത്ര ഡോളര്‍ കൊടുക്കണം എന്നത് ഡോളറും രൂപയും തമ്മിലെ വിനിമയ നിരക്കിനെ ആശ്രയിച്ചിരിക്കും. കൂടുതല്‍ ഇറക്കുമതി നടത്തുമ്പോള്‍ കൂടുതല്‍ ഡോളര്‍ കൊടുക്കേണ്ടിവരുമെന്ന് വ്യക്തമാണല്ലോ. ഇന്ത്യയുടെ ഇറക്കുമതി കയറ്റുമതിയേക്കാള്‍ വളരെ കൂടുതലാണ്. കൂടുതല്‍ ഡോളര്‍ ആവശ്യമാകുന്നു എന്നര്‍ഥം. 2010 ഏപ്രില്‍ -2011 ഡിസംബര്‍ കാലത്ത് കയറ്റുമതിയില്‍നിന്ന് ലഭിച്ചത് 192.7 ശതകോടി ഡോളറാണ്. ഇറക്കുമതിക്ക് നല്‍കേണ്ടി വന്നത് 309.5 ശതകോടി ഡോളറും. 116.8 ശതകോടി ഡോളറിന്റെ കമ്മി. മുന്‍വര്‍ഷം ഇതേകാലത്തെ വ്യാപാരകമ്മി 93 ശതകോടി ഡോളറായിരുന്നു. ഭീമമായ വ്യാപാരകമ്മിയാണ് ഇന്ത്യ നേരിടുന്നത്. ഇന്ത്യയുടെ കയറ്റുമതി വരുമാനം ഉയരുന്നില്ല, താഴുകയാണ്. ഉല്‍പ്പന്നങ്ങളും സേവനങ്ങളും മുഖ്യമായും വാങ്ങുന്നത് അമേരിക്കയും യൂറോപ്യന്‍ യൂണിയന്‍ രാജ്യങ്ങളുമാണ്. ഈ രാജ്യങ്ങളാകട്ടെ രൂക്ഷമായ സാമ്പത്തിക പ്രതിസന്ധിയുടെ ആഴക്കടലിലാണ്. തൊഴിലും ഉല്‍പ്പാദനവും വര്‍ധിപ്പിച്ച് പരമാവധി ചരക്കുകള്‍ വില്‍ക്കാനും കടം നിയന്ത്രിക്കാനുമാണ് അവ പാടുപെടുന്നത്; ഇന്ത്യയില്‍നിന്ന് ഉല്‍പ്പന്നങ്ങള്‍ വാങ്ങാനല്ല. കഴിഞ്ഞ രണ്ട് വര്‍ഷത്തിനിടെ ഏറ്റവും കുറഞ്ഞ കയറ്റുമതിയാണ് നവംബറില്‍ നടന്നത്. ഡോളറിനുള്ള ആവശ്യം നേരിടാന്‍ വേണ്ടത്ര വിദേശവിനിമയ ശേഖരം (വിദേശ കറന്‍സികളും സ്വര്‍ണവും എസ്ഡിആറും ചേര്‍ന്നത്) റിസര്‍വ് ബാങ്കിന്റെ കൈവശമില്ല എന്നത് സ്ഥിതി ഗുരുതരമാക്കിയിരിക്കുന്നു. വിദേശ മൂലധനനിക്ഷേപമാണ് ഡോളര്‍ ലഭ്യമാകുന്ന മറ്റൊരു മാര്‍ഗം. വിദേശരാജ്യങ്ങളുടെ ഉല്‍പ്പാദനമേഖലയില്‍ കാര്യമായ തോതില്‍ മൂലധനനിക്ഷേപം നടത്താന്‍ കഴിയുന്ന നിലയിലല്ല അമേരിക്കയും ഇതര മുതലാളിത്ത രാജ്യങ്ങളും. മാത്രമല്ല ധനമൂലധനം നിക്ഷേപിച്ച് അധികലാഭം നേടുന്നതിലാണ് അവര്‍ക്ക് താല്‍പ്പര്യം. അതുകൊണ്ട് വിദേശമൂലധനത്തിന്റെ ഗണ്യമായ പങ്ക് ഒഴുകിയെത്തുന്നത് ഓഹരിക്കമ്പോളത്തിലേക്കാണ്. ധനമൂലധനത്തിന് ഒരു പ്രത്യേകതയുണ്ട്. ലാഭവും സുരക്ഷിതത്വവും ഉറപ്പുള്ളിടത്തേക്ക് ഒഴുകിയെത്തും. ഇത് രണ്ടും കുറയുമ്പോള്‍ അവ വിപണിയിലേക്ക് തിരിച്ചൊഴുകും. 2010 ഏപ്രില്‍ -ഡിസംബര്‍ കാലത്ത് ഇന്ത്യന്‍ ഓഹരിക്കമ്പോളത്തില്‍ നിക്ഷേപിക്കപ്പെട്ടത് 1,79,674.6 കോടി രൂപയുടെ നിക്ഷേപമായിരുന്നു. അത്രയും രൂപയ്ക്കു തുല്യമായ ഡോളര്‍ എന്നര്‍ഥം. 2011 ഏപ്രില്‍ -ഡിസംബര്‍ കാലത്ത് എത്തിയത് 39,839.2 കോടി രൂപയുടെ വിദേശ ഓഹരി മൂലധനംമാത്രം. ഓഹരി നിക്ഷേപം ഗണ്യമായി ഇടിഞ്ഞു. അതുമാത്രമല്ല സംഭവിച്ചത്; ഇന്ത്യന്‍ ഓഹരികള്‍ വാങ്ങിക്കൂട്ടിയ വിദേശ നിക്ഷേപസ്ഥാപനങ്ങള്‍ ഓഹരികള്‍ കൈയൊഴിഞ്ഞുകൊണ്ടിരിക്കുകയാണ്. ഏറ്റവും ഒടുവിലെ കണക്ക് നോക്കാം: 2011 ഡിസംബറില്‍ കൈയൊഴിഞ്ഞത് 65,559 കോടി രൂപയുടെ ഓഹരികള്‍ . നിക്ഷേപിച്ചത് 62,296 കോടി രൂപയുടെ ഓഹരികളും. വാങ്ങുന്നതിനേക്കാള്‍ കൂടുതല്‍ വില്‍പ്പനയ്ക്കാണ് വിദേശനിക്ഷേപസ്ഥാപനങ്ങള്‍ ധൃതികാണിക്കുന്നത്. വിറ്റഴിക്കുമ്പോള്‍ രൂപ നല്‍കിയാല്‍ പോരാ; ഡോളര്‍ നല്‍കണം. ഡോളറിനുള്ള ആവശ്യമുയര്‍ത്തുന്ന മറ്റൊരു ഘടകമാണിത്. ധനമൂലധനത്തിന് ഇന്ത്യന്‍ വിപണി തുറന്നിടാതെ ഇരുന്നെങ്കില്‍ രൂപയുടെ മൂല്യത്തകര്‍ച്ച ഒരുപരിധിവരെ തടഞ്ഞുനിര്‍ത്താമായിരുന്നു. ഓഹരി മൂലധനത്തിന്റെ തിരിച്ചൊഴുക്കിന് പല കാരണങ്ങളുണ്ട്. രാഷ്ട്രീയരംഗത്തെ ഞെട്ടിക്കുന്ന അഴിമതികളും സര്‍ക്കാരിന്റെ മോശം പ്രതിച്ഛായയും ഒപ്പം സമ്പദ്വ്യവസ്ഥ നേരിടുന്ന പിന്നോട്ടടിയും വിദേശ നിക്ഷേപകര്‍ പിന്‍വലിയുന്നതിന് വഴിയൊരുക്കി. 2010-11ലെ കേന്ദ്ര സാമ്പത്തിക സര്‍വേ കണക്കാക്കിയത് രാജ്യം ഒമ്പത് ശതമാനം ദേശീയ വരുമാനം കണക്കാക്കുമെന്നാണ്. പിന്നീട് പാര്‍ലമെന്റില്‍ അവതരിപ്പിച്ച ഇടക്കാല സാമ്പത്തിക വിശകലന റിപ്പോര്‍ട്ടില്‍ 7.5 ശതമാനം വളര്‍ച്ചയേ നേടൂ എന്ന് സര്‍ക്കാര്‍ സമ്മതിച്ചു. റിസര്‍വ് ബാങ്കിന്റെ ഏറ്റവും അവസാനത്തെ റിപ്പോര്‍ട്ട് കണക്കാക്കുന്നത് 6.5 ശതമാനം വളര്‍ച്ചയാണ്. അതായത് ലക്ഷ്യമിട്ടതിനേക്കാള്‍ 2.5 ശതമാനം കുറവ്. രാജ്യം നേരിടുന്ന രൂക്ഷമായ വിലക്കയറ്റം തടയാന്‍ അവധിവ്യാപാരവും പൂഴ്ത്തിവയ്പും നിയന്ത്രിക്കാനോ പൊതുവിതരണ സംവിധാനം ശക്തിപ്പെടുത്താനോ സര്‍ക്കാര്‍ തയ്യാറല്ല. പലിശനിരക്ക് ഉയര്‍ത്തുന്ന മാര്‍ഗമാണ് സ്വീകരിക്കുന്നത്. അതാകട്ടെ ഉദ്ദേശിച്ച ഫലം കൈവരിക്കുന്നില്ലെന്ന് മാത്രമല്ല ഉയര്‍ന്ന പലിശച്ചെലവ്, ഉല്‍പ്പാദനച്ചെലവ് വര്‍ധിപ്പിക്കുന്നതിനും ലാഭം ഇടിയുന്നതിനും വഴിയൊരുക്കുന്നു. മാത്രമല്ല ഉപഭോക്തൃ വായ്പ നിരുത്സാഹപ്പെടുത്തുകയും സാധനങ്ങള്‍ക്കും സേവനങ്ങള്‍ക്കുമുള്ള ആവശ്യം ഇടിക്കുകയുംചെയ്യുന്നു. രണ്ടും ചേര്‍ന്ന് മൊത്തം നിക്ഷേപത്തെ പിന്നോട്ടടിപ്പിക്കുന്നു. 2007-08ല്‍ ദേശീയ വരുമാനത്തിന്റെ 34 ശതമാനമായിരുന്നു നിക്ഷേപനിരക്ക്. ഇപ്പോള്‍ അത് 28 ശതമാനമായി കുറഞ്ഞു. ഉയര്‍ന്ന പലിശച്ചെലവില്‍നിന്ന് രക്ഷനേടാന്‍ കോര്‍പറേറ്റ് മേഖല വന്‍തോതില്‍ വിദേശവായ്പകളെ ആശ്രയിക്കുന്നു. ഇതും ഡോളറിനുള്ള ആവശ്യം ഉയര്‍ത്തുന്നു. സാധനങ്ങള്‍ വില്‍ക്കാനും വാങ്ങാനുമാണ് കറന്‍സികള്‍ ഉപയോഗിക്കപ്പെട്ടിരുന്നതെങ്കില്‍ ഇന്ന് കറന്‍സികള്‍ വ്യാപാര സാധനങ്ങള്‍ കൂടിയാണ്. കറന്‍സികള്‍ കൈവശം വയ്ക്കുകയും വില്‍ക്കുകയും വാങ്ങുകയും ചെയ്യുന്ന സ്ഥാപനങ്ങളുണ്ട്. വിദേശവിനിമയ വിപണിയാണ് അവയുടെ പ്രവര്‍ത്തനരംഗം. ഉല്‍പ്പന്നങ്ങള്‍ക്ക് അവധി വ്യാപാരമുള്ളതുപോലെ കറന്‍സികള്‍ക്കും അവധിവ്യാപാരമുണ്ട്. നിശ്ചിത മാസങ്ങള്‍ക്ക് ശേഷം കൂടുതല്‍ രൂപ നല്‍കി ഡോളര്‍ വാങ്ങിക്കൊള്ളാമെന്ന് കരാറുണ്ടാക്കുമ്പോള്‍ സംഭവിക്കുന്നത് രൂപയുടെ മൂല്യത്തകര്‍ച്ചയാണ്. ചുരുക്കത്തില്‍ ആഗോള മൂലധനത്തിന്റെ സ്വതന്ത്രപ്രവേശം, രൂക്ഷമായ വിലക്കയറ്റം, ആഗോള സാമ്പത്തിക പ്രതിസന്ധി, അവധിവ്യാപാരം തുടങ്ങിയവയാണ് രൂപയുടെ മൂല്യത്തകര്‍ച്ചയ്ക്ക് വഴിയൊരുക്കുന്നത്. ഇറക്കുമതിച്ചെലവ് ദുര്‍വഹമായ രീതിയില്‍ വര്‍ധിക്കുമെന്നതാണ് രൂപയുടെ മൂല്യത്തകര്‍ച്ചയുടെ പ്രധാന പ്രത്യാഘാതം. 