വിശ്വമാനവികം വായനശാല

 

പകർത്തിവയ്പുകൾ

ഈ ബ്ലോഗം പത്രങ്ങളിൽ നിന്നും മറ്റ് ആനുകാലിക പ്രസിദ്ധീകരണങ്ങളിൽ നിന്നും ബ്ലോഗുകളിൽ നിന്നും വെബ്സൈറ്റുകളിൽ നിന്നും മറ്റും മറ്റും ശേഖരിക്കുന്ന ലേഖനങ്ങൾ, വാർത്തകൾ മുതലായവ ഭാവിവായനയ്ക്ക് ശേഖരിച്ചു വയ്ക്കാനുള്ളതാണ്. എന്റെ പ്രധാന ബ്ലോഗം വിശ്വമാനവികം 1 ആണ്.

Thursday, June 29, 2017

മുസ്ളിമാകുന്നത് കുറ്റമാകുന്ന കാലം



മുസ്ളിമാകുന്നത് കുറ്റമാകുന്ന കാലം


പ്രകാശ് കാരാട്ട്, ദേശാഭിമാനി.29-062017

പതിനേഴുകാരിയായ നബ്രയും പതിനഞ്ചുകാരനായ ജുനൈദും താമസിക്കുന്നത് മൈലുകള്‍ക്കപ്പുറത്താണ്. നബ്ര എന്ന പെണ്‍കുട്ടിയുടെ വീട് അമേരിക്കയിലെ വിര്‍ജീനിയയിലുള്ള ഫെയര്‍ഫാക്സില്‍. ജുനൈദാകട്ടെ ഹരിയാനയിലെ ബല്ലഭ്ഗഡിനടുത്തുള്ള ഗ്രാമത്തിലാണ് താമസിക്കുന്നത്.  ഇരുവരും നാലുദിവസത്തിന്റെ വ്യത്യാസത്തില്‍ കൊല്ലപ്പെട്ടു. നബ്ര ജൂണ്‍ 18നും ജുനൈദ് 22നും.

കൌമാരപ്രായക്കാരായ ഇരുവരും കൊല്ലപ്പെട്ടതിന് ഒരു കാരണം മാത്രമേയുള്ളൂ. അവര്‍ മുസ്ളിങ്ങളാണെന്നത്. റമദാന്‍ പ്രാര്‍ഥന കഴിഞ്ഞ് സമപ്രായക്കാര്‍ക്കൊപ്പം രാത്രി വൈകി മടങ്ങവെയാണ് നബ്രയ്ക്കെതിരെ ആക്രമണമുണ്ടായത്. ഒരു വെള്ളക്കാരന്‍ ഈ സംഘത്തിനുനേരെ കാറോടിച്ചുവന്നു. കാറിലുണ്ടായിരുന്ന ഒരാള്‍ ബേസ്ബോള്‍ ബാറ്റ് ഉപയോഗിച്ച് നബ്രയുടെ തലയ്ക്കടിച്ചു. തുടര്‍ന്ന് നബ്രയെ കാറില്‍കയറ്റി ഓടിച്ചുപോകുകയും മര്‍ദനം തുടരുകയും ചെയ്തു. പിന്നീട് നബ്രയുടെ മൃതദേഹം ഒരു തടാകത്തിലേക്കെറിഞ്ഞു. ഈജിപ്ഷ്യന്‍ കുടുംബക്കാരിയായ നബ്ര അമേരിക്കയിലാണ് ജനിച്ചതെന്നതിനാല്‍ അമേരിക്കന്‍ പൌരയുമാണ്. 

സൂറത്തില്‍ മദ്രസ വിദ്യാര്‍ഥിയായിരുന്ന ജുനൈദ്, ഈദിന് നാട്ടിലേക്ക് മടങ്ങുകയായിരുന്നു. ഈദിന് പുതുവസ്ത്രങ്ങള്‍ വാങ്ങാനായി അമ്മ നല്‍കിയ പണവുമായി സഹോദരങ്ങള്‍ക്കൊപ്പം ഡല്‍ഹിയിലേക്ക് പോയതാണ് ജുനൈദ്. ട്രെയിനില്‍ വീട്ടിലേക്ക് തിരിക്കവെ കമ്പാര്‍ട്മെന്റില്‍വച്ച് ഒരു സംഘം ഇവരെ ആക്രമിച്ചു. മുസ്ളിമായതിനാല്‍ ജുനൈദിനെതിരെ അധിക്ഷേപം ചൊരിഞ്ഞ പതിനഞ്ചോളം വരുന്ന സംഘം അവര്‍ ധരിച്ച തൊപ്പി എടുത്തുമാറ്റി കത്തികൊണ്ട് കുത്തി. തുടര്‍ന്ന് ഇവരെ ട്രെയിനില്‍നിന്ന് പുറത്തേക്ക് എറിഞ്ഞു. മുറിവേറ്റ് രക്തംവാര്‍ന്ന ജുനൈദ് സഹോദരന്‍ ഷാഷിമിന്റെ കൈകളില്‍ കിടന്ന് മരിച്ചു. മറ്റൊരു സഹോദരനായ ഷക്കീറിനും ഗുരുതരമായി പരിക്കേറ്റു. 

മോഡി ഭരണകാലത്ത് മുസ്ളിം ആകുകയെന്നതുപോലും കുറ്റമാണ്. രാജസ്ഥാനില്‍ പെഹ്ലുഖാനെയും ഉത്തര്‍പ്രദേശില്‍ അഖ്ലാക്കിനെയും ജാര്‍ഖണ്ഡില്‍ മുഹമ്മദ് മജ്ലൂമിനെയും ഇനായത്തുള്ള ഖാനെയും അടിച്ചുകൊന്നു.  മുസ്ളിങ്ങളായതുകൊണ്ടാണ് ഇവര്‍ ലക്ഷ്യമാക്കപ്പെട്ടത്. ബീഫ് ഭക്ഷിക്കുന്നവരെന്നും പശുക്കളെ കൊല്ലുന്നവരെന്നും ദേശവിരുദ്ധരെന്നും മുദ്രകുത്തപ്പെട്ട ഇവര്‍ ഇന്ത്യയില്‍ ജീവിക്കാന്‍ അര്‍ഹരല്ലെന്നും വിധിയെഴുതി. 

അമേരിക്കയില്‍ ഇസ്ളാംവിരുദ്ധ കുടിയേറ്റവിരുദ്ധ വികാരം വളര്‍ത്തിയാണ് വലതുപക്ഷം ട്രംപിനെ പ്രസിഡന്റാക്കിയത്. കഴിഞ്ഞ മാസം ഒറിഗോണിലെ പോര്‍ട്ലന്‍ഡില്‍ വെള്ള വംശീയവാദി ഹിജബ് ധരിച്ച പെണ്‍കുട്ടിയെയുള്‍പ്പെടെ രണ്ട് പെണ്‍കുട്ടികളെ രൂക്ഷമായ ഭാഷയില്‍ അധിക്ഷേപിച്ചു. വെള്ളക്കാരനായ റിക്കിബെസ്റ്റ് എന്ന ഇരുപത്തിമൂന്നുകാരനായ യാത്രക്കാരന്‍ ഇത് തടയാന്‍ ശ്രമിച്ചു. കഴുത്തിന് കുത്തേറ്റ് അവന്‍ മരിച്ചുവീണു. അക്രമിയെ തടയാന്‍ ടാലയേസിന്‍ മേഷേ എന്ന വെള്ളക്കാരന്‍ ശ്രമിച്ചപ്പോള്‍ അയാള്‍ക്കും കുത്തേല്‍ക്കുകയും മരിക്കുകയും ചെയ്തു.