44.46 രൂപയ്ക്ക് കിട്ടിയിരുന്ന ഒരു ഡോളര്‍ കിട്ടാന്‍ 53.30 രൂപ നല്‍കണമെന്ന് പറഞ്ഞാല്‍ കാര്യം വ്യക്തമാകും. ഇത് ഇറക്കുമതി ചുരുക്കുമെന്ന് വാദിക്കാമെങ്കിലും ഇന്ത്യയുടെ പ്രധാന ഇറക്കുമതി വസ്തുക്കളൊന്നും പെട്ടെന്നോ വന്‍തോതിലോ ചുരുക്കാന്‍ കഴിയുന്നവയല്ല. മൊത്തം ഇറക്കുമതിയുടെ 33 ശതമാനം പെട്രോളിയം ഉല്‍പ്പന്നങ്ങളാണ്. ഭക്ഷ്യപദാര്‍ഥങ്ങള്‍ , രാസവസ്തുക്കള്‍ , രാസവളങ്ങള്‍ , യന്ത്രങ്ങള്‍ , ചരക്ക്-യാത്രാവാഹനങ്ങള്‍ , ഇലക്ട്രോണിക് ഉപകരണങ്ങള്‍ , സ്വര്‍ണവും വെള്ളിയും തുടങ്ങിയവയാണ് മറ്റ് പ്രധാന ഇറക്കുമതി വസ്തുക്കള്‍ . രൂപയുടെ മൂല്യത്തകര്‍ച്ച ഇവയുടെ വില ഉയരുന്നതിന് ഇടവരുത്തും. രൂപയുടെ മൂല്യത്തകര്‍ച്ച പെട്രോളിയം ഉല്‍പ്പന്നങ്ങളുടെ വില വര്‍ധിപ്പിക്കില്ലേ എന്ന സംശയമുയരാം. എണ്ണക്കമ്പനികളുടെ പേരില്‍ കേന്ദ്രസര്‍ക്കാര്‍ ഉയര്‍ത്തുന്ന ന്യായവാദവും ഇതുതന്നെയാണ്. രണ്ട് ചോദ്യങ്ങള്‍ ഇവിടെ പ്രസക്തമാകുന്നു. പെട്രോള്‍ , ഡീസല്‍ , മണ്ണെണ്ണ, പാചകവാതകം തുടങ്ങി ജനജീവിതത്തിന്റെ അവശ്യഘടകങ്ങളായി മാറിയ ഉല്‍പ്പന്നങ്ങളുടെ വിലനിര്‍ണയം, കേവല കച്ചവടവസ്തുക്കളുടെ വില നിശ്ചയിക്കുന്നതുപോലെ ആകാമോ എന്നതാണ് ഒന്നാമത്തെ ചോദ്യം. കാര്യമായ സബ്സിഡി നല്‍കി അവയുടെ വില താഴ്ത്തിനിര്‍ത്താന്‍ സര്‍ക്കാരിന് ബാധ്യതയില്ലേ എന്നതാണ് അനുബന്ധ ചോദ്യം-പ്രത്യേകിച്ചും പെട്രോളിന്റെയും മറ്റും വിലവര്‍ധന പൊതുവിലക്കയറ്റം രൂക്ഷമാക്കുന്ന പശ്ചാത്തലത്തില്‍ . കോര്‍പറേറ്റ് മേഖലയ്ക്ക് കഴിഞ്ഞ മൂന്നുവര്‍ഷത്തിനിടെ നികുതി ഇളവുകളും ആനുകൂല്യങ്ങളുമായി 13,19,198 കോടി രൂപ കേന്ദ്രസര്‍ക്കാര്‍ നല്‍കി എന്ന വസ്തുതയുടെകൂടി അടിസ്ഥാനത്തില്‍ വേണം സബ്സിഡിയുടെ സാധ്യതയെപ്പറ്റി ചര്‍ച്ചചെയ്യാന്‍ . രണ്ടാമതായി ഇന്ത്യ ക്രൂഡ് ഓയില്‍ വാങ്ങുന്നത് പ്രതിദിന വില നിരക്കിലല്ല. നിശ്ചിത നിരക്കിന് മുന്‍കൂട്ടി കരാറുറപ്പിക്കുകയാണ് രീതി. ക്രൂഡ് ഓയില്‍ കയറ്റുമതിചെയ്യുന്ന രാജ്യം കരാര്‍ അനുസരിച്ചുള്ള വിലനിരക്കില്‍ എണ്ണ ലഭ്യമാക്കാന്‍ ബാധ്യസ്ഥമാണ്. രൂപയുടെ മൂല്യത്തകര്‍ച്ച പരിഗണിച്ച് കൂടുതല്‍ ഡോളര്‍ നല്‍കേണ്ടതില്ല എന്നര്‍ഥം. മാത്രമല്ല ക്രൂഡ് ഓയില്‍ വില സമീപകാലത്ത് വര്‍ധിച്ചതുമില്ല. രൂപയുടെ മൂല്യത്തകര്‍ച്ചയുടെ പ്രത്യാഘാതം ജനങ്ങളുടെമേല്‍ അടിച്ചേല്‍പ്പിക്കണമോ അതോ സര്‍ക്കാര്‍ തന്നെ വഹിക്കണമോ എന്നതാണ് അടിസ്ഥാനപ്രശ്നം. ആദ്യത്തെ മാര്‍ഗം സ്വീകരിക്കുമെന്ന് വ്യക്തമാക്കപ്പെട്ടു കഴിഞ്ഞു. പെട്രോള്‍ വിലവര്‍ധനയുടെ ദുരന്തകാലമാണ് ജനങ്ങളെ കാത്തിരിക്കുന്നത്.
Showing posts with label സാമ്പത്തികം. Show all posts
Showing posts with label സാമ്പത്തികം. Show all posts
Wednesday, January 11, 2012
Saturday, November 26, 2011
ചില്ലറ വ്യാപാരരംഗത്തെ വിദേശനിക്ഷേപം ഉയര്‍ത്തുന്ന പ്രശ്നങ്ങള്‍
ചില്ലറ വ്യാപാരരംഗത്തെ വിദേശനിക്ഷേപം ഉയര്‍ത്തുന്ന പ്രശ്നങ്ങള്‍
പിണറായി വിജയന്‍
ദേശാഭിമാനി, 2011, നവംബർ 26
കഴിഞ്ഞദിവസം ചേര്‍ന്ന കേന്ദ്ര മന്ത്രിസഭായോഗം മള്‍ട്ടി ബ്രാന്‍ഡ് ചില്ലറവില്‍പ്പന രംഗത്ത് 51 ശതമാനം വിദേശനിക്ഷേപവും സിംഗിള്‍ ബ്രാന്‍ഡ് ചില്ലറവില്‍പ്പന മേഖലയിലെ 51 ശതമാനമുള്ള പ്രത്യക്ഷ വിദേശനിക്ഷേപം 100 ശതമാനമായും വര്‍ധിപ്പിക്കാന്‍ തീരുമാനിച്ചിരിക്കുകയാണ്. തുടക്കത്തില്‍ 10 ലക്ഷം ജനസംഖ്യയുള്ള നഗരങ്ങളിലാകും വിദേശകുത്തകകള്‍ക്ക് ഇത്തരത്തിലുള്ള പ്രവേശനമെന്നാണ് സര്‍ക്കാര്‍ പ്രഖ്യാപിച്ചിരിക്കുന്നത്. സാമ്രാജ്യത്വത്തോട്് അടിമ മനോഭാവം വച്ചുപുലര്‍ത്തുന്നവര്‍ കണ്ടാലും കൊണ്ടാലും പഠിക്കില്ലെന്ന കാര്യം ശരിവയ്ക്കുന്നതാണ് കേന്ദ്രസര്‍ക്കാരിന്റെ നിലപാട്. കോര്‍പറേറ്റുകള്‍ക്കുവേണ്ടി ജനങ്ങളുടെ താല്‍പ്പര്യം ബലികഴിക്കുകയെന്ന ആഗോളവല്‍ക്കരണനയത്തിന്റെ മറ്റൊരു മുഖമാണ് ഈ തീരുമാനത്തിലൂടെ പുറത്തുവന്നത്. ഈ നയങ്ങള്‍ ലോകത്ത് അടിച്ചേല്‍പ്പിക്കുന്നതിന് നേതൃത്വം നല്‍കുന്നത് അമേരിക്കയാണ്. എന്നാല്‍ , അമേരിക്കയില്‍തന്നെ ഒരു ശതമാനത്തിനുവേണ്ടിയാണ് ഇത്തരം നയങ്ങള്‍ നടപ്പാക്കുന്നതെന്ന് പ്രഖ്യാപിച്ച്; 99 ശതമാനത്തിന്റെ താല്‍പ്പര്യങ്ങള്‍ നടപ്പാക്കണമെന്ന് ആവശ്യപ്പെട്ട് വാള്‍സ്ട്രീറ്റ് കൈയടക്കല്‍ ഉള്‍പ്പെടെയുള്ള പ്രക്ഷോഭങ്ങള്‍ നടക്കുന്ന കാലമാണിത്. ആ പ്രക്ഷോഭം ലോകത്താകമാനം വ്യാപിക്കുന്നു. ഇത് മുഖ്യധാരാ മാധ്യമങ്ങള്‍ക്ക് വാര്‍ത്തയായില്ലെങ്കിലും അനിഷേധ്യമായ വസ്തുതയാണ്.
കേന്ദ്രസര്‍ക്കാര്‍ തീരുമാനത്തിന്റെ ഭാഗമായി ഇന്ത്യയിലേക്ക് കടന്നുവരാന്‍ പോകുന്ന പ്രമുഖ സ്ഥാപനം അമേരിക്കന്‍ കമ്പനിയായ വാള്‍മാര്‍ട്ടാണ്. അമേരിക്കയിലെതന്നെ ന്യൂയോര്‍ക്ക്, ലോസ് ആഞ്ചലസ് തുടങ്ങിയ പല നഗരങ്ങളിലും ഇവര്‍ക്ക് പ്രവേശനം അനുവദിച്ചിട്ടില്ല. വാള്‍മാര്‍ട്ടിനും ചില്ലറവില്‍പ്പന രംഗത്തെ വിദേശനിക്ഷേപത്തിനുമെതിരെ പ്രവര്‍ത്തിക്കുന്ന സംഘടനകള്‍ അമേരിക്കയിലുണ്ട്. 'അസോസിയേഷന്‍ ഓഫ് കമ്യൂണിറ്റി ഓര്‍ഗനൈസേഷന്‍ ഫോര്‍ റിഫോം നൗ' എന്നാണ് അതിന്റെ പേര്. അമേരിക്കയിലെ മൂന്നുലക്ഷം കുടുംബങ്ങള്‍ ഈ സംഘടനയില്‍ പ്രവര്‍ത്തിക്കുന്നു. അവിടെ ഏറ്റവും കൂടുതല്‍ ക്രിമിനല്‍ കേസ് നേരിടുന്ന സ്ഥാപനമാണ് വാള്‍മാര്‍ട്ട്. ഇവരുടെ പ്രവര്‍ത്തനംമൂലം 18 ലക്ഷത്തിലധികം പേര്‍ക്കാണ് അവിടെ തൊഴിലില്ലാതായത്. യൂറോപ്പിലെ ഏറ്റവും വലിയ ചില്ലറവിപണന ഗ്രൂപ്പായ 'കെയര്‍ഫോര്‍' ബ്രിട്ടീഷ് ചില്ലറ ഭീമന്‍ 'ടെസ്കോ', ജര്‍മന്‍ കമ്പനി 'മെട്രോ' തുടങ്ങിയ നിരവധി വിദേശകുത്തക കമ്പനികളും ഇത്തരത്തിലുള്ള പ്രവര്‍ത്തനങ്ങള്‍ നടത്തി ജനങ്ങളുടെ എതിര്‍പ്പ് വിവിധ പ്രദേശങ്ങളില്‍ നേരിട്ടവരാണ്. ഈ കുത്തകകളെ അടിയന്തരമായി ഇന്ത്യന്‍മണ്ണില്‍ കൊണ്ടുവരുന്നതിനുപിന്നില്‍ ഇവര്‍ നേരിടുന്ന പ്രതിസന്ധികള്‍ മറികടക്കുക എന്ന ലക്ഷ്യംകൂടിയുണ്ട്. ആഗോള സാമ്പത്തികപ്രതിസന്ധി കാരണം വടക്കെ അമേരിക്ക, യൂറോപ്പ് തുടങ്ങിയ മേഖലകളില്‍ ചില്ലറവ്യാപാര രംഗത്ത് 30 ശതമാനത്തിനും 40 ശതമാനത്തിനും ഇടയില്‍ ഉപഭോഗത്തില്‍ കുറവ് വന്നിട്ടുണ്ട്. അവിടങ്ങളില്‍ കെട്ടിക്കിടക്കുന്ന ഉല്‍പ്പന്നങ്ങള്‍ ഇന്ത്യന്‍ വിപണിയില്‍ ചെലവഴിക്കുക എന്നതും ഇതിന്റെ ലക്ഷ്യമാണ്. 2006ല്‍ സംഘടിത ചെറുകിടമേഖലയില്‍ ഇന്ത്യയില്‍ നടന്നത് 640 കോടി ഡോളറിന്റെ വ്യാപാരമാണ്. 2011ല്‍ അത് 2300 കോടി ഡോളറായി ഉയരാന്‍ പോവുകയാണ്. ഇങ്ങനെ വളര്‍ന്നുകൊണ്ടിരിക്കുന്ന ഈ മേഖലയാണ് ബഹുരാഷ്ട്രകുത്തകകളുടെ കൈയില്‍ അമരാന്‍ പോകുന്നത്. രാജ്യത്ത് ഇത്തരം കുത്തകകള്‍ കടന്നുവരുന്നതോടെ നമ്മുടെ ചില്ലറവിപണന മേഖല തകരും. വിദേശനിക്ഷേപം ഈ മേഖലയില്‍ വന്നാല്‍ എട്ടുലക്ഷംപേര്‍ക്ക് പുതുതായി തൊഴില്‍ ലഭിക്കുമെന്നാണ് ഇവരുടെ വാഗ്ദാനം. അതേസമയം, ഈ മേഖലയില്‍ പ്രവര്‍ത്തിക്കുന്ന നാലുകോടിയോളംപേര്‍ തൊഴില്‍രഹിതരായി തീരുന്ന നിലയുണ്ടാകുന്ന കാര്യം ഇവര്‍ മറച്ചുവയ്ക്കുന്നു. തായ്ലന്‍ഡില്‍ ചെറുകിട വ്യാപാരമേഖലയില്‍ വാള്‍മാര്‍ട്ട് കച്ചവടം തുടങ്ങിയപ്പോള്‍ 60,000ല്‍പ്പരം ചെറുകിടവ്യാപാരികളാണ് പട്ടിണിയിലായത്. ചെലവ് കുറഞ്ഞ സാധനങ്ങളുടെ കച്ചവടം, ഉടമസ്ഥന്‍തന്നെ ജോലിക്കാരനായ പ്രാദേശികകടകള്‍ , പലചരക്കുകടകള്‍ , ഉന്തുവണ്ടിക്കച്ചവടം, വഴിവാണിഭം തുടങ്ങിയവയാണ് ചെറുകിടവ്യാപാര മേഖലയിലെ കച്ചവടരീതി.
ഇന്ത്യയില്‍ പൊതുവില്‍ തൊഴിലവസരങ്ങള്‍ ഉയരാത്ത സാഹചര്യമാണ് കേന്ദ്രസര്‍ക്കാര്‍ നയം സൃഷ്ടിച്ചിട്ടുള്ളത്. അതുകൊണ്ട് സ്വയംതൊഴില്‍ നേടി യുവാക്കള്‍ ഉള്‍പ്പെടെ കടന്നുവരുന്ന മേഖലയാണ് ചെറുകിടവ്യാപാരത്തിന്റേത്. അതാണ് കേന്ദ്രസര്‍ക്കാര്‍ ഇല്ലാതാക്കുന്നത്. കുത്തകകളുടെ ഈ രംഗത്തേക്കുള്ള കടന്നുവരവ് വ്യാപാരികളെമാത്രമല്ല ബാധിക്കുക. കുത്തകകള്‍ വിപണി പിടിച്ചെടുക്കുന്നതോടെ കര്‍ഷകര്‍ക്ക് ഉല്‍പ്പന്നങ്ങള്‍ വില്‍ക്കുന്നതിന് ചെറുകിടക്കാരെ ആശ്രയിക്കാന്‍ കഴിയാതെവരും. ചില്ലറവ്യാപാരം നടത്തുന്ന കൂറ്റന്‍ ഭക്ഷ്യധാന്യക്കച്ചവടക്കാരെമാത്രം ആശ്രയിക്കേണ്ടിവരുന്ന കൃഷിക്കാര്‍ ഇവര്‍ പറയുന്ന വിലയ്ക്ക് ഉല്‍പ്പന്നങ്ങള്‍ നല്‍കേണ്ടിവരും. അങ്ങനെ കൃഷിക്കാരുടെ ഉല്‍പ്പന്നങ്ങള്‍ക്ക് വില നിശ്ചയിക്കുന്നതും ഈ കുത്തക ചില്ലറ വ്യാപാരികളായിരിക്കും. കേന്ദ്രസര്‍ക്കാരിന്റെ തെറ്റായ നയങ്ങളിലൂടെയും അതിലൂടെ രൂപപ്പെട്ടുവന്നിട്ടുള്ള കരാര്‍കൃഷിയിലൂടെയും പ്രതിസന്ധിയിലായിരിക്കുന്ന ഇന്ത്യന്‍ കാര്‍ഷികമേഖലയ്ക്ക്, കൂനിന്മേല്‍ കുരുവാകും ഈ പുതിയ തീരുമാനം. ചെറുകിടവ്യവസായികളും പ്രതിസന്ധി നേരിടും. കുത്തകകളുമായി ഇപ്പോള്‍ത്തന്നെ മത്സരിക്കാന്‍ ബുദ്ധിമുട്ടുന്ന ഇവര്‍ക്ക് ഉല്‍പ്പന്നങ്ങള്‍ ചെലവഴിക്കണമെങ്കില്‍ , കുത്തകകളെത്തന്നെ ആശ്രയിക്കേണ്ടിവരും. കുത്തകകള്‍ നിശ്ചയിക്കുന്ന വിലയ്ക്ക് ഉല്‍പ്പന്നങ്ങള്‍ നല്‍കേണ്ടിവരുന്നതോടെ ഇത്തരം വ്യവസായങ്ങളും പ്രതിസന്ധിയിലേക്ക് മുതലക്കൂപ്പ് നടത്തും. കുത്തകകള്‍ക്ക് ചെറുകിടക്കാരുടെ നിലനില്‍പ്പില്‍ താല്‍പ്പര്യമുണ്ടാകില്ലല്ലോ. അങ്ങനെ ചെറുകിടവ്യവസായത്തെ ആശ്രയിച്ച് ജീവിക്കുന്ന നൂറുകണക്കിന് തൊഴിലാളികളുടെ ജീവിതമാണ് പ്രതിസന്ധിയിലാവുക.
വന്‍കിട കുത്തകസ്ഥാപനങ്ങള്‍ നഗരങ്ങളില്‍ വരുന്നതോടെ നഗരങ്ങളുടെ മുഖച്ഛായ മാറും. അവരുടെ അനിയന്ത്രിതമായ വ്യാപനം റിയല്‍ എസ്റ്റേറ്റ് മാഫിയകളെ വളര്‍ത്തും. നഗര പശ്ചാത്തലസൗകര്യങ്ങളിലും പരിസ്ഥിതിയിലും തെറ്റായ പ്രവണതകള്‍ രൂപപ്പെടുത്തും. സാധാരണക്കാര്‍ ഉപയോഗിക്കുന്ന വിലകുറഞ്ഞ ഉല്‍പ്പന്നങ്ങള്‍ ലഭ്യമാകുന്ന ഇന്ത്യയിലെ ചെറുകിടവിപണിക്കുമേല്‍ വില കൂടിയ ബ്രാന്‍ഡുകള്‍ ഈ തീരുമാനത്തിലൂടെ അടിച്ചേല്‍പ്പിക്കപ്പെടും. വൈവിധ്യമാര്‍ന്ന നമ്മുടെ വിപണനരംഗത്തേക്ക് പരസ്യത്തിന്റെ മികവുകൂടി ഉപയോഗിച്ച് മേധാവിത്വം സ്ഥാപിക്കുന്ന ചെയ്തികളും ഇത്തരം കുത്തകകളുടെ ഭാഗത്തുനിന്ന് ഉണ്ടാകും. ഇതുകൂടി ചേരുന്നതോടെ ചെറുകിടവ്യാപാര മേഖലയുടെ തകര്‍ച്ചയ്ക്ക് ആക്കംകൂടും. കുത്തകകളുടെ ഉല്‍പ്പന്നങ്ങള്‍ കൂടിയ വിലയ്ക്ക് വാങ്ങേണ്ടിവരുന്ന നിലയും ഉണ്ടാകും. തുടക്കത്തില്‍ വിലകുറച്ച് നല്‍കുന്ന പ്രവണത ഇവര്‍ കാണിച്ചെന്നുവരാം. ചെറുകിടസ്ഥാപനങ്ങള്‍ ഉന്മൂലനം ചെയ്യപ്പെടുന്നതോടെ വന്‍തോതില്‍ വിലകൂട്ടി ഉല്‍പ്പന്നങ്ങള്‍ വില്‍ക്കുന്ന രീതിയും സ്വീകരിക്കും. കേരളത്തിന്റെ സ്ഥിതി പരിശോധിച്ചാല്‍ ആഭ്യന്തരവരുമാനത്തിന്റെ 23 ശതമാനം വാണിജ്യമേഖലയില്‍നിന്നാണ്. 0.5 ലക്ഷം മൊത്തവ്യാപാര സ്ഥാപനങ്ങളും 5.2 ലക്ഷം ചില്ലറകടകളും ഒരുലക്ഷത്തോളം ഹോട്ടലുമടക്കം ഏതാണ്ട് 12.3 ലക്ഷംപേര്‍ ഈ മേഖലയില്‍ തൊഴിലെടുക്കുന്നുണ്ട്. കേരളത്തിലെ ചില്ലറവില്‍പ്പന കമ്പോളത്തിലെ വളര്‍ച്ചനിരക്ക് 10.8 ശതമാനമാണെന്ന് ചില കണക്കുകള്‍ വ്യക്തമാക്കുന്നുണ്ട്. ഇത്തരത്തില്‍ വളര്‍ന്നുകൊണ്ടിരിക്കുന്ന മേഖലയാണ് വിദേശകുത്തകകള്‍ക്ക് അടിയറവയ്ക്കാന്‍ പോകുന്നത്. കേരളത്തിന്റെ കമ്പോളത്തെ വിദേശശക്തികള്‍ ഉപയോഗപ്പെടുത്തുന്ന നില വരുന്നതോടെ വ്യാപാരിസമൂഹം ഉള്‍പ്പെടെയുള്ള വിഭാഗങ്ങള്‍ വലിയ പ്രതിസന്ധിയിലാകും. മാത്രമല്ല, കാര്‍ഷിക മേഖലയിലും ചെറുകിടവ്യവസായ മേഖലയിലും ഇത് പ്രതിസന്ധി രൂപപ്പെടുത്തും.
വിരലിലെണ്ണാവുന്ന ബഹുരാഷ്ട്രകുത്തകകള്‍ക്കുവേണ്ടിയുള്ള ഈ നയം, ജനങ്ങളെ സാമ്രാജ്യത്വ താല്‍പ്പര്യങ്ങള്‍ക്കായി എറിഞ്ഞുകൊടുക്കുന്നതിനുതുല്യമാണ്. കുത്തക മുതലാളിത്തം സാമ്രാജ്യത്വവുമായി കൂടുതല്‍ കൂടുതല്‍ അടുത്തുകൊണ്ട് രാജ്യത്തെ ജനങ്ങളെ കൊള്ളയടിക്കുകയാണെന്ന സിപിഐ എമ്മിന്റെ പാര്‍ടിപരിപാടിയിലെ കാഴ്ചപ്പാട് അക്ഷരംപ്രതി ശരിയാണെന്ന് ഈ നയവും വ്യക്തമാക്കുന്നു. കേരളത്തിലെ വ്യാപാരിസമൂഹത്തെ കുത്തുപാളയെടുപ്പിക്കുന്ന കേന്ദ്രസര്‍ക്കാരിന്റെ ഈ നയത്തെസംബന്ധിച്ച് നിലപാട് വ്യക്തമാക്കാന്‍ സംസ്ഥാന സര്‍ക്കാര്‍ തയ്യാറാകണം. കേരളത്തില്‍നിന്ന് നിരവധി കേന്ദ്രമന്ത്രിമാരുണ്ടായിരിക്കെയാണ് ഈ ദ്രോഹനയം നടപ്പാക്കുന്നത്. കേരളത്തിന്റെ വിപുലമായ കമ്പോളം ഉപയോഗപ്പെടുത്തി ഇവിടത്തെ ജനതയ്ക്കുതന്നെ തൊഴിലവസരം ഒരുക്കപ്പെടുന്ന സാഹചര്യമാണ് ഇല്ലാതാകുന്നത്. ഇതിനെതിരെ വിപുലമായ പ്രക്ഷോഭങ്ങള്‍ ഉയര്‍ന്നുവരേണ്ടതുണ്ട്. യോജിക്കാന്‍ പറ്റാവുന്ന എല്ലാ ജനവിഭാഗങ്ങളെയും അണിനിരത്തി നടക്കുന്ന പ്രക്ഷോഭപ്രവര്‍ത്തനങ്ങളില്‍ വ്യാപാരിസമൂഹത്തിന്റെ വിപുലമായ പങ്കാളിത്തം ഉണ്ടാകേണ്ടതുണ്ട്. ഇത്തരം പ്രക്ഷോഭത്തിന് സിപിഐ എമ്മിന്റെ പിന്തുണയുണ്ടാകും. ഇത് വ്യാപാരിസമൂഹത്തിന്റെമാത്രമല്ല, മറ്റു ജനവിഭാഗങ്ങളുടെകൂടി പ്രശ്നമാണെന്ന നിലയില്‍ കാര്യങ്ങള്‍ കണ്ട് ഈ സമരവുമായി സഹകരിക്കണമെന്ന് അഭ്യര്‍ഥിക്കുന്നു.
പിണറായി വിജയന്‍
ദേശാഭിമാനി, 2011, നവംബർ 26
കഴിഞ്ഞദിവസം ചേര്‍ന്ന കേന്ദ്ര മന്ത്രിസഭായോഗം മള്‍ട്ടി ബ്രാന്‍ഡ് ചില്ലറവില്‍പ്പന രംഗത്ത് 51 ശതമാനം വിദേശനിക്ഷേപവും സിംഗിള്‍ ബ്രാന്‍ഡ് ചില്ലറവില്‍പ്പന മേഖലയിലെ 51 ശതമാനമുള്ള പ്രത്യക്ഷ വിദേശനിക്ഷേപം 100 ശതമാനമായും വര്‍ധിപ്പിക്കാന്‍ തീരുമാനിച്ചിരിക്കുകയാണ്. തുടക്കത്തില്‍ 10 ലക്ഷം ജനസംഖ്യയുള്ള നഗരങ്ങളിലാകും വിദേശകുത്തകകള്‍ക്ക് ഇത്തരത്തിലുള്ള പ്രവേശനമെന്നാണ് സര്‍ക്കാര്‍ പ്രഖ്യാപിച്ചിരിക്കുന്നത്. സാമ്രാജ്യത്വത്തോട്് അടിമ മനോഭാവം വച്ചുപുലര്‍ത്തുന്നവര്‍ കണ്ടാലും കൊണ്ടാലും പഠിക്കില്ലെന്ന കാര്യം ശരിവയ്ക്കുന്നതാണ് കേന്ദ്രസര്‍ക്കാരിന്റെ നിലപാട്. കോര്‍പറേറ്റുകള്‍ക്കുവേണ്ടി ജനങ്ങളുടെ താല്‍പ്പര്യം ബലികഴിക്കുകയെന്ന ആഗോളവല്‍ക്കരണനയത്തിന്റെ മറ്റൊരു മുഖമാണ് ഈ തീരുമാനത്തിലൂടെ പുറത്തുവന്നത്. ഈ നയങ്ങള്‍ ലോകത്ത് അടിച്ചേല്‍പ്പിക്കുന്നതിന് നേതൃത്വം നല്‍കുന്നത് അമേരിക്കയാണ്. എന്നാല്‍ , അമേരിക്കയില്‍തന്നെ ഒരു ശതമാനത്തിനുവേണ്ടിയാണ് ഇത്തരം നയങ്ങള്‍ നടപ്പാക്കുന്നതെന്ന് പ്രഖ്യാപിച്ച്; 99 ശതമാനത്തിന്റെ താല്‍പ്പര്യങ്ങള്‍ നടപ്പാക്കണമെന്ന് ആവശ്യപ്പെട്ട് വാള്‍സ്ട്രീറ്റ് കൈയടക്കല്‍ ഉള്‍പ്പെടെയുള്ള പ്രക്ഷോഭങ്ങള്‍ നടക്കുന്ന കാലമാണിത്. ആ പ്രക്ഷോഭം ലോകത്താകമാനം വ്യാപിക്കുന്നു. ഇത് മുഖ്യധാരാ മാധ്യമങ്ങള്‍ക്ക് വാര്‍ത്തയായില്ലെങ്കിലും അനിഷേധ്യമായ വസ്തുതയാണ്.