അമേരിക്കയിലെ പോര്‍ട്ലന്‍ഡില്‍ പെണ്‍കുട്ടിയെ സംരക്ഷിക്കാനും അക്രമികള്‍ക്കെതിരെ ശബ്ദമുയര്‍ത്താനും ജനങ്ങളുണ്ടായി. രണ്ടുപേര്‍ അവരുടെ ജീവന്‍ അതിനായി ഹോമിച്ചു. എന്നാല്‍, ബല്ലഭ്ഗഡിലെ ട്രെയിനിലുണ്ടായ ദുഃഖകരമായ വസ്തുത ജുനൈദും സഹോദരങ്ങളും ആക്രമിക്കപ്പെട്ടപ്പോള്‍ കമ്പാര്‍ട്മെന്റിലെ മറ്റു യാത്രക്കാര്‍ നിശബ്ദകാഴ്ചക്കാരായി എന്നതാണ്.

അമേരിക്കയിലെയും ഇന്ത്യയിലെയും സംഭവങ്ങളില്‍ പൊലീസ് വിദ്വേഷ ആക്രമണങ്ങളെ കുറച്ചുകാണാനാണ് ശ്രമിച്ചത്. വിര്‍ജീനിയന്‍ പൊലീസ് പറഞ്ഞത് റോഡിലുണ്ടായ കലഹംമാത്രമാണ് കേസെന്നാണ്. ഡ്രൈവിങ്ങിനെക്കുറിച്ച് നബ്രയുടെ കൂടെയുണ്ടായിരുന്ന ചെറുപ്പക്കാരന്‍ കാറോടിച്ചയാളോട് വാഗ്വാദത്തില്‍ ഏര്‍പ്പെട്ടെന്നും അതിനോടുള്ള പ്രതികാരമെന്നോണമാണ് പെണ്‍കുട്ടിയെ ആക്രമിച്ചതെന്നുമാണ് പൊലീസിന്റെ ഭാഷ്യം. ഹിജബ് ധരിച്ച പെണ്‍കുട്ടിയായതുകൊണ്ടുള്ള വംശീയവിദ്വേഷത്തിന്റെ ഫലമായാണ് ആക്രമണമെന്നതിന് സ്ഥിരീകരണം നല്‍കാന്‍ അവര്‍ തയ്യാറായില്ല.

ഹരിയാനയില്‍ പൊലീസ് പറയുന്നതാകട്ടെ തീവണ്ടിയില്‍ സീറ്റ് സംബന്ധിച്ച് തര്‍ക്കമുണ്ടായെന്നും അതാണ് ആക്രമണത്തില്‍ കലാശിച്ചതെന്നുമാണ്. മുസ്ളിം ചെറുപ്പക്കാര്‍ അവരുടെ മതവ്യക്തിത്വം പ്രദര്‍ശിപ്പിക്കുന്ന വസ്ത്രവും തൊപ്പിയും ധരിച്ചിരുന്നുവെന്നതാണ് വസ്തുത. ഇതിനാല്‍ ബോധപൂര്‍വമായാണ് അക്രമികള്‍ ഈ യുവാക്കളെ ലക്ഷ്യമിട്ടതെന്ന വസ്തുതയാണ് പൊലീസ് മറച്ചുവയ്ക്കാന്‍ ശ്രമിക്കുന്നത്. 

ബിജെപി ഭരിക്കുന്ന ഹരിയാനപോലുള്ള സംസ്ഥാനങ്ങളില്‍ പൊലീസും സംസ്ഥാന ഭരണസംവിധാനങ്ങളും ഹിന്ദുത്വ ഗുണ്ടകളെയും 'ഗോസംരക്ഷരെയും' പിന്തുണയ്ക്കുന്ന രീതി അതിവേഗം വര്‍ധിക്കുകയാണ്. രാജസ്ഥാനിലെ പെഹ്ലുഖാന്‍ കേസിലും നാമിത് കണ്ടതാണ്. അനധികൃതമായി കന്നുകാലികളെ കടത്തിയെന്ന് ആരോപിച്ച് പെഹ്ലുഖാനും കുടുംബാംഗങ്ങള്‍ക്കുമെതിരെ കേസെടുക്കുകയായിരുന്നു രാജസ്ഥാന്‍ പൊലീസ്. തീര്‍ത്തും നിയമവിധേയമായി കന്നുകാലിക്കച്ചവടം നടത്തിയ ഘട്ടത്തിലാണ് ഈ കേസ് എന്ന് ഓര്‍ക്കുക.

വര്‍ഗീയവിദ്വേഷമെന്ന പ്രത്യയശാസ്ത്രം ചില വിഭാഗം ജനങ്ങളെ സ്വാധീനിക്കുകയാണെന്നും മനുഷ്യത്വരഹിതമായ ആക്രമണങ്ങള്‍ക്കും ഹിംസയ്ക്കും വഴിയൊരുക്കുകയാണെന്നും മനസ്സിലാക്കേണ്ടിയിരിക്കുന്നു. ഇത്തരം കുറ്റകൃത്യങ്ങള്‍ക്ക് പൊലീസും ഭരണസംവിധാനങ്ങളും തങ്ങളെ ശിക്ഷിക്കില്ലെന്ന അറിവ് ഇത്തരം സംഘങ്ങള്‍ക്ക് ധൈര്യം നല്‍കുന്നുണ്ട്. 

കേരളത്തില്‍ ഇത്തരം വര്‍ഗീയ വലതുപക്ഷശക്തികള്‍ സിപിഐ എം കേഡര്‍മാരെയും പ്രവര്‍ത്തകരെയുമാണ് ഉന്നമിടുന്നത്. ഇതിനു കാരണം സിപിഐ എമ്മും ഇടതുപക്ഷവുമാണ് വര്‍ഗീയസംഘര്‍ഷം സൃഷ്ടിക്കാനുള്ള ഇവരുടെ ശ്രമത്തെയും മുന്നേറ്റത്തെയും തടയുന്നത്.

 
എന്നാല്‍, രാജ്യത്തിന്റെ മറ്റു ഭാഗങ്ങളില്‍ ഈ ശക്തികള്‍ക്ക് പ്രത്യേകിച്ചും വടക്കു പടിഞ്ഞാറന്‍ ഇന്ത്യയില്‍ സ്വതന്ത്രമായി പ്രവര്‍ത്തിക്കാന്‍ കഴിയുന്നു. ഇവിടങ്ങളിലും ഇടതുപക്ഷം ദുര്‍ബലമാണെങ്കില്‍പ്പോലും ഹിന്ദുത്വ ആക്രമണങ്ങളെ ചെറുക്കുന്നതിന് എല്ലാ മതനിരപേക്ഷ ജനാധിപത്യശക്തികളെയും അണിനിരത്താന്‍ ഇടതുപക്ഷം ശ്രമിക്കണം. 

ഈ വര്‍ഗീയ ആക്രമണങ്ങളോടുള്ള പ്രതികരണം രണ്ട് വിധത്തിലായിരിക്കണം. ഒന്നാമതായി  ഹിന്ദുത്വ വലതുപക്ഷ ശക്തികള്‍ക്കെതിരെ ജനങ്ങള്‍ക്കിടയില്‍ അതിശക്തമായ രാഷ്ട്രീയ പ്രത്യയശാസ്ത്ര പ്രചാരണം സംഘടിപ്പിക്കണം. ഇതോടൊപ്പം ഇത്തരം ആക്രമണങ്ങള്‍ക്കെതിരെ പ്രതിരോധം തീര്‍ക്കുകയും വേണം. ഈ ഉത്തരവാദിത്തം മുസ്ളിങ്ങളുടെമാത്രം ചുമലിലിടരുത്. ഈ കടമ ഇടതുപക്ഷ ജനാധിപത്യശക്തികള്‍ നിര്‍ബന്ധമായും ഏറ്റെടുക്കണം. 

‘ദേ​ശീ​യ ഭ​യ​വി​ത​ര​ണ പദ്ധതി​’ ഗം​ഭീ​ര വി​ജ​യ​ത്തി​ലേ​ക്ക്​

‘ദേ​ശീ​യ ഭ​യ​വി​ത​ര​ണ പദ്ധതി​’  ഗം​ഭീ​ര വി​ജ​യ​ത്തി​ലേ​ക്ക്​

 രവി​ഷ്​​കു​മാ​ർ 

(മാധ്യമം, ദിനപ്പത്രം, 28-062017)

ബീ​ഫി​​െൻറ​യും വി​ശ്വാ​സ​ത്തി​​െൻറ​യും പേ​രി​ൽ ജ​ന​ങ്ങ​ളെ വേ​ട്ട​യാ​ടി രാ​ജ്യ​മാ​കെ ഭീ​തി പ​ട​ർ​ത്തു​ന്ന പ്ര​വ​ണ​ത​ക്കെ​തി​രെ ഡ​ൽ​ഹി പ്ര​സ്​​ക്ല​ബി​ൽ സംഘടിപ്പിച്ച പ്രതിഷേധച്ചടങ്ങിൽ എ​ൻ.​ഡി.​ടി.​വി അ​വ​താ​ര​ക​ൻ രവി​ഷ്​​കു​മാ​ർ ന​ട​ത്തി​യ പ്ര​ഭാ​ഷ​ണം. കാ​ര​വ​ൻ റി​പ്പോ​ർ​ട്ട​ർ ബാ​സി​ത്​ മാ​ലി​ക്കി​ന്​ നേ​രെ​യു​ണ്ടാ​യ കൈ​യേ​റ്റ​ത്തി​​െൻറ പ​ശ്ചാ​ത്ത​ല​ത്തി​ലാ​യി​രു​ന്നു പ്ര​തി​ഷേ​ധ പ​രി​പാ​ടി