കേന്ദ്രസര്‍ക്കാര്‍ തീരുമാനത്തിന്റെ ഭാഗമായി ഇന്ത്യയിലേക്ക് കടന്നുവരാന്‍ പോകുന്ന പ്രമുഖ സ്ഥാപനം അമേരിക്കന്‍ കമ്പനിയായ വാള്‍മാര്‍ട്ടാണ്. അമേരിക്കയിലെതന്നെ ന്യൂയോര്‍ക്ക്, ലോസ് ആഞ്ചലസ് തുടങ്ങിയ പല നഗരങ്ങളിലും ഇവര്‍ക്ക് പ്രവേശനം അനുവദിച്ചിട്ടില്ല. വാള്‍മാര്‍ട്ടിനും ചില്ലറവില്‍പ്പന രംഗത്തെ വിദേശനിക്ഷേപത്തിനുമെതിരെ പ്രവര്‍ത്തിക്കുന്ന സംഘടനകള്‍ അമേരിക്കയിലുണ്ട്. 'അസോസിയേഷന്‍ ഓഫ് കമ്യൂണിറ്റി ഓര്‍ഗനൈസേഷന്‍ ഫോര്‍ റിഫോം നൗ' എന്നാണ് അതിന്റെ പേര്. അമേരിക്കയിലെ മൂന്നുലക്ഷം കുടുംബങ്ങള്‍ ഈ സംഘടനയില്‍ പ്രവര്‍ത്തിക്കുന്നു. അവിടെ ഏറ്റവും കൂടുതല്‍ ക്രിമിനല്‍ കേസ് നേരിടുന്ന സ്ഥാപനമാണ് വാള്‍മാര്‍ട്ട്. ഇവരുടെ പ്രവര്‍ത്തനംമൂലം 18 ലക്ഷത്തിലധികം പേര്‍ക്കാണ് അവിടെ തൊഴിലില്ലാതായത്. യൂറോപ്പിലെ ഏറ്റവും വലിയ ചില്ലറവിപണന ഗ്രൂപ്പായ 'കെയര്‍ഫോര്‍' ബ്രിട്ടീഷ് ചില്ലറ ഭീമന്‍ 'ടെസ്കോ', ജര്‍മന്‍ കമ്പനി 'മെട്രോ' തുടങ്ങിയ നിരവധി വിദേശകുത്തക കമ്പനികളും ഇത്തരത്തിലുള്ള പ്രവര്‍ത്തനങ്ങള്‍ നടത്തി ജനങ്ങളുടെ എതിര്‍പ്പ് വിവിധ പ്രദേശങ്ങളില്‍ നേരിട്ടവരാണ്. ഈ കുത്തകകളെ അടിയന്തരമായി ഇന്ത്യന്‍മണ്ണില്‍ കൊണ്ടുവരുന്നതിനുപിന്നില്‍ ഇവര്‍ നേരിടുന്ന പ്രതിസന്ധികള്‍ മറികടക്കുക എന്ന ലക്ഷ്യംകൂടിയുണ്ട്. ആഗോള സാമ്പത്തികപ്രതിസന്ധി കാരണം വടക്കെ അമേരിക്ക, യൂറോപ്പ് തുടങ്ങിയ മേഖലകളില്‍ ചില്ലറവ്യാപാര രംഗത്ത് 30 ശതമാനത്തിനും 40 ശതമാനത്തിനും ഇടയില്‍ ഉപഭോഗത്തില്‍ കുറവ് വന്നിട്ടുണ്ട്. അവിടങ്ങളില്‍ കെട്ടിക്കിടക്കുന്ന ഉല്‍പ്പന്നങ്ങള്‍ ഇന്ത്യന്‍ വിപണിയില്‍ ചെലവഴിക്കുക എന്നതും ഇതിന്റെ ലക്ഷ്യമാണ്. 2006ല്‍ സംഘടിത ചെറുകിടമേഖലയില്‍ ഇന്ത്യയില്‍ നടന്നത് 640 കോടി ഡോളറിന്റെ വ്യാപാരമാണ്. 2011ല്‍ അത് 2300 കോടി ഡോളറായി ഉയരാന്‍ പോവുകയാണ്. ഇങ്ങനെ വളര്‍ന്നുകൊണ്ടിരിക്കുന്ന ഈ മേഖലയാണ് ബഹുരാഷ്ട്രകുത്തകകളുടെ കൈയില്‍ അമരാന്‍ പോകുന്നത്. രാജ്യത്ത് ഇത്തരം കുത്തകകള്‍ കടന്നുവരുന്നതോടെ നമ്മുടെ ചില്ലറവിപണന മേഖല തകരും. വിദേശനിക്ഷേപം ഈ മേഖലയില്‍ വന്നാല്‍ എട്ടുലക്ഷംപേര്‍ക്ക് പുതുതായി തൊഴില്‍ ലഭിക്കുമെന്നാണ് ഇവരുടെ വാഗ്ദാനം. അതേസമയം, ഈ മേഖലയില്‍ പ്രവര്‍ത്തിക്കുന്ന നാലുകോടിയോളംപേര്‍ തൊഴില്‍രഹിതരായി തീരുന്ന നിലയുണ്ടാകുന്ന കാര്യം ഇവര്‍ മറച്ചുവയ്ക്കുന്നു. തായ്ലന്‍ഡില്‍ ചെറുകിട വ്യാപാരമേഖലയില്‍ വാള്‍മാര്‍ട്ട് കച്ചവടം തുടങ്ങിയപ്പോള്‍ 60,000ല്‍പ്പരം ചെറുകിടവ്യാപാരികളാണ് പട്ടിണിയിലായത്. ചെലവ് കുറഞ്ഞ സാധനങ്ങളുടെ കച്ചവടം, ഉടമസ്ഥന്‍തന്നെ ജോലിക്കാരനായ പ്രാദേശികകടകള്‍ , പലചരക്കുകടകള്‍ , ഉന്തുവണ്ടിക്കച്ചവടം, വഴിവാണിഭം തുടങ്ങിയവയാണ് ചെറുകിടവ്യാപാര മേഖലയിലെ കച്ചവടരീതി.
ഇന്ത്യയില്‍ പൊതുവില്‍ തൊഴിലവസരങ്ങള്‍ ഉയരാത്ത സാഹചര്യമാണ് കേന്ദ്രസര്‍ക്കാര്‍ നയം സൃഷ്ടിച്ചിട്ടുള്ളത്. അതുകൊണ്ട് സ്വയംതൊഴില്‍ നേടി യുവാക്കള്‍ ഉള്‍പ്പെടെ കടന്നുവരുന്ന മേഖലയാണ് ചെറുകിടവ്യാപാരത്തിന്റേത്. അതാണ് കേന്ദ്രസര്‍ക്കാര്‍ ഇല്ലാതാക്കുന്നത്. കുത്തകകളുടെ ഈ രംഗത്തേക്കുള്ള കടന്നുവരവ് വ്യാപാരികളെമാത്രമല്ല ബാധിക്കുക. കുത്തകകള്‍ വിപണി പിടിച്ചെടുക്കുന്നതോടെ കര്‍ഷകര്‍ക്ക് ഉല്‍പ്പന്നങ്ങള്‍ വില്‍ക്കുന്നതിന് ചെറുകിടക്കാരെ ആശ്രയിക്കാന്‍ കഴിയാതെവരും. ചില്ലറവ്യാപാരം നടത്തുന്ന കൂറ്റന്‍ ഭക്ഷ്യധാന്യക്കച്ചവടക്കാരെമാത്രം ആശ്രയിക്കേണ്ടിവരുന്ന കൃഷിക്കാര്‍ ഇവര്‍ പറയുന്ന വിലയ്ക്ക് ഉല്‍പ്പന്നങ്ങള്‍ നല്‍കേണ്ടിവരും. അങ്ങനെ കൃഷിക്കാരുടെ ഉല്‍പ്പന്നങ്ങള്‍ക്ക് വില നിശ്ചയിക്കുന്നതും ഈ കുത്തക ചില്ലറ വ്യാപാരികളായിരിക്കും. കേന്ദ്രസര്‍ക്കാരിന്റെ തെറ്റായ നയങ്ങളിലൂടെയും അതിലൂടെ രൂപപ്പെട്ടുവന്നിട്ടുള്ള കരാര്‍കൃഷിയിലൂടെയും പ്രതിസന്ധിയിലായിരിക്കുന്ന ഇന്ത്യന്‍ കാര്‍ഷികമേഖലയ്ക്ക്, കൂനിന്മേല്‍ കുരുവാകും ഈ പുതിയ തീരുമാനം. ചെറുകിടവ്യവസായികളും പ്രതിസന്ധി നേരിടും. കുത്തകകളുമായി ഇപ്പോള്‍ത്തന്നെ മത്സരിക്കാന്‍ ബുദ്ധിമുട്ടുന്ന ഇവര്‍ക്ക് ഉല്‍പ്പന്നങ്ങള്‍ ചെലവഴിക്കണമെങ്കില്‍ , കുത്തകകളെത്തന്നെ ആശ്രയിക്കേണ്ടിവരും. കുത്തകകള്‍ നിശ്ചയിക്കുന്ന വിലയ്ക്ക് ഉല്‍പ്പന്നങ്ങള്‍ നല്‍കേണ്ടിവരുന്നതോടെ ഇത്തരം വ്യവസായങ്ങളും പ്രതിസന്ധിയിലേക്ക് മുതലക്കൂപ്പ് നടത്തും. കുത്തകകള്‍ക്ക് ചെറുകിടക്കാരുടെ നിലനില്‍പ്പില്‍ താല്‍പ്പര്യമുണ്ടാകില്ലല്ലോ. അങ്ങനെ ചെറുകിടവ്യവസായത്തെ ആശ്രയിച്ച് ജീവിക്കുന്ന നൂറുകണക്കിന് തൊഴിലാളികളുടെ ജീവിതമാണ് പ്രതിസന്ധിയിലാവുക.
വന്‍കിട കുത്തകസ്ഥാപനങ്ങള്‍ നഗരങ്ങളില്‍ വരുന്നതോടെ നഗരങ്ങളുടെ മുഖച്ഛായ മാറും. അവരുടെ അനിയന്ത്രിതമായ വ്യാപനം റിയല്‍ എസ്റ്റേറ്റ് മാഫിയകളെ വളര്‍ത്തും. നഗര പശ്ചാത്തലസൗകര്യങ്ങളിലും പരിസ്ഥിതിയിലും തെറ്റായ പ്രവണതകള്‍ രൂപപ്പെടുത്തും. സാധാരണക്കാര്‍ ഉപയോഗിക്കുന്ന വിലകുറഞ്ഞ ഉല്‍പ്പന്നങ്ങള്‍ ലഭ്യമാകുന്ന ഇന്ത്യയിലെ ചെറുകിടവിപണിക്കുമേല്‍ വില കൂടിയ ബ്രാന്‍ഡുകള്‍ ഈ തീരുമാനത്തിലൂടെ അടിച്ചേല്‍പ്പിക്കപ്പെടും. വൈവിധ്യമാര്‍ന്ന നമ്മുടെ വിപണനരംഗത്തേക്ക് പരസ്യത്തിന്റെ മികവുകൂടി ഉപയോഗിച്ച് മേധാവിത്വം സ്ഥാപിക്കുന്ന ചെയ്തികളും ഇത്തരം കുത്തകകളുടെ ഭാഗത്തുനിന്ന് ഉണ്ടാകും. ഇതുകൂടി ചേരുന്നതോടെ ചെറുകിടവ്യാപാര മേഖലയുടെ തകര്‍ച്ചയ്ക്ക് ആക്കംകൂടും. കുത്തകകളുടെ ഉല്‍പ്പന്നങ്ങള്‍ കൂടിയ വിലയ്ക്ക് വാങ്ങേണ്ടിവരുന്ന നിലയും ഉണ്ടാകും. തുടക്കത്തില്‍ വിലകുറച്ച് നല്‍കുന്ന പ്രവണത ഇവര്‍ കാണിച്ചെന്നുവരാം. ചെറുകിടസ്ഥാപനങ്ങള്‍ ഉന്മൂലനം ചെയ്യപ്പെടുന്നതോടെ വന്‍തോതില്‍ വിലകൂട്ടി ഉല്‍പ്പന്നങ്ങള്‍ വില്‍ക്കുന്ന രീതിയും സ്വീകരിക്കും. കേരളത്തിന്റെ സ്ഥിതി പരിശോധിച്ചാല്‍ ആഭ്യന്തരവരുമാനത്തിന്റെ 23 ശതമാനം വാണിജ്യമേഖലയില്‍നിന്നാണ്. 0.5 ലക്ഷം മൊത്തവ്യാപാര സ്ഥാപനങ്ങളും 5.2 ലക്ഷം ചില്ലറകടകളും ഒരുലക്ഷത്തോളം ഹോട്ടലുമടക്കം ഏതാണ്ട് 12.3 ലക്ഷംപേര്‍ ഈ മേഖലയില്‍ തൊഴിലെടുക്കുന്നുണ്ട്. കേരളത്തിലെ ചില്ലറവില്‍പ്പന കമ്പോളത്തിലെ വളര്‍ച്ചനിരക്ക് 10.8 ശതമാനമാണെന്ന് ചില കണക്കുകള്‍ വ്യക്തമാക്കുന്നുണ്ട്. ഇത്തരത്തില്‍ വളര്‍ന്നുകൊണ്ടിരിക്കുന്ന മേഖലയാണ് വിദേശകുത്തകകള്‍ക്ക് അടിയറവയ്ക്കാന്‍ പോകുന്നത്. കേരളത്തിന്റെ കമ്പോളത്തെ വിദേശശക്തികള്‍ ഉപയോഗപ്പെടുത്തുന്ന നില വരുന്നതോടെ വ്യാപാരിസമൂഹം ഉള്‍പ്പെടെയുള്ള വിഭാഗങ്ങള്‍ വലിയ പ്രതിസന്ധിയിലാകും. മാത്രമല്ല, കാര്‍ഷിക മേഖലയിലും ചെറുകിടവ്യവസായ മേഖലയിലും ഇത് പ്രതിസന്ധി രൂപപ്പെടുത്തും.
വിരലിലെണ്ണാവുന്ന ബഹുരാഷ്ട്രകുത്തകകള്‍ക്കുവേണ്ടിയുള്ള ഈ നയം, ജനങ്ങളെ സാമ്രാജ്യത്വ താല്‍പ്പര്യങ്ങള്‍ക്കായി എറിഞ്ഞുകൊടുക്കുന്നതിനുതുല്യമാണ്. കുത്തക മുതലാളിത്തം സാമ്രാജ്യത്വവുമായി കൂടുതല്‍ കൂടുതല്‍ അടുത്തുകൊണ്ട് രാജ്യത്തെ ജനങ്ങളെ കൊള്ളയടിക്കുകയാണെന്ന സിപിഐ എമ്മിന്റെ പാര്‍ടിപരിപാടിയിലെ കാഴ്ചപ്പാട് അക്ഷരംപ്രതി ശരിയാണെന്ന് ഈ നയവും വ്യക്തമാക്കുന്നു. കേരളത്തിലെ വ്യാപാരിസമൂഹത്തെ കുത്തുപാളയെടുപ്പിക്കുന്ന കേന്ദ്രസര്‍ക്കാരിന്റെ ഈ നയത്തെസംബന്ധിച്ച് നിലപാട് വ്യക്തമാക്കാന്‍ സംസ്ഥാന സര്‍ക്കാര്‍ തയ്യാറാകണം. കേരളത്തില്‍നിന്ന് നിരവധി കേന്ദ്രമന്ത്രിമാരുണ്ടായിരിക്കെയാണ് ഈ ദ്രോഹനയം നടപ്പാക്കുന്നത്. കേരളത്തിന്റെ വിപുലമായ കമ്പോളം ഉപയോഗപ്പെടുത്തി ഇവിടത്തെ ജനതയ്ക്കുതന്നെ തൊഴിലവസരം ഒരുക്കപ്പെടുന്ന സാഹചര്യമാണ് ഇല്ലാതാകുന്നത്. ഇതിനെതിരെ വിപുലമായ പ്രക്ഷോഭങ്ങള്‍ ഉയര്‍ന്നുവരേണ്ടതുണ്ട്. യോജിക്കാന്‍ പറ്റാവുന്ന എല്ലാ ജനവിഭാഗങ്ങളെയും അണിനിരത്തി നടക്കുന്ന പ്രക്ഷോഭപ്രവര്‍ത്തനങ്ങളില്‍ വ്യാപാരിസമൂഹത്തിന്റെ വിപുലമായ പങ്കാളിത്തം ഉണ്ടാകേണ്ടതുണ്ട്. ഇത്തരം പ്രക്ഷോഭത്തിന് സിപിഐ എമ്മിന്റെ പിന്തുണയുണ്ടാകും. ഇത് വ്യാപാരിസമൂഹത്തിന്റെമാത്രമല്ല, മറ്റു ജനവിഭാഗങ്ങളുടെകൂടി പ്രശ്നമാണെന്ന നിലയില്‍ കാര്യങ്ങള്‍ കണ്ട് ഈ സമരവുമായി സഹകരിക്കണമെന്ന് അഭ്യര്‍ഥിക്കുന്നു.
Friday, November 25, 2011
ലിറയായി മാറുന്ന രൂപ
ലിറയായി മാറുന്ന രൂപ
പ്രഭാവര്‍മ
ദേശാഭിമനി, 25-11-2011
ഏഷ്യയിലെ ഏറ്റവും മോശം കറന്‍സിയായി മാറിയിരിക്കുന്നു ഇന്ത്യന്‍ രൂപ. ഈ വര്‍ഷം പതിനഞ്ചുശതമാനം കണ്ടാണ് അതിന്റെ വിലയിടിഞ്ഞിട്ടുള്ളത്. ഒരു ഡോളര്‍ വാങ്ങണമെങ്കില്‍ 51.97 രൂപ നല്‍കണമെന്ന നില വന്നിരിക്കുന്നു. ഈ നിലയ്ക്കുപോയാല്‍ ഇന്ത്യന്‍രൂപയ്ക്ക് പഴയ ഇറ്റാലിയന്‍ ലിറയുടെ ഗതിയാവും. യൂറോ വരുന്നതിന് മുമ്പ് ഒരു സഞ്ചി നിറയെ ലിറ കൊടുക്കണമായിരുന്നു ഇറ്റലിക്കാര്‍ക്ക് ഒരു ഡോളര്‍ കിട്ടാന്‍ . രൂപയുടെ ഈ മൂല്യത്തകര്‍ച്ച തകരുന്ന ഇന്ത്യന്‍ സമ്പദ്ഘടനയുടെ സൂചകമാണ്. ഉദാരവല്‍ക്കരണആഗോളവല്‍ക്കരണ സാമ്പത്തികനയം അതിന്റെ രണ്ടാം തലമുറ പരിഷ്കാരഘട്ടത്തില്‍ സമ്പദ്ഘടനയെ വികസിത സമ്പദ്ഘടനകള്‍ക്ക് തുല്യമാക്കുമെന്ന് തൊണ്ണൂറുകളുടെ തുടക്കത്തില്‍ പറഞ്ഞിരുന്നത് ഡോ. മന്‍മോഹന്‍സിങ്ങാണ്. രണ്ടാംതലമുറ പരിഷ്കാര (ലെരീിറ ഴലിലൃമശീിേ ൃലളീൃാ) ഘട്ടം പാതി കഴിഞ്ഞു. മന്‍മോഹന്‍സിങ് പ്രധാനമന്ത്രിയായിട്ട് വര്‍ഷം എട്ടായി. എന്നാല്‍ , സമ്പദ്ഘടന വീണ്ടെടുക്കാന്‍പോലുമാകാത്ത വിധത്തില്‍ തകര്‍ച്ചയിലുമായി. രൂപ വിലയില്ലാത്ത കടലാസായി അതിവേഗം മാറുന്നു. സാമ്പത്തിക പരിഷ്കാരവാദികള്‍ക്ക് എന്തുത്തരമുണ്ട് പറയാന്‍ ?
കറന്‍സിയുടെ മൂല്യം നിര്‍ണയിക്കുന്നത് പ്രധാനമായും രണ്ട് ഘടകങ്ങളാണ്. ആദ്യത്തേത് പണപ്പെരുപ്പം. രണ്ടാമത്തേത് വിദേശനാണ്യശേഖരത്തിന്റെ നില. ഒരു രാജ്യത്ത് മറ്റൊരു രാജ്യത്തിന്റേതില്‍ കവിഞ്ഞ പണപ്പെരുപ്പത്തോതുണ്ടെങ്കില്‍ ആ രാജ്യത്തിന്റെ കറന്‍സിയുടെ മൂല്യം മറ്റേതിനെ അപേക്ഷിച്ച് ഇടിയും. വാങ്ങല്‍ശേഷിയിലെ തുല്യതയ്ക്ക് വേണ്ടിയുള്ളതാണ് ആ ഇടിയല്‍ . വിദേശനാണ്യശേഖരം ആകട്ടെ അടവുശിഷ്ടക്കണക്കിനെ(യമഹമിരല ീള ുമ്യാലി) അടിസ്ഥാനപ്പെടുത്തിയിരിക്കുന്നു. വമ്പിച്ച കറന്റ് അക്കൗണ്ട് മിച്ചങ്ങളുള്ള രാജ്യത്തിന്റെ കറന്‍സിയുടെ മൂല്യം ഉയര്‍ന്നിരിക്കും. വമ്പിച്ച കറന്റ് അക്കൗണ്ട് കമ്മിയുള്ള രാജ്യത്തിന്റെ കറന്‍സിയുടെ മൂല്യം ഇടിഞ്ഞിരിക്കും. രാഷ്ടീയസ്ഥിരത, നിക്ഷേപ കാലാവസ്ഥ, സമ്പദ്ഘടനയുടെ വികസന നിരക്ക്, പലിശനിരക്കിന്റെ നില തുടങ്ങിയവയൊക്കെ കറന്‍സിയുടെ മൂല്യത്തെ നിര്‍ണയിക്കുന്ന ഘടകങ്ങളാണെങ്കിലും പ്രധാന സ്വാധീനശക്തി പണപ്പെരുപ്പവും വിദേശനാണ്യശേഖരവുംതന്നെ.
ഈ രംഗത്ത്, സാമ്പത്തിക പരിഷ്കാരത്തിന്റെ മൂന്നാംപതിറ്റാണ്ടിന്റെ പ്രാരംഭഘട്ടമായ ഇന്ന് ഇന്ത്യയുടെ സ്ഥിതി എന്താണെന്നുനോക്കുക. ഭീകരമാംവിധം ഇന്ത്യയുടെ വ്യാപാരകമ്മി വര്‍ധിച്ചിരിക്കുന്നു.
2011 ഫെബ്രുവരിയില്‍ 4.5 ബില്യണ്‍ ഡോളറായിരുന്ന വ്യാപാരകമ്മി 2011 ഒക്ടോബറില്‍ 20 ബില്യണ്‍ ആയി ഉയര്‍ന്നുനില്‍ക്കുന്നു. കറന്റ് അക്കൗണ്ടില്‍ സ്ഥിരമായി കമ്മി മാത്രമുള്ള ഏഷ്യയിലെ പ്രധാനപ്പെട്ട ഏകരാജ്യം എന്ന പദവി ഇന്ത്യയ്ക്കായിരിക്കുന്നു. ഈ വര്‍ഷം ഇന്ത്യയുടെ കറന്റ് അക്കൗണ്ട് കമ്മി മൊത്തം ദേശീയവരുമാനത്തിന്റെ(ഏഉജ) 2.9 ശതമാനമാവുമെന്ന് കണക്കാക്കപ്പെടുന്നു. കഴിഞ്ഞ വര്‍ഷം ഇത് 2.6 ശതമാനമായിരുന്നു. കയറ്റുമതി കുറയുകയും ക്രൂഡ്ഓയില്‍ , സ്വര്‍ണം എന്നിവയുടെ വില ഉയര്‍ന്നുതന്നെ നില്‍ക്കുകയുംചെയ്യുന്ന സ്ഥിതി തുടര്‍ന്നാല്‍ ദേശീയവരുമാനത്തിന്റെ മൂന്നുശതമാനം കടക്കും കറന്റ് അക്കൗണ്ട് കമ്മി. ബജറ്റില്‍ വിഭാവനംചെയ്ത 4.6 എന്നതിനെ തകര്‍ത്തെറിഞ്ഞുകൊണ്ട് ഇന്ത്യയുടെ ധനകമ്മി(എശരെമഹ ഉലളശരശ) അഞ്ചുശതമാനം കടക്കുകയാണ് ഇതേ ഘട്ടത്തില്‍ . രാജ്യത്തേക്കുള്ള മൂലധനനിക്ഷേപപ്രവാഹം ഇതിനിടെ മന്ദീഭവിച്ചു. 2011ന്റെ രണ്ടാംപാദത്തില്‍ 13.4 ബില്യണ്‍ ഡോളറായിരുന്ന നേരിട്ടുള്ള വിദേശനാണ്യനിക്ഷേപം(എഉക) മൂന്നാംപാദമായപ്പോള്‍ 5.7 ബില്യണ്‍ ഡോളറായി കുറഞ്ഞു. പോര്‍ട്ഫോളിയോ ധനവരവാകട്ടെ, 2011 ജനുവരി ഒക്ടോബര്‍ ഘട്ടത്തില്‍ , കഴിഞ്ഞ വര്‍ഷത്തെ ഇതേഘട്ടത്തിലുണ്ടായിരുന്ന 34 ബില്യണ്‍ ഡോളറില്‍നിന്ന് നാലുബില്യണ്‍ ഡോളറിലേക്ക് താണു. ഇന്ത്യയിലെ പണപ്പെരുപ്പവര്‍ധനാനിരക്ക് അമേരിക്കയിലേതിനേക്കാള്‍ ഉയര്‍ന്ന തോതിലായി.
ഇന്ത്യയുടെ വിദേശനാണ്യശേഖരമാകട്ടെ 2008 മേയില്‍ എത്രയായിരുന്നോ അവിടെനിന്ന് അല്‍പ്പംപോലും ഉയര്‍ന്നിട്ടില്ല. അന്ന് 315 ബില്യണ്‍ ഡോളറായിരുന്നു. ഇന്നും അതുതന്നെ. എന്നുമാത്രമല്ല, അടച്ചുതീര്‍ക്കാനുള്ള ഹ്രസ്വകാലവായ്പ കഴിച്ചുള്ള വാര്‍ഷിക കറന്റ് അക്കൗണ്ട് ശിഷ്ടവും വിദേശനാണ്യശേഖരവും ചേര്‍ത്തുള്ള വിദേശനാണ്യശേഖര കവറേജ് സമഗ്രമായെടുത്താല്‍ 2008ല്‍ മൊത്തം ദേശീയവരുമാനത്തിന്റെ 14 ശതമാനമായിരുന്നത് ഇന്ന് 9.1 ശതമാനമായി താഴ്ന്നുവെന്ന് കാണുകയും ചെയ്യാം. ഇതുകൊണ്ടൊക്കെത്തന്നെ റിസര്‍വ് ബാങ്കിന് ഇടപെടാന്‍ കഴിയാത്ത വിധത്തിലായി രൂപയുടെ നില. ഇടപെട്ടുപോയാല്‍ ബാങ്കിങ് സമ്പ്രദായത്തെപ്പോലും ബാധിക്കും എന്ന സ്ഥിതി. രൂപയുടെ മൂല്യത്തകര്‍ച്ചകൊണ്ട് വിദേശവായ്പാപലിശയ്ക്കുമേലുണ്ടാകുന്ന അധികഭാരവും കറന്റ് അക്കൗണ്ട് കമ്മി രൂക്ഷമാക്കുന്നു.