ഇൗ​യി​ടെ ലോ​ക്​​സ​ഭാ സ്​​പീ​ക്ക​ർ സു​മി​ത്ര മ​ഹാ​ജ​ൻ മാ​ധ്യ​മ​പ്ര​വ​ർ​ത്ത​ക​ർ​ക്ക്​ മു​മ്പാ​കെ നി​ര​ത്തി​യ നി​ർ​ദേ​ശം അ​ത്യ​ധി​കം അ​ന്ധാ​ളി​പ്പു​ണ്ടാ​ക്കു​ന്ന​താ​യി​രു​ന്നു. ‘മാ​ധ്യ​മ പ്ര​വ​ർ​ത്ത​ക​ൻ നാ​ര​ദ​നെ പോ​ലെ​യാ​വണം. അ​പ്രി​യസ​ത്യ​ങ്ങ​ളൊ​ന്നും റി​പ്പോ​ർ​ട്ട്​ ചെ​യ്യാനും പാടില്ല’- ഇ​താ​യി​രു​ന്നു അ​വ​രു​ടെ ഉ​പ​ദേ​ശം. അ​ഥ​വാ, ഭ​ര​ണ​ക​ർ​ത്താ​ക്ക​ളെ​ക്കു​റി​ച്ചാ​ണ്​ പ​രാ​മ​ർ​ശി​ക്കാ​ൻ ആ​ഗ്ര​ഹി​ക്കു​ന്ന​തെ​ങ്കി​ൽ മ​ധു​ര​ഭാ​ഷ മാ​ത്രം അ​വ​ലം​ബി​ക്കു​ക.
വി​ഷ്​​ണു​ഭ​ഗ​വാ​​െൻറ അ​രു​മ ഭ​ക്​​ത​നാ​യാ​ണ്​ ഇ​ന്ത്യ​ൻ പു​രാ​ണ​ങ്ങ​ൾ നാ​ര​ദ​മു​നി​യെ പ​രി​ച​യ​പ്പെ​ടു​ത്തു​ന്ന​ത​്. ‘നാ​രാ​യ​ണ, നാ​രാ​യ​ണ എന്ന മ​ന്ത്രം സ​ദാ ഉ​രു​വി​ടു​ന്ന വ്യ​ക്​​തി. പ​ത്ര​പ്ര​വ​ർ​ത്ത​ക​ർ നാ​ര​ദ​ന്മാ​രാ​യി​ത്തീ​ര​ണ​മെ​ന്ന്​ ആ​ഗ്ര​ഹി​ക്കു​ന്നു​വെ​ങ്കി​ൽ ദേ​വേ​ന്ദ്ര​സ​ദ​സ്സി​ലെ ദേ​വ​ന്മാ​രു​മാ​യി വി​ദൂ​ര നി​ല​യി​ലെ​ങ്കി​ലും സാ​മ്യം​തോ​ന്നു​ന്ന ഒ​രു മു​ഖ​മെ​ങ്കി​ലും ന​മ്മു​ടെ ഭ​ര​ണ​ദ​ർ​ബാ​റി​ൽ ഉ​ണ്ടെ​ന്ന്​ കാ​ട്ടി​ത്ത​രാ​ൻ സ്​​പീ​ക്ക​ർ ത​യാ​റാ​ക​ു​മോ? ഇവി​ടെ മ​റ്റൊ​രു സം​ശ​യം​കൂ​ടി അ​ങ്കു​രി​ക്കു​ന്നു. സ​ത്യ​ങ്ങ​ളി​ൽ പ്രി​യ​ങ്ക​ര​മേ​ത്, അ​പ്രി​യ​ങ്ങ​ൾ ഏ​തു​വ​രെ എ​ന്ന്​ ത​രം​തി​രി​ക്കാ​നു​ള്ള അ​ധി​കാ​രം സ്​​പീ​ക്ക​ർ​മാ​ർ​ക്കു​ണ്ടോ?
മാ​ധ്യ​മ പ്ര​വ​ർ​ത്ത​ക​രെ ചൊ​ൽ​പ്പ​ടി​യി​ൽ നി​ർ​ത്തി മു​ട്ടു​കു​ത്തി​ക്കാ​ൻ പ്ര​ത്യേ​ക പ്രോ​ജ​ക്​​ടി​നു​പോ​ലും അ​ധി​കൃ​ത​ർ ആ​വി​ഷ്​​കാ​രം ന​ൽ​കി എ​ന്ന സം​ശ​യം ജ​നി​പ്പി​ക്കു​ന്നതാണ്​ ക​ർ​ണാ​ട​ക അ​സം​ബ്ലി സ്​​പീ​ക്ക​ർ കെ.​ബി. കോ​ളി​വാ​ദ്​ സ​മീ​പ​കാ​ല​ത്താ​യി കൈ​ക്കൊ​ണ്ട ചി​ല ന​ട​പ​ടി​ക​ൾ എ​ന്നു​മോ​ർ​ക്കു​ക (ക​ർ​ണാ​ട​ക​യി​ൽ രണ്ട്​ പ​ത്ര​പ്ര​വ​ർ​ത്ത​ക​ർ​ക്ക്​ ഒാ​രോ വ​ർ​ഷം വീ​തം ത​ട​വ്​ വിധിക്കുകയാ​യി​രു​ന്നു സ്​​പീ​ക്ക​ർ).
മാ​ധ്യ​മ​പ്ര​വ​ർ​ത്ത​ക​ർ​ക്കും ഇ​ത​ര വി​ശ്വാ​സ​പ്ര​മാ​ണം മു​റു​കെ​പി​ടി​ക്കു​ന്ന​വ​ർ​ക്കും നേ​രെ​യു​ള്ള കൈ​യേ​റ്റ​സം​ഭ​വ​ങ്ങ​ൾ കൃ​ത്യ​മാ​യി ഒാ​ർ​ത്തു​വെ​ക്കാ​ൻ സാ​ധി​ക്കാ​ത്ത​വി​ധം പെ​രു​കി എ​ന്ന​താ​ണ്​ നി​ർ​ഭാ​ഗ്യ​ക​ര​മാ​യ യാ​ഥാ​ർ​ഥ്യം. ഗ​ലി​ക​ളി​ലോ നാ​ൽ​ക്ക​വ​ല​ക​ളി​ലോ ഏ​തു​നേ​ര​വും നി​ങ്ങ​ൾ​ക്കു​നേ​രെ ചാ​ടി​വീ​ഴാ​ൻ ഒ​രു ജ​ന​ക്കൂ​ട്ടം പ​തി​യി​രി​ക്കു​ന്നു​ണ്ടാ​കാം.  മാ​ധ്യ​മ​പ്ര​വ​ർ​ത്ത​ക​ർ ക​ർ​ത്ത​വ്യ​നി​ർ​വ​ഹ​ണം ന​ട​ത്തു​ന്ന​താ​യി ക​ണ്ടാ​ൽ ഇൗ ​ജ​ന​ക്കൂ​ട്ടം അ​വ​രെ കൈ​കാ​ര്യം ചെ​യ്യാ​തി​രി​ക്കി​ല്ല. ക​ടു​ത്ത മ​ർ​ദ​നം വ​രെ അ​ര​ങ്ങേ​റി​യേ​ക്കാം.
വ​ക്കീ​ല​ന്മാ​രു​ടെ പ​ങ്ക്​
ബാ​സി​ത്​ മാ​ലി​ക്കി​നു​നേ​രെ​യു​ണ്ടാ​യ ആ​ക്ര​മ​ണം അ​തി​ക്രൂ​ര​മാ​യി​രു​ന്നു. (ഡ​ൽ​ഹി​യി​ലെ സോ​ണി​യ വി​ഹാ​റി​ൽ ഭൂ​മി​ത​ർ​ക്ക​ത്തെ സം​ബ​ന്ധി​ച്ച വാ​ർ​ത്ത ശേ​ഖ​രി​ക്കാ​നെ​ത്തി​യ അ​ദ്ദേ​ഹം മു​സ്​​ലിം ആ​ണെ​ന്ന്​ മ​ന​സ്സി​ലാ​ക്കി​യ​തോ​ടെ ജ​ന​ക്കൂ​ട്ടം ത​ല്ലി​ച്ച​ത​ച്ച്​ പൊ​ലീ​സി​ൽ ഏ​ൽ​പി​ക്കു​ക​യാ​യി​രു​ന്നു. ‘പാ​കി​സ്​​താ​നി’ എ​ന്ന്​ മു​ദ്ര​കു​ത്താ​നും ശ്ര​മ​ങ്ങ​ൾ ന​ട​ന്നു). ബാ​സി​തി​നു​നേ​രെ​യു​ണ്ടാ​യ ആ​ക്ര​മ​ണ​ത്തി​ൽ ഒ​രു അ​ഭി​ഭാ​ഷ​ക​​െൻറ സാ​ന്നി​ധ്യം മു​ഴ​ച്ചു​നി​ന്നു. കൈ​യേ​റ്റ സം​ഭ​വ​ങ്ങ​ൾ​ക്ക്​ പ്രോ​ത്സാ​ഹ​ന​മ​രു​ളാ​ൻ സ​ർ​വ ഇ​ട​ങ്ങ​ളി​ലും ഇ​ത്ത​രം അ​ഭി​ഭാ​ഷ​ക​രു​ടെ സാ​ന്നി​ധ്യം പ​തി​വാ​യി മാ​റി​യി​രി​ക്കു​ന്നു. ആ​​ക്ര​മ​ണം ന​ട​ത്തു​ന്ന ജ​ന​ക്കൂ​ട്ട​ത്തി​​െൻറ നി​യ​മ​ശാ​ക്​​തീ​ക​ര​ണ സെ​ല്ലാ​യി അ​ഭി​ഭാ​ഷ​ക​ർ വ​ർ​ത്തി​ക്കു​ന്നു.