സാമ്പത്തിക പരിഷ്കാരത്തിന്റെ മൂന്നാംപതിറ്റാണ്ടിന്റെ തുടക്കത്തില്‍ കാണുന്നത്, ആര്‍ക്കുവേണ്ടിയായിരുന്നോ ഈ പരിഷ്കാരങ്ങള്‍ , അവര്‍ക്ക് ഗുണമുണ്ടാവുന്നു എന്നാണ്. അമേരിക്കയുടെ കല്‍പ്പനപ്രകാരമായിരുന്നു പരിഷ്കാരം. വികസ്വരരാജ്യ കറന്‍സികളെ അപേക്ഷിച്ച് അമേരിക്കയുടെ ഡോളറിന്റെ മൂല്യം ഉയരുന്നു. അതുകൊണ്ടുതന്നെ പണം അമേരിക്കന്‍ ട്രഷറികളിലേക്ക് ഒഴുകിയെത്തുന്നു. പരിഷ്കാരം നടപ്പാക്കിയ വികസ്വരരാജ്യ കറന്‍സികളുടെ മൂല്യം ഇടിയുന്നു. ഇത്തരം രാജ്യങ്ങളുടെ കറന്‍സിക്കൊത്ത മൂല്യവ്യതിയാനങ്ങളാണ് 2005 മുതല്‍ ഇന്ത്യന്‍ രൂപയ്ക്കുണ്ടായിക്കൊണ്ടിരുന്നത്. എന്നാലിന്ന് ഇന്ത്യന്‍ രൂപ അത്തരം കറന്‍സികളുടെ നിലയില്‍നിന്നുപോലും താഴേക്കുപോകുന്നു. വിദേശനാണ്യ കമ്പോളത്തിലിടപെടില്ല എന്നാണ് ഇന്തോനേഷ്യയുടേതില്‍നിന്നും മറ്റും വ്യത്യസ്തമായി ഇന്ത്യന്‍ റിസര്‍വ്ബാങ്കിന്റെ നിലപാട്. ഇതും രൂപയുടെ മൂല്യം പിടിച്ചുനിര്‍ത്തുന്നതിന് തടസ്സമാവുന്നു.
രൂപയുടെ മൂല്യം ഇനിയും ഇടിയാന്‍തന്നെയാണ് സാധ്യത. ഇന്ത്യയുടെ വിദേശവാണിജ്യവായ്പകള്‍ , വിദേശനാണ്യ കണ്‍വേര്‍ട്ടിബിള്‍ ബോണ്ടുകള്‍ എന്നിവ 2010 ഡിസംബറിലെ കണക്കുകള്‍ പ്രകാരം 150 ബില്യണ്‍ യുഎസ് ഡോളറിന്റേതാണ്. സാമ്പത്തികമാന്ദ്യംമൂലം കഷ്ടത്തിലായതുകൊണ്ടും ഇന്ത്യയിലെ പണമിടപാട് ശോഭനമല്ല എന്ന ഭീതികൊണ്ടും വായ്പാദാതാക്കള്‍ ഇതില്‍ ഒരു ഭാഗം തിരിച്ചുപിടിക്കുന്നപക്ഷം രൂപയുടെ മൂല്യം വീണ്ടും ഇടിയും.
യൂറോപ്പില്‍ സാമ്പത്തിക സാഹചര്യം വഷളാവുന്നതായാണ് റിപ്പോര്‍ട്ട്. യൂറോപ്യന്‍ യൂണിയന്‍ സമ്പദ്ഘടനകളിലേക്കാകെ അത് പടരും. ഭഅഅഅ'' എന്ന റേറ്റിങ്ങുള്ള ഫ്രാന്‍സ്, നെതര്‍ലന്‍ഡ്സ്്, ഓസ്ട്രിയ എന്നിവയെപ്പോലും ഇത് ബാധിക്കും. യൂറോപ്യന്‍ പ്രതിസന്ധി അപകടകരമായ അവസ്ഥയിലേക്ക് മെല്ലെ നീങ്ങുകയാണ്. യൂറോമേഖലയുടെ ശക്തിസ്രോതസ്സായ ജര്‍മനി സാമ്പത്തികമാന്ദ്യത്തിലേക്ക് നീങ്ങുന്നതായും റിപ്പോര്‍ട്ടുകളുണ്ട്. മൂല്യത്തകര്‍ച്ചയാണ് 'യൂറോ'യും നേരിടുന്നത് എന്നര്‍ഥം. അങ്ങനെവന്നാല്‍ യുഎസ് ഡോളറിന്റെ മൂല്യം ഉയരും. ഇന്ത്യന്‍ രൂപ വീണ്ടും ക്ഷീണിക്കും എന്നര്‍ഥം.
ഇന്ത്യയുടെ കറന്റ് അക്കൗണ്ട് കമ്മി വര്‍ധിച്ചത് ഉയര്‍ന്ന സ്വര്‍ണ ഇറക്കുമതികൊണ്ടുകൂടിയാണ്. ഇത് അടവുശിഷ്ടക്കണക്കില്‍ വിപരീതഫലമുണ്ടാക്കുന്നുണ്ട്; രാജ്യത്തിന്റെ ആസ്തി ഉയര്‍ന്നിരിക്കുന്നുവെന്നു പറയുമ്പോഴും. ഇന്ത്യന്‍ കോര്‍പറേറ്റ് വമ്പന്മാര്‍ നിലവിലുള്ള ഡോളര്‍ അധിഷ്ഠിത വായ്പകളില്‍ കൂടുതല്‍ കേന്ദ്രീകരിക്കുകയാണ്. മൊത്തം ദേശീയവരുമാനത്തിന്റെ മൂന്നുശതമാനമേ വരുകയുള്ളൂവെങ്കിലും (ഉയര്‍ന്നുവരുന്ന സമ്പദ്ഘടനകളുടെ സ്ഥിതിയുമായി താരതമ്യപ്പെടുത്തിയാല്‍ ഇത് അധികമല്ല) രൂപയ്ക്കുമേലുള്ള സമ്മര്‍ദം വര്‍ധിപ്പിക്കുകതന്നെയാണിത്. ഉയര്‍ന്ന പലിശനിരക്കാകട്ടെ, സമ്പദ്ഘടനയുടെ വളര്‍ച്ചയെ പുറകോട്ടുപിടിക്കുന്നുണ്ട്. ഞഋഋഞ (ഞലമഹ ഋളളലരശ്േല ഋഃരവമിഴല ഞമലേ) പ്രകാരം നോക്കിയാല്‍ രൂപയുടെ മൂല്യം 200809നെ അപേക്ഷിച്ച് ഇനിയും കാര്യമായി താഴാം എന്നാണ് കരുതേണ്ടത്.
കറന്‍സിയുടെ മൂല്യം ഇടിയുന്ന വേളകളില്‍ കയറ്റുമതിക്കാര്‍ ഊഹക്കച്ചവടക്കാരായി മാറും. രൂപയുടെ മൂല്യം ഉയരുന്നത് പ്രതീക്ഷിച്ച് അവര്‍ കയറ്റുമതി പിന്നീടത്തേക്കാക്കും. ഇത് വിദേശകറന്‍സിയുടെ ഒഴുക്ക് കുറയ്ക്കും. അതാകട്ടെ, രൂപയുടെ മൂല്യത്തെ വീണ്ടും സമ്മര്‍ദത്തിലാക്കും. ഇതിനുപുറമെ പണംകൊണ്ട് കളികള്‍ നടത്തുന്നവരുണ്ട്. ചുരുങ്ങിയകാലത്തേക്ക് മൂലധനം അവര്‍ വിദേശത്തേക്കു മാറ്റും. പിന്നീട് അവസരം ഉചിതമാണെന്ന ഘട്ടത്തില്‍ മടക്കിക്കൊണ്ടുവരാനാണത്. മൂന്നുശതമാനം ഇങ്ങനെ മാറിയാല്‍പോലും അത് അതിന്റെ പലമടങ്ങുള്ള ഫലമുളവാക്കും. പോര്‍ട്ട്ഫോളിയോ നിക്ഷേപങ്ങള്‍ക്കും ഇത് ബാധകമാണ്. വിദേശനിക്ഷേപകര്‍ ഇന്ത്യ വിടും. ഇതും പിന്നീട് ഉചിതസമയം നോക്കി വരാനാണ്; മൂല്യവ്യത്യാസംകൊണ്ട് ലാഭമുണ്ടാക്കാനാണ്. ഇതും രൂപയ്ക്കുമേല്‍ സമ്മര്‍ദമേറ്റും.
എന്നാല്‍ , ഇത്തരം അടിസ്ഥാനകാര്യങ്ങളിലേക്കൊന്നും കടക്കാതെ, സാമൂഹ്യരംഗങ്ങളിലെ ഇടപെടലാണ് പണപ്പെരുപ്പംവഴി രൂപയുടെ മൂല്യം ഇടിച്ചത് എന്ന് കരുതാനാണ്് യുപിഎ മന്ത്രിസഭയ്ക്ക് രാഷ്ട്രീയ താല്‍പ്പര്യം.പ്രത്യുല്‍പ്പാദനക്ഷമമല്ലാത്തവ എന്നുപറഞ്ഞ് സാമൂഹ്യരംഗങ്ങളിലെ നിക്ഷേപങ്ങളില്‍നിന്ന് പിന്തിരിയാനോ, ആ ഇനം നിക്ഷേപങ്ങള്‍ ചുരുക്കാനോ ആവും സര്‍ക്കാര്‍ ശ്രമിക്കുക. അതാകട്ടെ, ജനജീവിതം കൂടുതല്‍ പ്രയാസകരമാക്കുകയും വ്യാപകമായ ജനരോഷമുണര്‍ത്തുകയും ചെയ്യും.
അതിഭീകരങ്ങളായ കുംഭകോണങ്ങള്‍ , അവ മുന്‍നിര്‍ത്തിയുള്ള ഭാവിയിലെ രാഷ്ട്രീയ അസ്ഥിരതയെക്കുറിച്ചുള്ള ആശങ്ക, അതിന്റെ പശ്ചാത്തലത്തിലുള്ള അനിശ്ചിതത്വം എന്നിവ വിദേശനിക്ഷേപകര്‍ക്കിടയില്‍ അസംതൃപ്തി പടര്‍ത്തും. ആ അസംതൃപ്തി മുന്‍നിര്‍ത്തിയുള്ള നടപടികളും രൂപയ്ക്കുമേല്‍ സമ്മര്‍ദമുണ്ടാക്കും. കാലതാമസംമൂലമുണ്ടാവുന്ന ചെലവുവര്‍ധന (രീ ലരെമഹമശീിേ) ഇന്ത്യയിലെ ബിസിനസ് ഇടപാടുകളെക്കുറിച്ച് വിദേശനിക്ഷേപകരെ ആശങ്കയുള്ളവരാക്കും. ഇതെല്ലാം സമ്പദ്ഘടനയ്ക്കുമേലുള്ള സമ്മര്‍ദങ്ങളായും രൂപയുടെ മൂല്യം ഇനിയും ഇടിക്കുന്ന ഘടകങ്ങളായും മാറും. എന്നാല്‍ , ഇത്തരം ആശങ്കകള്‍ അകറ്റാനുള്ള ഒരു ഇടപെടലിനും കഴിയാത്ത നിസ്സഹായാവസ്ഥയിലാണ് യുപിഎ സര്‍ക്കാര്‍ . ആ നിസ്സഹായാവസ്ഥയാണ് റിസര്‍വ് ബാങ്കിന്റെ നിഷ്ക്രിയത്വത്തില്‍ പ്രതിഫലിക്കുന്നത്. രൂപയ്ക്ക് ഇത്രയേറെ മൂല്യമിടിഞ്ഞ നിലയുണ്ടായിട്ടില്ല. തുടര്‍ച്ചയായ ഏഴു ഘട്ടങ്ങളിലായി 4.34 ശതമാനം ഇടിവാണ് വന്നത്. റിസര്‍വ്ബാങ്ക് ഇടപെടില്ല എന്നുവന്നതോടെ മൂല്യത്തകര്‍ച്ചയ്ക്ക് ആക്കംകൂടുകയായിരുന്നു.
ആഗോളസമ്പദ്സ്ഥിതിയാണ് പ്രശ്നത്തിന് കാരണമെന്ന് ധനമന്ത്രി പറയുന്നു. എന്നാല്‍ , നമ്മുടെ സമ്പദ്ഘടനയുടെ പതിനഞ്ചുശതമാനംമാത്രമേ ആഗോളസമ്പദ്ഘടനയുമായി ബന്ധപ്പെട്ട് നില്‍ക്കുന്നുള്ളൂവെന്ന വസ്തുത ബാക്കിനില്‍ക്കുന്നു. പണപ്പെരുപ്പം നിയന്ത്രിക്കാന്‍ ഏറെക്കാലമായി ഒരു നടപടിയുമില്ല.2010 ഡിസംബര്‍ മുതലിങ്ങോട്ട് അതെന്നും ഒമ്പതുശതമാനത്തിന് ചുറ്റുമായി വന്നുനില്‍ക്കുന്നു. പണപ്പെരുപ്പത്തിന്റെ തീവ്രത വര്‍ധിപ്പിക്കുന്ന നടപടികള്‍മാത്രമാണ് സര്‍ക്കാരില്‍നിന്ന് ഈ ഘട്ടത്തിലുണ്ടായിട്ടുള്ളത്.