ക​ന​യ്യ​കു​മാ​റി​നെ​യും മാ​ധ്യ​മ​പ്ര​വ​ർ​ത്ത​ക​രേ​യും പ​ട്യാ​ല ഹൗ​സ്​ വ​ള​പ്പി​ൽ അ​ടി​ച്ചൊ​തു​ക്കി​യ അ​ഭി​ഭാ​ഷ​ക​പ്പ​ട​യു​ടെ ക്രൗ​ര്യം ഏ​വ​രും ദ​ർ​ശി​ക്കു​ക​യു​ണ്ടാ​യി. ഉ​ത്ത​ർ​പ്ര​ദേ​ശി​ൽ സീ​നി​യ​ർ​ പൊ​ലീ​സ്​ ഒാ​ഫി​സ​ർ​മാ​ർ​ക്കു​ നേ​രെ​യാ​യി​രു​ന്നു അ​ഭി​ഭാ​ഷ​ക​രു​ടെ ആ​ക്ര​മ​ണം.
ഭീ​തി കു​ത്തി​വെ​ക്കു​ന്ന​തി​നു​ള്ള ദേ​ശീ​യ പ്രോ​ജ​ക്​​ട്​ വ​ൻ വി​ജ​യ​േ​ത്താ​ട്​ അ​ടു​ക്കു​ന്നു എ​ന്നു​വേ​ണം ക​രു​താ​ൻ. ജ​ന​ങ്ങ​ൾ​ക്ക്​ പു​തി​യ റോ​ഡു​ക​ളും തൊ​ഴി​ലും ല​ഭ്യ​മാ​കു​ന്ന​തി​ന്​ മു​േ​മ്പ ഒ​രു കാ​ര്യം മു​ട​ക്ക​മി​ല്ലാ​തെ ല​ഭ്യ​മാ​കു​മെ​ന്നു​റ​പ്പ്. ഭ​യം-​അ​തേ വ്യ​ത്യ​സ്​​ത ത​ല​ങ്ങ​ളി​ൽ നാം ​നി​ത്യേ​ന ച​കി​ത​രാ​യി​ക്കൊ​ണ്ടി​രി​ക്കു​ന്നു. പ്ര​ഭാ​ത​ത്തി​ൽ വീ​ട്ടി​ൽ​നി​ന്നി​റ​ങ്ങു​േ​മ്പാ​ൾ​ത​ന്നെ നാം ​ഭ​യം അ​നു​ഭ​വി​ക്കു​ന്നു. ‘ക​രു​തി​ക്കോ​ളൂ, അ​വി​ടെ പോ​ക​രു​ത്, ഇ​വി​ടെ നോ​ക്കൂ, അ​വി​ടെ നോ​ക്കൂ’ തു​ട​ങ്ങി​യ ആ​പ​ൽ​സ​ന്ദേ​ശ​ങ്ങ​ളാ​ണ്​ ന​മ്മു​ടെ കാ​തു​ക​ളി​ൽ മു​ഴ​ങ്ങു​ന്ന​ത്.
ഇ​ന്ത്യ​യി​ൽ വ​ള​ർ​ത്തു​നാ​യ്​​ക്ക​ൾ മാ​ത്ര​മാ​ണ്​ സു​ര​ക്ഷി​ത​ വി​ഭാ​ഗം. അ​ഥ​വാ, ഭ​ര​ണ​ക​ർ​ത്താ​ക്ക​ളു​ടെ അ​ടി​ത്ത​ട്ടി​ൽ ക​യ​റി​ക്കൂ​ടു​ന്ന ഒാ​മ​ന​ക​ളാ​വു​ക. നാ​രാ​യ​ണ​സ്​​തു​തി​ക​ൾ പാ​ടു​ക, നാ​ര​ദ​മു​നി​യെ​പ്പോ​ലെ വീ​ണ മീ​ട്ടു​ക. എ​ന്നാ​ൽ, ഒ​രാ​ളും നി​ങ്ങ​ൾ​ക്കു​നേ​രെ വി​മ​ർ​ശ​ന​പു​രി​ക​ങ്ങ​ൾ ഉ​യ​ർ​ത്തി​ല്ല. ബ​ജ്​​റം​ഗ്​​ദ​ളി​​െൻറ ആ​യു​ധ​പ​രി​ശീ​ല​ന ക്യാ​മ്പ്​ റി​പ്പോ​ർ​ട്ട്​ ചെ​യ്യു​ന്ന​തി​നി​ടെ രാ​ജ​സ്​​ഥാ​നി​ൽ അ​റ​സ്​​റ്റി​ലാ​യ അസദ്​ അ​ശ്​​റ​ഫ്, അ​നു​പം പാ​ണ്ഡെ എ​ന്നീ പ​ത്ര​പ്ര​വ​ർ​ത്ത​ക​ർ​ക്കു​നേ​രെ പൊ​ലീ​സ്​ ന​ട​ത്തി​യ ആ​ക്രോ​ശ​ങ്ങ​ൾ നോ​ക്കു​ക. ‘സ​സ്​​പെ​ൻ​ഡ്​​ ചെ​യ്യ​പ്പെ​ട്ടാ​ലും പ്ര​ശ്​​ന​മി​ല്ല. നി​ങ്ങ​ളെ ഞാ​ൻ അ​ടി​ച്ച്​ നു​റു​ക്കി​ക്ക​ള​യും’ -ത​​െൻറ രാ​ഷ്​​ട്രീ​യ യ​ജ​മാ​ന​ന്മാ​ർ ത​ന്നെ പൂ​ർ​ണ​മാ​യി സം​ര​ക്ഷി​ക്കും എ​ന്നു​റ​പ്പു​ണ്ടാ​യി​രു​ന്ന​താ​ണ്​ ഇൗ ​ആ​ക്രോ​ശ​ത്തി​ന്​ പി​ന്നി​ലെ പ്രേ​ര​ണ.
മേ​ൽ​ക്കൈ നേ​ടു​ന്ന മോ​ബോ​ക്ര​സി
ചാ​ന​ലു​ക​ൾ നി​യ​ന്ത്രി​ക്കു​ന്ന ഇ​ന്ത്യ​യെ​യാ​ണി​പ്പോ​ൾ നാം ​ദ​ർ​ശി​ക്കു​ന്ന​ത്. ഒ​രു​പ​ക്ഷേ, ഒ​ട്ടും വൈ​കാ​തെ ഇ​ന്ത്യ എ​ന്ന റി​പ്പ​ബ്ലി​ക്കി​ന്​ പ​ക​രം നാം ​ചാ​ന​ൽ ഇ​ന്ത്യ​യി​ലാ​കും വി​ശ്വാ​സ​മ​ർ​പ്പി​ക്കാ​ൻ പോ​കു​ന്ന​ത്.
ജ​നാ​ധി​പ​ത്യ​ത്തി​ന്​ പ​ക​രം ജ​ന​ക്കൂ​ട്ട​ത്തി​​െൻറ ആ​ധി​പ​ത്യ​ത്തി​ലേ​ക്ക്​ (മോ​ബോ​ക്ര​സി) പി​ന്മ​ട​ങ്ങു​ക​യാ​ണ്​ ഇ​ന്ത്യാ രാ​ജ്യം. ഒ​രു​പ​ക്ഷേ, ആ ​ഹിം​സോ​ത്സു​ക​രാ​യ ജ​ന​ക്കൂ​ട്ട​ത്തി​ൽ ന​മ്മു​ടെ ഉ​റ്റ​ബ​ന്ധു​ക്ക​ളെ വ​രെ ക​ണ്ടെ​ന്നി​രി​ക്കാം.
എ​​െൻറ ഒ​രു സു​ഹൃ​ത്ത്​ ഉ​മ്മ​യോ​ടൊ​പ്പം ട്രെ​യി​നി​ൽ സ​ഞ്ച​രി​ക്കെ ജ​ന​ക്കൂ​ട്ട​ത്തി​​െൻറ ക​ടു​ത്ത അ​ധി​ക്ഷേ​പ​ങ്ങ​ൾ​ക്ക്​ ഇ​ര​യാ​യ​ത്​ ഒാ​ർ​ക്കു​ന്നു. പ​ർ​ദ ധ​രി​ച്ച ആ ​ഉ​മ്മ​യെ സ​ഹ​യാ​ത്രി​ക​ർ കൂ​ട്ടം കൂ​ടി പ​രി​ഹ​സി​ക്കു​ക​യാ​യി​രു​ന്നു. ഏ​താ​നും സ​മ​യ​ത്തി​ന​കം അ​വ​രു​ടെ മ​ന​സ്സ്​ ത​ക​ർ​ന്നു​പോ​യി. ഭീ​തി പ​ട​ർ​ത്താ​നു​ള്ള പ്രോ​ജ​ക്​​ട്​ ഇ​പ്പോ​ൾ ന്യൂ​സ്​ റൂ​മു​ക​ളി​ലേ​ക്കും ക​ട​ന്നു​ക​യ​റി​യി​രി​ക്കു​ന്നു. ഇൗ ​ദുഃ​സ്​​ഥി​തി​യെ എ​ങ്ങ​െ​ന മ​റി​ക​ട​ക്കാ​മെ​ന്നാ​ണ്​ എ​​െൻറ ഇ​പ്പോ​ഴ​ത്തെ ആ​ലോ​ച​ന. ഒ​രു​പ​ക്ഷേ, മ​ർ​ദി​ക്ക​പ്പെ​ടു​ന്ന പ​ത്ര​പ്ര​വ​ർ​ത്ത​ക​ർ​ക്കു​വേ​ണ്ടി നാം ​ഹെ​ൽ​പ്​​ലൈ​നി​ന്​ തു​ട​ക്കം കു​റി​ക്കേ​ണ്ടി​വ​രാം. കൊ​ല്ല​പ്പെ​ടു​ന്ന​വ​ർ​ക്കു​വേ​ണ്ടി​യു​ള്ള സ​ഹാ​യ​പ​ദ്ധ​തി​ക​ളും ആ​രം​ഭി​ക്കേ​ണ്ട​തു​ണ്ട്. ന്യൂ​സ്​ റൂ​മു​ക​ളെ ഗ്ര​സി​ച്ചു​കൊ​ണ്ടി​രി​ക്കു​ന്ന നാ​ര​ദ സി​ൻ​ഡ്രോം ന​മു​ക്ക്​ ക​ണ്ടി​ല്ലെ​ന്ന്​ ന​ടി​ക്കാ​നാ​കി​ല്ല.
മു​ഖ്യ​ധാ​രാ മാ​ധ്യ​മ​ങ്ങ​ളെ വാ​യ​ട​പ്പി​ക്കാ​നു​ള്ള ശ്ര​മ​ങ്ങ​ൾ​ക്കി​ട​യി​ൽ സ​മൂ​ഹ​മാ​ധ്യ​മ​ങ്ങ​ളും വെ​ബ്​​സൈ​റ്റു​ക​ളും പു​തി​യ ആ​ശാ​കേ​ന്ദ്ര​ങ്ങ​ളാ​യി​രു​ന്നു. എ​ന്നാ​ൽ, പു​തി​യ രാ​ഷ്​​ട്രീ​യ അ​ജ​ണ്ട​ക​ൾ ഭീ​ഷ​ണി പ്ര​യോ​ഗ​ങ്ങ​ളു​മാ​യി അ​ത്ത​രം മേ​ഖ​ല​ക​ളെ​യും ശ്വാ​സം മു​ട്ടി​ക്കും.വാ​ട്ട്​​സ്​​ആ​പ്​​ ആ​ശ​യ വി​നി​മ​യ രം​ഗ​ത്തെ ഉ​ട​ച്ചു വാ​ർ​ത്ത എ​ന്ന കാ​ര്യം നേ​രു​ത​ന്നെ.  എ​ന്നാ​ൽ, വാ​ട്ട്​​സ്​​ആ​പ്​​ ഗ്രൂ​പ്പു​ക​ൾ ഉ​പ​യോ​ഗി​ച്ച്​ നി​മി​ഷ​ങ്ങ​ൾ​ക്ക​കം ജ​ന​ക്കൂ​ട്ട​ങ്ങ​ളെ  സം​ഘ​ടി​പ്പി​ക്കാ​ൻ ആ​ക്ര​മി സം​ഘ​ങ്ങ​ൾ​ക്ക്​ സാ​ധി​ക്കു​ന്നു -ബാ​സി​ത്​ മാ​ലി​കി​നെ​തി​രെ  ഇ​ര​ച്ചാ​ർ​ത്ത ജ​ന​ങ്ങ​ൾ ഇൗ ​രീ​തി​യി​ൽ സം​ഘ​ടി​പ്പി​ക്ക​പ്പെ​ട്ട​വ​രാ​യി​രു​ന്നു. പ​ത്ര പ്ര​വ​ർ​ത്ത​ക​ർ  ഫീ​ൽ​ഡി​ലി​റ​ങ്ങി പ്ര​വ​ർ​ത്തി​ക്കു​ന്ന​തി​നു​ നേ​രെ ഇ​ത്ത​രം ഭീ​ഷ​ണി​ക​ൾ ഇ​നി​യും  ഉ​യ​രാ​തി​രി​ക്കി​ല്ല.
ഭ​യ​ത്തെ ഇൗ​വി​ധം ദേ​ശീ​യ​വ​ത്​​ക​രി​ക്കു​ന്ന​ത്​ ഇ​ന്ത്യ​യി​ൽ ഇ​താ​ദ്യ​മാ​ണെ​ന്ന്​ പ​റ​യാം.  ടെ​ലി​ഫോ​ണി​ൽ സം​സാ​രി​ക്കു​േ​മ്പാ​ൾ അ​ത്​ ചോ​ർ​ത്ത​പ്പെടുമോ എ​ന്ന  ഭ​യാ​ശ​ങ്ക​യി​ലാ​ണി​പ്പോ​ൾ ന​മ്മു​ടെ പൗ​ര​ന്മാ​ർ.
ഇ​തി​നെ ആ​പ​ത്​​ക​ര​മാ​യ സ്​​ഥി​തി​വി​ശേ​ഷം എ​ന്നു വി​ശേ​ഷി​പ്പി​ക്കു​ന്ന​ത്​ ന്യൂ​നീ​ക​ര​ണ​മാ​കും.  ഇ​ന്ത്യ​യി​ൽ ഹി​റ്റ്​​ല​റു​ടെ അ​വ​താ​ര​ങ്ങ​ൾ എ​ത്തി​യി​രി​ക്കു​ന്നു എ​ന്ന്​ ചി​ല​ർ കു​റ്റ​പ്പെ​ടു​ത്തു​ന്നുണ്ട്.  ഹി​റ്റ്​​ല​ർ ഇ​ന്ത്യ​യി​ൽ പ്ര​വേ​ശി​ച്ചു എ​ന്ന്​ ഞാൻ പറയില്ല. എ​ന്നാ​ൽ, ഒ​രു കാ​ര്യം  എ​നി​ക്ക്​ തീ​ർ​ച്ച​യു​ണ്ട്. ഹി​റ്റ്​​ല​റു​ടെ പ്ര​ചാ​ര​ണ​കാ​ര്യ മ​ന്ത്രി ഗീ​ബ​ൽ​സ്​ ഇ​ന്ത്യ​ൻ മാ​ധ്യ​മ  മേ​ഖ​ല​യി​ൽ പ്ര​വേ​ശി​ച്ചു​ക​ഴി​ഞ്ഞി​രി​ക്കു​ന്നു എ​ന്ന വ​സ്​​തു​ത​യാ​ണ​ത്. ചി​ല ടെ​ലി​വി​ഷ​ൻ  ചാ​ന​ലു​ക​ളു​ടെ ചു​മ​ത​ല ഗീ​ബ​ൽ​സ്​ ഏ​റ്റെ​ടു​ത്തി​രി​ക്കു​ന്നു. അ​തു​കൊ​ണ്ടാ​ണ്​ ടി.​വി  കാ​ണു​ന്ന​ത്​ നി​ർ​ത്തു​ക എ​ന്ന്​ ആ​വ​ശ്യ​പ്പെ​ടാ​ൻ ഞാ​ൻ നി​ർ​ബ​ന്ധി​ത​നാ​കു​ന്ന​ത്.
നി​ങ്ങ​ൾ ച​വ​റ്റു​കൂ​ന​യാ​ണ്​ ടി.​വി​യി​ൽ വീ​ക്ഷി​ക്കു​ന്ന​ത്​ എ​ന്ന്​ പ്രേ​ക്ഷ​ക​രോ​ട്​ പ​റ​യാ​ൻ നാം  ​ത​യാ​റാ​കേ​ണ്ട​തു​ണ്ട്. ‘‘നി​ങ്ങ​ൾ മു​സ്​​ലിം​ക​ളെ കൊ​ല്ലാ​ൻ ഇ​നി​യും സ​ജ്ജ​രാ​യി​ല്ലേ’’ എ​ന്നാ​ണ്​  ചാ​ന​ലു​ക​ൾ ജ​ന​ങ്ങ​ളോ​ട്​ ആ​രാ​യു​ന്ന​ത്. വൈ​കാ​തെ അ​വ​ർ ആ​രെ​യും കൊ​ല​പ്പെ​ടു​ത്താ​ൻ  പാ​ക​പ്പെ​ടു​ക​യാ​കും അ​ന​ന്ത​ര ഫ​ലം. പ​ശു​ക്ക​ളു​മാ​യി യാ​ത്ര​ചെ​യ്യ​വെ ആ​ക്ര​മി​ക്ക​പ്പെ​ട്ട ര​ണ്ട്​  സി​ഖു​കാ​ർ​ക്ക്​ ‘‘ഞ​ങ്ങ​ൾ മു​സ്​​ലിം​ക​ള​ല്ല, ഞ​ങ്ങ​ളെ അ​ടി​ച്ചു​കൊ​ല്ലേ​ണ്ട​തി​ല്ല’’ എ​ന്ന്​  വി​ല​പി​ക്കേ​ണ്ട​താ​യും വ​ന്നു.‘ഉ​ർ​ദു’ എ​ഴു​തി​യ ക​ട​ലാ​സ്​ തു​ണ്ടു​പോ​ലും ‘പാ​കി​സ്​​താ​നി’ എ​ന്ന ലേ​ബ​ൽ ന​ൽ​കി നാം ​ ​ഉ​പേ​ക്ഷി​ച്ചു​ക​ള​യു​ന്നു.
ഭീ​തി​യു​ടെ​യും അ​സ​ഹി​ഷ്​​ണു​ത​യു​ടെ​യും പു​തി​യ ദ​ശാ​സ​ന്ധി പി​റ​വി​കൊ​ണ്ടി​രി​ക്കു​ന്നു. നാം  ​നി​ശ്ശ​ബ്​​ദ​രാ​കാ​ൻ ഇ​ഷ്​​ട​പ്പെ​ടു​ന്നു. മേ​ൽ​പ​റ​ഞ്ഞ സം​ഭ​വ​ങ്ങ​ളോ​ട്​ പ്ര​തി​ക​രി​ക്കാ​ൻ  താ​ൽ​പ​ര്യ​മി​ല്ലാ​ത്ത​വി​ധം നാം ​ഭ​യ​ഗ്ര​സ്​​ത​രാ​വു​ക​യാ​ണി​പ്പോ​ൾ. ഇ​പ്പോ​ൾ ന​മു​ക്ക്​ ചെ​റി​യ  പ്ര​തി​യോ​ഗ​ങ്ങ​ൾ സം​ഘ​ടി​പ്പി​ക്കാ​ൻ സാ​ധി​ക്കു​ന്നു. ഒ​രു​പ​േ​ക്ഷ, വൈ​കാ​തെ അ​നു​ശോ​ച​ന  യോ​ഗ​ങ്ങ​ളി​ലാ​യി​ത്തീ​രാം ഇ​നി​യു​ള്ള നമ്മുടെ ക​ണ്ടു​മു​ട്ട​ലു​ക​ൾ.
(ദ വയർ ഡോട്ട്​ ഇൻ)