ദാരിദ്ര്യരേഖയ്ക്ക് താഴെയുള്ളവരുടെയും തൊഴില്‍രഹിതരുടെയും എണ്ണം വര്‍ധിച്ചുവരികയും രാജ്യത്തെ മഹാഭൂരിപക്ഷവും ജീവിത പ്രതിസന്ധിയിലാവുകയും ചെയ്ത ഘട്ടങ്ങളിലൊക്കെ മന്‍മോഹന്‍സിങ് രാഷ്ട്രത്തെ ആശ്വസിപ്പിക്കാന്‍ ശ്രമിച്ചത് സമ്പദ്ഘടന സുശക്തമാവുന്നുണ്ടെന്നും അതിന്റെ താല്‍ക്കാലിക ന്യൂനഫലം മാത്രമാണ് ജനങ്ങള്‍ അനുഭവിക്കുന്നത് എന്നും പറഞ്ഞുകൊണ്ടായിരുന്നു. സമ്പദ്ഘടന അതിശക്തമാവുന്നതോടെ ജനങ്ങള്‍ നേരിടുന്ന ജീവിതപ്രശ്നങ്ങള്‍ക്ക് പരിഹാരം കാണാനും രാജ്യത്തെയാകെ വികസനത്തിന്റെ രാജപാതയിലൂടെ നയിക്കാനും കഴിയുമെന്ന് അദ്ദേഹം പറഞ്ഞു. ഈ പ്രശ്നപരിഹാരവും വികസനക്കുതിപ്പും സാമ്പത്തിക പരിഷ്കാരത്തിന്റെ രണ്ടാംതലമുറ ഘട്ടത്തിലാണുണ്ടാവുക എന്നും അദ്ദേഹം പറഞ്ഞു. ആ രണ്ടാം തലമുറ പരിഷ്കാരമാണ് ഇപ്പോള്‍ തീരുന്നത്. നേട്ടങ്ങള്‍ കൊയ്യാമെന്ന് പറഞ്ഞിരുന്ന ഈ ഘട്ടത്തിലാകട്ടെ ഒരുവശത്ത് ജനങ്ങള്‍ പട്ടിണിമരണത്തിലേക്ക് തള്ളിവിടപ്പെടുന്നു; മറുവശത്ത് സമ്പദ്ഘടന അപ്പാടെ താറുമാറാവുകയും ചെയ്യുന്നു. ഇനി മന്‍മോഹന്‍സിങ് എന്തുപറയും?
പ്രഭാവര്‍മ
ദേശാഭിമനി, 25-11-2011
ഏഷ്യയിലെ ഏറ്റവും മോശം കറന്‍സിയായി മാറിയിരിക്കുന്നു ഇന്ത്യന്‍ രൂപ. ഈ വര്‍ഷം പതിനഞ്ചുശതമാനം കണ്ടാണ് അതിന്റെ വിലയിടിഞ്ഞിട്ടുള്ളത്. ഒരു ഡോളര്‍ വാങ്ങണമെങ്കില്‍ 51.97 രൂപ നല്‍കണമെന്ന നില വന്നിരിക്കുന്നു. ഈ നിലയ്ക്കുപോയാല്‍ ഇന്ത്യന്‍രൂപയ്ക്ക് പഴയ ഇറ്റാലിയന്‍ ലിറയുടെ ഗതിയാവും. യൂറോ വരുന്നതിന് മുമ്പ് ഒരു സഞ്ചി നിറയെ ലിറ കൊടുക്കണമായിരുന്നു ഇറ്റലിക്കാര്‍ക്ക് ഒരു ഡോളര്‍ കിട്ടാന്‍ . രൂപയുടെ ഈ മൂല്യത്തകര്‍ച്ച തകരുന്ന ഇന്ത്യന്‍ സമ്പദ്ഘടനയുടെ സൂചകമാണ്. ഉദാരവല്‍ക്കരണആഗോളവല്‍ക്കരണ സാമ്പത്തികനയം അതിന്റെ രണ്ടാം തലമുറ പരിഷ്കാരഘട്ടത്തില്‍ സമ്പദ്ഘടനയെ വികസിത സമ്പദ്ഘടനകള്‍ക്ക് തുല്യമാക്കുമെന്ന് തൊണ്ണൂറുകളുടെ തുടക്കത്തില്‍ പറഞ്ഞിരുന്നത് ഡോ. മന്‍മോഹന്‍സിങ്ങാണ്. രണ്ടാംതലമുറ പരിഷ്കാര (ലെരീിറ ഴലിലൃമശീിേ ൃലളീൃാ) ഘട്ടം പാതി കഴിഞ്ഞു. മന്‍മോഹന്‍സിങ് പ്രധാനമന്ത്രിയായിട്ട് വര്‍ഷം എട്ടായി. എന്നാല്‍ , സമ്പദ്ഘടന വീണ്ടെടുക്കാന്‍പോലുമാകാത്ത വിധത്തില്‍ തകര്‍ച്ചയിലുമായി. രൂപ വിലയില്ലാത്ത കടലാസായി അതിവേഗം മാറുന്നു. സാമ്പത്തിക പരിഷ്കാരവാദികള്‍ക്ക് എന്തുത്തരമുണ്ട് പറയാന്‍ ?
കറന്‍സിയുടെ മൂല്യം നിര്‍ണയിക്കുന്നത് പ്രധാനമായും രണ്ട് ഘടകങ്ങളാണ്. ആദ്യത്തേത് പണപ്പെരുപ്പം. രണ്ടാമത്തേത് വിദേശനാണ്യശേഖരത്തിന്റെ നില. ഒരു രാജ്യത്ത് മറ്റൊരു രാജ്യത്തിന്റേതില്‍ കവിഞ്ഞ പണപ്പെരുപ്പത്തോതുണ്ടെങ്കില്‍ ആ രാജ്യത്തിന്റെ കറന്‍സിയുടെ മൂല്യം മറ്റേതിനെ അപേക്ഷിച്ച് ഇടിയും. വാങ്ങല്‍ശേഷിയിലെ തുല്യതയ്ക്ക് വേണ്ടിയുള്ളതാണ് ആ ഇടിയല്‍ . വിദേശനാണ്യശേഖരം ആകട്ടെ അടവുശിഷ്ടക്കണക്കിനെ(യമഹമിരല ീള ുമ്യാലി) അടിസ്ഥാനപ്പെടുത്തിയിരിക്കുന്നു. വമ്പിച്ച കറന്റ് അക്കൗണ്ട് മിച്ചങ്ങളുള്ള രാജ്യത്തിന്റെ കറന്‍സിയുടെ മൂല്യം ഉയര്‍ന്നിരിക്കും. വമ്പിച്ച കറന്റ് അക്കൗണ്ട് കമ്മിയുള്ള രാജ്യത്തിന്റെ കറന്‍സിയുടെ മൂല്യം ഇടിഞ്ഞിരിക്കും. രാഷ്ടീയസ്ഥിരത, നിക്ഷേപ കാലാവസ്ഥ, സമ്പദ്ഘടനയുടെ വികസന നിരക്ക്, പലിശനിരക്കിന്റെ നില തുടങ്ങിയവയൊക്കെ കറന്‍സിയുടെ മൂല്യത്തെ നിര്‍ണയിക്കുന്ന ഘടകങ്ങളാണെങ്കിലും പ്രധാന സ്വാധീനശക്തി പണപ്പെരുപ്പവും വിദേശനാണ്യശേഖരവുംതന്നെ.
ഈ രംഗത്ത്, സാമ്പത്തിക പരിഷ്കാരത്തിന്റെ മൂന്നാംപതിറ്റാണ്ടിന്റെ പ്രാരംഭഘട്ടമായ ഇന്ന് ഇന്ത്യയുടെ സ്ഥിതി എന്താണെന്നുനോക്കുക. ഭീകരമാംവിധം ഇന്ത്യയുടെ വ്യാപാരകമ്മി വര്‍ധിച്ചിരിക്കുന്നു.
2011 ഫെബ്രുവരിയില്‍ 4.5 ബില്യണ്‍ ഡോളറായിരുന്ന വ്യാപാരകമ്മി 2011 ഒക്ടോബറില്‍ 20 ബില്യണ്‍ ആയി ഉയര്‍ന്നുനില്‍ക്കുന്നു. കറന്റ് അക്കൗണ്ടില്‍ സ്ഥിരമായി കമ്മി മാത്രമുള്ള ഏഷ്യയിലെ പ്രധാനപ്പെട്ട ഏകരാജ്യം എന്ന പദവി ഇന്ത്യയ്ക്കായിരിക്കുന്നു. ഈ വര്‍ഷം ഇന്ത്യയുടെ കറന്റ് അക്കൗണ്ട് കമ്മി മൊത്തം ദേശീയവരുമാനത്തിന്റെ(ഏഉജ) 2.9 ശതമാനമാവുമെന്ന് കണക്കാക്കപ്പെടുന്നു. കഴിഞ്ഞ വര്‍ഷം ഇത് 2.6 ശതമാനമായിരുന്നു. കയറ്റുമതി കുറയുകയും ക്രൂഡ്ഓയില്‍ , സ്വര്‍ണം എന്നിവയുടെ വില ഉയര്‍ന്നുതന്നെ നില്‍ക്കുകയുംചെയ്യുന്ന സ്ഥിതി തുടര്‍ന്നാല്‍ ദേശീയവരുമാനത്തിന്റെ മൂന്നുശതമാനം കടക്കും കറന്റ് അക്കൗണ്ട് കമ്മി. ബജറ്റില്‍ വിഭാവനംചെയ്ത 4.6 എന്നതിനെ തകര്‍ത്തെറിഞ്ഞുകൊണ്ട് ഇന്ത്യയുടെ ധനകമ്മി(എശരെമഹ ഉലളശരശ) അഞ്ചുശതമാനം കടക്കുകയാണ് ഇതേ ഘട്ടത്തില്‍ . രാജ്യത്തേക്കുള്ള മൂലധനനിക്ഷേപപ്രവാഹം ഇതിനിടെ മന്ദീഭവിച്ചു. 2011ന്റെ രണ്ടാംപാദത്തില്‍ 13.4 ബില്യണ്‍ ഡോളറായിരുന്ന നേരിട്ടുള്ള വിദേശനാണ്യനിക്ഷേപം(എഉക) മൂന്നാംപാദമായപ്പോള്‍ 5.7 ബില്യണ്‍ ഡോളറായി കുറഞ്ഞു. പോര്‍ട്ഫോളിയോ ധനവരവാകട്ടെ, 2011 ജനുവരി ഒക്ടോബര്‍ ഘട്ടത്തില്‍ , കഴിഞ്ഞ വര്‍ഷത്തെ ഇതേഘട്ടത്തിലുണ്ടായിരുന്ന 34 ബില്യണ്‍ ഡോളറില്‍നിന്ന് നാലുബില്യണ്‍ ഡോളറിലേക്ക് താണു. ഇന്ത്യയിലെ പണപ്പെരുപ്പവര്‍ധനാനിരക്ക് അമേരിക്കയിലേതിനേക്കാള്‍ ഉയര്‍ന്ന തോതിലായി.
ഇന്ത്യയുടെ വിദേശനാണ്യശേഖരമാകട്ടെ 2008 മേയില്‍ എത്രയായിരുന്നോ അവിടെനിന്ന് അല്‍പ്പംപോലും ഉയര്‍ന്നിട്ടില്ല. അന്ന് 315 ബില്യണ്‍ ഡോളറായിരുന്നു. ഇന്നും അതുതന്നെ. എന്നുമാത്രമല്ല, അടച്ചുതീര്‍ക്കാനുള്ള ഹ്രസ്വകാലവായ്പ കഴിച്ചുള്ള വാര്‍ഷിക കറന്റ് അക്കൗണ്ട് ശിഷ്ടവും വിദേശനാണ്യശേഖരവും ചേര്‍ത്തുള്ള വിദേശനാണ്യശേഖര കവറേജ് സമഗ്രമായെടുത്താല്‍ 2008ല്‍ മൊത്തം ദേശീയവരുമാനത്തിന്റെ 14 ശതമാനമായിരുന്നത് ഇന്ന് 9.1 ശതമാനമായി താഴ്ന്നുവെന്ന് കാണുകയും ചെയ്യാം. ഇതുകൊണ്ടൊക്കെത്തന്നെ റിസര്‍വ് ബാങ്കിന് ഇടപെടാന്‍ കഴിയാത്ത വിധത്തിലായി രൂപയുടെ നില. ഇടപെട്ടുപോയാല്‍ ബാങ്കിങ് സമ്പ്രദായത്തെപ്പോലും ബാധിക്കും എന്ന സ്ഥിതി. രൂപയുടെ മൂല്യത്തകര്‍ച്ചകൊണ്ട് വിദേശവായ്പാപലിശയ്ക്കുമേലുണ്ടാകുന്ന അധികഭാരവും കറന്റ് അക്കൗണ്ട് കമ്മി രൂക്ഷമാക്കുന്നു.
സാമ്പത്തിക പരിഷ്കാരത്തിന്റെ മൂന്നാംപതിറ്റാണ്ടിന്റെ തുടക്കത്തില്‍ കാണുന്നത്, ആര്‍ക്കുവേണ്ടിയായിരുന്നോ ഈ പരിഷ്കാരങ്ങള്‍ , അവര്‍ക്ക് ഗുണമുണ്ടാവുന്നു എന്നാണ്. അമേരിക്കയുടെ കല്‍പ്പനപ്രകാരമായിരുന്നു പരിഷ്കാരം. വികസ്വരരാജ്യ കറന്‍സികളെ അപേക്ഷിച്ച് അമേരിക്കയുടെ ഡോളറിന്റെ മൂല്യം ഉയരുന്നു. അതുകൊണ്ടുതന്നെ പണം അമേരിക്കന്‍ ട്രഷറികളിലേക്ക് ഒഴുകിയെത്തുന്നു. പരിഷ്കാരം നടപ്പാക്കിയ വികസ്വരരാജ്യ കറന്‍സികളുടെ മൂല്യം ഇടിയുന്നു. ഇത്തരം രാജ്യങ്ങളുടെ കറന്‍സിക്കൊത്ത മൂല്യവ്യതിയാനങ്ങളാണ് 2005 മുതല്‍ ഇന്ത്യന്‍ രൂപയ്ക്കുണ്ടായിക്കൊണ്ടിരുന്നത്. എന്നാലിന്ന് ഇന്ത്യന്‍ രൂപ അത്തരം കറന്‍സികളുടെ നിലയില്‍നിന്നുപോലും താഴേക്കുപോകുന്നു. വിദേശനാണ്യ കമ്പോളത്തിലിടപെടില്ല എന്നാണ് ഇന്തോനേഷ്യയുടേതില്‍നിന്നും മറ്റും വ്യത്യസ്തമായി ഇന്ത്യന്‍ റിസര്‍വ്ബാങ്കിന്റെ നിലപാട്. ഇതും രൂപയുടെ മൂല്യം പിടിച്ചുനിര്‍ത്തുന്നതിന് തടസ്സമാവുന്നു.