Saturday, August 6, 2016

ജിഎസ്ടി : തുറന്ന ചര്‍ച്ച അനിവാര്യം



ജിഎസ്ടി : തുറന്ന ചര്‍ച്ച അനിവാര്യം

ദേശാഭിമാനി, Friday Aug 5, 2016 

പ്രൊഫ. കെ എന്‍ ഗംഗാധരന്‍

ചരിത്രത്തിലെ ഏറ്റവും വലിയ പരോക്ഷനികുതി പരിഷ്കരണത്തിന് രാജ്യസഭ അംഗീകാരം നല്‍കി. അതോടെ ചരക്കുകളും സേവനങ്ങളും ഏകോപിപ്പിച്ച് രാജ്യത്തിനാകെ ബാധകമായ ഒറ്റ നികുതിസമ്പ്രദായം നിലവില്‍വരാനുള്ള വഴിതുറന്നു. 2006–07 ബജറ്റ് പ്രസംഗത്തിലാണ് ഏകീകൃത നികുതിസമ്പ്രദായം എന്ന നിര്‍ദ്ദേശം മുന്നോട്ടുവച്ചത്. കേന്ദ്രത്തിലും സംസ്ഥാനങ്ങളിലും വ്യത്യസ്ത നികുതിഘടനയും നിരക്കുകളും തുടരുമ്പോള്‍ അവയെല്ലാം ഏകോപിപ്പിച്ച് ഒരൊറ്റ നികുതിഘടനയ്ക്ക് വിധേയമാക്കുക പ്രയാസമേറിയ ജോലിയാണ്. ആ കടമ്പയാണ് തരണംചെയ്തത്. ധനമന്ത്രിമാരുടെ ഉന്നതാധികാരസമിതി ഇക്കാര്യത്തില്‍ നിര്‍ണായക പങ്കുവഹിച്ചു. കോണ്‍ഗ്രസ് കൊണ്ടുവന്ന ബില്ലിനെ ബിജെപിയും ബിജെപി കൊണ്ടുവന്നതിനെ കോണ്‍ഗ്രസും തടസ്സപ്പെടുത്തിപ്പോന്നത് ചരിത്രത്തിന്റെ ഭാഗമായിമാറി. ഇപ്പോള്‍ ജനങ്ങള്‍ക്കുമുന്നിലുള്ളത് ഇന്ത്യക്കാകെ ബാധകമായ ഒരൊറ്റ നികുതി സമ്പ്രദായമാണ്. കോര്‍പറേറ്റുകളുടെ നിരന്തര നിര്‍ബന്ധം ബില്ലിനെ ഏതുവിധേനയും അംഗീകാരം തേടുന്നതിന് ബിജെപിയെ സമ്മര്‍ദത്തിലാക്കി. അതിന്റെ ഭാഗമായാണ് പ്രതിപക്ഷമുയര്‍ത്തിയ പല പ്രശ്നങ്ങളോടും അവസാനനിമിഷം ഭരണകക്ഷി വിട്ടുവീഴ്ച ചെയ്തത്. 