രൂപയുടെ മൂല്യം ഇനിയും ഇടിയാന്‍തന്നെയാണ് സാധ്യത. ഇന്ത്യയുടെ വിദേശവാണിജ്യവായ്പകള്‍ , വിദേശനാണ്യ കണ്‍വേര്‍ട്ടിബിള്‍ ബോണ്ടുകള്‍ എന്നിവ 2010 ഡിസംബറിലെ കണക്കുകള്‍ പ്രകാരം 150 ബില്യണ്‍ യുഎസ് ഡോളറിന്റേതാണ്. സാമ്പത്തികമാന്ദ്യംമൂലം കഷ്ടത്തിലായതുകൊണ്ടും ഇന്ത്യയിലെ പണമിടപാട് ശോഭനമല്ല എന്ന ഭീതികൊണ്ടും വായ്പാദാതാക്കള്‍ ഇതില്‍ ഒരു ഭാഗം തിരിച്ചുപിടിക്കുന്നപക്ഷം രൂപയുടെ മൂല്യം വീണ്ടും ഇടിയും.
യൂറോപ്പില്‍ സാമ്പത്തിക സാഹചര്യം വഷളാവുന്നതായാണ് റിപ്പോര്‍ട്ട്. യൂറോപ്യന്‍ യൂണിയന്‍ സമ്പദ്ഘടനകളിലേക്കാകെ അത് പടരും. ഭഅഅഅ'' എന്ന റേറ്റിങ്ങുള്ള ഫ്രാന്‍സ്, നെതര്‍ലന്‍ഡ്സ്്, ഓസ്ട്രിയ എന്നിവയെപ്പോലും ഇത് ബാധിക്കും. യൂറോപ്യന്‍ പ്രതിസന്ധി അപകടകരമായ അവസ്ഥയിലേക്ക് മെല്ലെ നീങ്ങുകയാണ്. യൂറോമേഖലയുടെ ശക്തിസ്രോതസ്സായ ജര്‍മനി സാമ്പത്തികമാന്ദ്യത്തിലേക്ക് നീങ്ങുന്നതായും റിപ്പോര്‍ട്ടുകളുണ്ട്. മൂല്യത്തകര്‍ച്ചയാണ് 'യൂറോ'യും നേരിടുന്നത് എന്നര്‍ഥം. അങ്ങനെവന്നാല്‍ യുഎസ് ഡോളറിന്റെ മൂല്യം ഉയരും. ഇന്ത്യന്‍ രൂപ വീണ്ടും ക്ഷീണിക്കും എന്നര്‍ഥം.
ഇന്ത്യയുടെ കറന്റ് അക്കൗണ്ട് കമ്മി വര്‍ധിച്ചത് ഉയര്‍ന്ന സ്വര്‍ണ ഇറക്കുമതികൊണ്ടുകൂടിയാണ്. ഇത് അടവുശിഷ്ടക്കണക്കില്‍ വിപരീതഫലമുണ്ടാക്കുന്നുണ്ട്; രാജ്യത്തിന്റെ ആസ്തി ഉയര്‍ന്നിരിക്കുന്നുവെന്നു പറയുമ്പോഴും. ഇന്ത്യന്‍ കോര്‍പറേറ്റ് വമ്പന്മാര്‍ നിലവിലുള്ള ഡോളര്‍ അധിഷ്ഠിത വായ്പകളില്‍ കൂടുതല്‍ കേന്ദ്രീകരിക്കുകയാണ്. മൊത്തം ദേശീയവരുമാനത്തിന്റെ മൂന്നുശതമാനമേ വരുകയുള്ളൂവെങ്കിലും (ഉയര്‍ന്നുവരുന്ന സമ്പദ്ഘടനകളുടെ സ്ഥിതിയുമായി താരതമ്യപ്പെടുത്തിയാല്‍ ഇത് അധികമല്ല) രൂപയ്ക്കുമേലുള്ള സമ്മര്‍ദം വര്‍ധിപ്പിക്കുകതന്നെയാണിത്. ഉയര്‍ന്ന പലിശനിരക്കാകട്ടെ, സമ്പദ്ഘടനയുടെ വളര്‍ച്ചയെ പുറകോട്ടുപിടിക്കുന്നുണ്ട്. ഞഋഋഞ (ഞലമഹ ഋളളലരശ്േല ഋഃരവമിഴല ഞമലേ) പ്രകാരം നോക്കിയാല്‍ രൂപയുടെ മൂല്യം 200809നെ അപേക്ഷിച്ച് ഇനിയും കാര്യമായി താഴാം എന്നാണ് കരുതേണ്ടത്.
കറന്‍സിയുടെ മൂല്യം ഇടിയുന്ന വേളകളില്‍ കയറ്റുമതിക്കാര്‍ ഊഹക്കച്ചവടക്കാരായി മാറും. രൂപയുടെ മൂല്യം ഉയരുന്നത് പ്രതീക്ഷിച്ച് അവര്‍ കയറ്റുമതി പിന്നീടത്തേക്കാക്കും. ഇത് വിദേശകറന്‍സിയുടെ ഒഴുക്ക് കുറയ്ക്കും. അതാകട്ടെ, രൂപയുടെ മൂല്യത്തെ വീണ്ടും സമ്മര്‍ദത്തിലാക്കും. ഇതിനുപുറമെ പണംകൊണ്ട് കളികള്‍ നടത്തുന്നവരുണ്ട്. ചുരുങ്ങിയകാലത്തേക്ക് മൂലധനം അവര്‍ വിദേശത്തേക്കു മാറ്റും. പിന്നീട് അവസരം ഉചിതമാണെന്ന ഘട്ടത്തില്‍ മടക്കിക്കൊണ്ടുവരാനാണത്. മൂന്നുശതമാനം ഇങ്ങനെ മാറിയാല്‍പോലും അത് അതിന്റെ പലമടങ്ങുള്ള ഫലമുളവാക്കും. പോര്‍ട്ട്ഫോളിയോ നിക്ഷേപങ്ങള്‍ക്കും ഇത് ബാധകമാണ്. വിദേശനിക്ഷേപകര്‍ ഇന്ത്യ വിടും. ഇതും പിന്നീട് ഉചിതസമയം നോക്കി വരാനാണ്; മൂല്യവ്യത്യാസംകൊണ്ട് ലാഭമുണ്ടാക്കാനാണ്. ഇതും രൂപയ്ക്കുമേല്‍ സമ്മര്‍ദമേറ്റും.
എന്നാല്‍ , ഇത്തരം അടിസ്ഥാനകാര്യങ്ങളിലേക്കൊന്നും കടക്കാതെ, സാമൂഹ്യരംഗങ്ങളിലെ ഇടപെടലാണ് പണപ്പെരുപ്പംവഴി രൂപയുടെ മൂല്യം ഇടിച്ചത് എന്ന് കരുതാനാണ്് യുപിഎ മന്ത്രിസഭയ്ക്ക് രാഷ്ട്രീയ താല്‍പ്പര്യം.പ്രത്യുല്‍പ്പാദനക്ഷമമല്ലാത്തവ എന്നുപറഞ്ഞ് സാമൂഹ്യരംഗങ്ങളിലെ നിക്ഷേപങ്ങളില്‍നിന്ന് പിന്തിരിയാനോ, ആ ഇനം നിക്ഷേപങ്ങള്‍ ചുരുക്കാനോ ആവും സര്‍ക്കാര്‍ ശ്രമിക്കുക. അതാകട്ടെ, ജനജീവിതം കൂടുതല്‍ പ്രയാസകരമാക്കുകയും വ്യാപകമായ ജനരോഷമുണര്‍ത്തുകയും ചെയ്യും.
അതിഭീകരങ്ങളായ കുംഭകോണങ്ങള്‍ , അവ മുന്‍നിര്‍ത്തിയുള്ള ഭാവിയിലെ രാഷ്ട്രീയ അസ്ഥിരതയെക്കുറിച്ചുള്ള ആശങ്ക, അതിന്റെ പശ്ചാത്തലത്തിലുള്ള അനിശ്ചിതത്വം എന്നിവ വിദേശനിക്ഷേപകര്‍ക്കിടയില്‍ അസംതൃപ്തി പടര്‍ത്തും. ആ അസംതൃപ്തി മുന്‍നിര്‍ത്തിയുള്ള നടപടികളും രൂപയ്ക്കുമേല്‍ സമ്മര്‍ദമുണ്ടാക്കും. കാലതാമസംമൂലമുണ്ടാവുന്ന ചെലവുവര്‍ധന (രീ ലരെമഹമശീിേ) ഇന്ത്യയിലെ ബിസിനസ് ഇടപാടുകളെക്കുറിച്ച് വിദേശനിക്ഷേപകരെ ആശങ്കയുള്ളവരാക്കും. ഇതെല്ലാം സമ്പദ്ഘടനയ്ക്കുമേലുള്ള സമ്മര്‍ദങ്ങളായും രൂപയുടെ മൂല്യം ഇനിയും ഇടിക്കുന്ന ഘടകങ്ങളായും മാറും. എന്നാല്‍ , ഇത്തരം ആശങ്കകള്‍ അകറ്റാനുള്ള ഒരു ഇടപെടലിനും കഴിയാത്ത നിസ്സഹായാവസ്ഥയിലാണ് യുപിഎ സര്‍ക്കാര്‍ . ആ നിസ്സഹായാവസ്ഥയാണ് റിസര്‍വ് ബാങ്കിന്റെ നിഷ്ക്രിയത്വത്തില്‍ പ്രതിഫലിക്കുന്നത്. രൂപയ്ക്ക് ഇത്രയേറെ മൂല്യമിടിഞ്ഞ നിലയുണ്ടായിട്ടില്ല. തുടര്‍ച്ചയായ ഏഴു ഘട്ടങ്ങളിലായി 4.34 ശതമാനം ഇടിവാണ് വന്നത്. റിസര്‍വ്ബാങ്ക് ഇടപെടില്ല എന്നുവന്നതോടെ മൂല്യത്തകര്‍ച്ചയ്ക്ക് ആക്കംകൂടുകയായിരുന്നു.
ആഗോളസമ്പദ്സ്ഥിതിയാണ് പ്രശ്നത്തിന് കാരണമെന്ന് ധനമന്ത്രി പറയുന്നു. എന്നാല്‍ , നമ്മുടെ സമ്പദ്ഘടനയുടെ പതിനഞ്ചുശതമാനംമാത്രമേ ആഗോളസമ്പദ്ഘടനയുമായി ബന്ധപ്പെട്ട് നില്‍ക്കുന്നുള്ളൂവെന്ന വസ്തുത ബാക്കിനില്‍ക്കുന്നു. പണപ്പെരുപ്പം നിയന്ത്രിക്കാന്‍ ഏറെക്കാലമായി ഒരു നടപടിയുമില്ല.2010 ഡിസംബര്‍ മുതലിങ്ങോട്ട് അതെന്നും ഒമ്പതുശതമാനത്തിന് ചുറ്റുമായി വന്നുനില്‍ക്കുന്നു. പണപ്പെരുപ്പത്തിന്റെ തീവ്രത വര്‍ധിപ്പിക്കുന്ന നടപടികള്‍മാത്രമാണ് സര്‍ക്കാരില്‍നിന്ന് ഈ ഘട്ടത്തിലുണ്ടായിട്ടുള്ളത്.
ദാരിദ്ര്യരേഖയ്ക്ക് താഴെയുള്ളവരുടെയും തൊഴില്‍രഹിതരുടെയും എണ്ണം വര്‍ധിച്ചുവരികയും രാജ്യത്തെ മഹാഭൂരിപക്ഷവും ജീവിത പ്രതിസന്ധിയിലാവുകയും ചെയ്ത ഘട്ടങ്ങളിലൊക്കെ മന്‍മോഹന്‍സിങ് രാഷ്ട്രത്തെ ആശ്വസിപ്പിക്കാന്‍ ശ്രമിച്ചത് സമ്പദ്ഘടന സുശക്തമാവുന്നുണ്ടെന്നും അതിന്റെ താല്‍ക്കാലിക ന്യൂനഫലം മാത്രമാണ് ജനങ്ങള്‍ അനുഭവിക്കുന്നത് എന്നും പറഞ്ഞുകൊണ്ടായിരുന്നു. സമ്പദ്ഘടന അതിശക്തമാവുന്നതോടെ ജനങ്ങള്‍ നേരിടുന്ന ജീവിതപ്രശ്നങ്ങള്‍ക്ക് പരിഹാരം കാണാനും രാജ്യത്തെയാകെ വികസനത്തിന്റെ രാജപാതയിലൂടെ നയിക്കാനും കഴിയുമെന്ന് അദ്ദേഹം പറഞ്ഞു. ഈ പ്രശ്നപരിഹാരവും വികസനക്കുതിപ്പും സാമ്പത്തിക പരിഷ്കാരത്തിന്റെ രണ്ടാംതലമുറ ഘട്ടത്തിലാണുണ്ടാവുക എന്നും അദ്ദേഹം പറഞ്ഞു. ആ രണ്ടാം തലമുറ പരിഷ്കാരമാണ് ഇപ്പോള്‍ തീരുന്നത്. നേട്ടങ്ങള്‍ കൊയ്യാമെന്ന് പറഞ്ഞിരുന്ന ഈ ഘട്ടത്തിലാകട്ടെ ഒരുവശത്ത് ജനങ്ങള്‍ പട്ടിണിമരണത്തിലേക്ക് തള്ളിവിടപ്പെടുന്നു; മറുവശത്ത് സമ്പദ്ഘടന അപ്പാടെ താറുമാറാവുകയും ചെയ്യുന്നു. ഇനി മന്‍മോഹന്‍സിങ് എന്തുപറയും?
Subscribe to:
Posts (Atom)