കേന്ദ്രത്തിലും സംസ്ഥാനങ്ങളിലും പലതരം നികുതിയും നിരക്കുമാണുള്ളത്. വാറ്റ്, കേന്ദ്രവില്‍പ്പന നികുതി, വാങ്ങല്‍ നികുതി, ആഡംബര നികുതി, പ്രവേശന നികുതി, വിനോദനികുതി, (തദ്ദേശസ്വയംഭരണ സ്ഥാപനങ്ങളുടേത് ഒഴികെ), പരസ്യനികുതി, ലോട്ടറിചൂതാട്ട നികുതി, സെസ്സുകളും സര്‍ച്ചാര്‍ജുകളും എന്നിവയാണ് സംസ്ഥാന നികുതികള്‍. കേന്ദ്ര എക്സൈസ് തീരുവ, അധിക എക്സൈസ് തീരുവ, കസ്റ്റംസ് പ്രത്യേക അധിക തീരുവ, സേവന നികുതി, സെസ്സുകളും സര്‍ചാര്‍ജുകളും എന്നിവയാണ് കേന്ദ്ര നികുതികള്‍. കസ്റ്റംസ് തീരുവ തുടര്‍ന്നും കേന്ദ്രത്തില്‍ നിക്ഷിപ്തമായിരിക്കും. മദ്യം, വൈദ്യുതി, റിയല്‍ എസ്റ്റേറ്റ്, പെട്രോളിയം ഉല്‍പ്പന്നങ്ങള്‍ എന്നവയ്ക്കും ചരക്ക്സേവന നികുതി ബാധകമല്ല.
മറ്റുള്ള എല്ലാ നികുതിയും ചരക്ക്സേവന നികുതി വരുന്നതോടെ ഇല്ലാതാകും. ചില നികുതിനിരക്ക് കുറയും ചിലത് കൂടും. സേവന നികുതിനിരക്ക് നിലവില്‍ 14.5– 15 ശതമാനമാണ്. അത് 18 ശതമാനമാകും. സിമന്റ് ഉള്‍പ്പെടെയുള്ള ചരക്കുകളുടെ നിരക്ക് 24– 26 ശതാനമാണ്. അത് 18 ശതമാനമാകും. ആഡംബര നികുതി നാല്‍പ്പതില്‍നിന്ന് 18 ശതമാനത്തിലേക്ക് കുറയും. 18 ശതമാനമാണ് സ്റ്റാന്‍ഡേര്‍ഡ് നികുതിനിരക്കായി നിര്‍ദേശിക്കപ്പെടുന്നത്.
വില്‍പ്പന നികുതിയുടെ മുഖ്യ പോരായ്മ അത് നികുതിക്കുമേല്‍ നികുതിയാണെന്നതായിരുന്നു. ഒരു വ്യാപാരി സാധനം വില്‍ക്കുമ്പോള്‍ വില്‍പ്പന നികുതിയും ചേര്‍ത്ത വിലയാണ് ചുമത്തുന്നത്. സാധനം വാങ്ങിയ വ്യാപാരി അത് മറ്റൊരാള്‍ക്ക് വില്‍ക്കുമ്പോള്‍ വില്‍പ്പന നികുതി ചുമത്തും. ആദ്യത്തെ വ്യാപാരി നല്‍കിയ നികുതിയും ചേര്‍ത്ത വിലയ്ക്കുമേല്‍ രണ്ടാമത്തെ വ്യാപാരി നികുതി ചുമത്തുന്നു. ഈ പോരായ്മ പരിഹരിക്കാനാണ് വാറ്റ് സമ്പ്രദായം ഏര്‍പ്പെടുത്തിയത്. എന്നാല്‍, പ്രശ്നം പൂര്‍ണമായി ഒഴിവക്കപ്പെട്ടില്ല. ഉല്‍പ്പാദനത്തിനുമേല്‍ ചുമത്തുന്നതാണ് കേന്ദ്ര എക്സൈസ് തീരുവ. 1000 രൂപയുടെ ചരക്ക് ഫാക്ടറിക്ക് വെളിയില്‍ വരുമ്പോള്‍ 10 ശതമാനം നികുതി ചുമത്തുന്നുവെന്ന് കരുതുക. വില 1100 രൂപയായി. വില്‍പ്പന നികുതി 10 ശതമാനമാണെന്നും കരുതുക. ചരക്ക് വാങ്ങുന്ന വ്യാപാരി വില്‍പ്പന നികുതി നല്‍കുന്നത് 1000 രൂപയ്ക്കല്ല. 1100 രൂപയ്ക്കാണ്. അതായത്, 100 രൂപയുടെ എക്സൈസ് തീരുവയ്ക്കുമേല്‍ 10 ശതമാനം വില്‍പ്പന നികുതി. ഇത്തരം പ്രശ്നങ്ങള്‍ ഒഴിവാക്കുന്നതിന് സഹായകമാകും ഏകീകൃത നികുതിസമ്പ്രദായം.

ചരക്ക്സേവന നികുതി നിലവില്‍ വരുന്നതോടെ ഉല്‍പ്പാദനസ്രോതസ്സില്‍ നികുതി ഉണ്ടാകില്ല. പകരം എവിടെ സപ്ളൈ ചെയ്യുന്നു അവിടെയാകും നികുതി. ഉദാഹരണമായി മഹാരാഷ്ട്ര ഫാക്ടറിയില്‍ ഉണ്ടാക്കിയ ടെലിവിഷന്‍ സെറ്റിന് ഉല്‍പ്പാദനസ്രോതസ്സില്‍ നികുതിയില്ല. കേരളത്തില്‍ വില്‍ക്കുമ്പോള്‍ കേരള സര്‍ക്കാരും രാജസ്ഥാനിലോ ബംഗാളിലോ വില്‍ക്കുമ്പോള്‍ അതത് സംസ്ഥാന സര്‍ക്കാരുകളും ചരക്ക്സേവന നികുതി ചുമത്തും. ഇനി മഹാരാഷ്ട്രയില്‍ത്തന്നെ വില്‍ക്കുന്നുവെന്ന് കരുതുക. മഹാരാഷ്ട്ര സര്‍ക്കാര്‍ ചരക്ക്സേവന നികുതി ചുമത്തും. ഇതുമൂലം ഉല്‍പ്പാദക സംസ്ഥാനങ്ങളുടെ നികുതിവരുമാനം കുറയും. അതാണ് ഉല്‍പ്പാദക സംസ്ഥാനങ്ങളുടെ ആശങ്കയ്ക്ക് അടിസ്ഥാനം. അഞ്ചുവര്‍ഷത്തേക്ക് വരുമാന നഷ്ടം പൂര്‍ണമായി നികത്തിക്കൊടുക്കുമെന്ന നിര്‍ദേശം ചരക്ക്സേവന നികുതി ബില്ലിന്റെ ഭാഗമാണ്. ഉപഭോക്തൃ സംസ്ഥാനങ്ങള്‍ക്ക് വരുമാനവര്‍ധനയുണ്ടാകും. കേരളം ഉല്‍പ്പാദക സംസ്ഥാനമല്ല; ഉപഭോക്തൃസംസ്ഥാനമാണ്. കേരളത്തിന്റെ പോരായ്മയും അതുതന്നെയാണെങ്കിലും ഊര്‍വശി ശാപം ഉപകാരം എന്ന നിലയിലാണ.് അഞ്ചുകൊല്ലത്തേക്ക് നഷ്ടം നികത്തുമെന്നായിരുന്നു ഒറിജിനല്‍ ബില്ലില്‍. സെലക്ട് കമിറ്റി ശുപാര്‍ശപ്രകാരം അത് അഞ്ചുകൊല്ലം വരെ എന്ന കൃത്യതയുണ്ടാക്കി.

ഇരട്ട നികുതിസമ്പ്രദായമാണ് നിലവില്‍വരുന്നത്. സംസ്ഥാന ചരക്ക്സേവന നികുതിയുണ്ടാകും. കേന്ദ്ര ചരക്ക്സേവന നികുതിയുമുണ്ടാകും. അന്തര്‍സംസ്ഥാന വ്യാപാരത്തിന്മേല്‍ കേന്ദ്രത്തിന്റെ സംയോജിത ചരക്ക്സേവന നികുതിയുമുണ്ടാകും. അവയ്ക്ക് പുറമെയായിരുന്നു ഒരുശതമാനം അധിക നികുതി ചുമത്താനുള്ള നിര്‍ദേശം. ആ നിര്‍ദേശം പിന്‍വലിച്ചിരിക്കുന്നു.
ഒരു പുതിയ നികുതിസമ്പ്രദായം ഏര്‍പ്പെടുത്തുമ്പോള്‍ പ്രായോഗികവും നിയമപരവുമായ പ്രശ്നങ്ങള്‍ അനവധി ഉയര്‍ന്നുവരും. എണ്ണമറ്റ ചരക്കുകളും സേവനങ്ങളും ഒപ്പം സംസ്ഥാനങ്ങളും കേന്ദ്രവും എല്ലാം ബന്ധപ്പെടുന്നതുകൊണ്ട് പ്രശ്നങ്ങള്‍ക്ക് സങ്കീര്‍ണതയേറും. അവ പരിഹരിക്കുന്ന ചുമതല സംസ്ഥാന ധനമന്ത്രിമാരും കേന്ദ്ര ധനമന്ത്രിമാരും ഉള്‍പ്പെട്ട ജിഎസ്ടി കൌണ്‍സിലിനായിരുന്നു ഒറിജിനല്‍ ബില്ലില്‍. അതില്‍ ഭേദഗതി വരുത്തിയിട്ടുണ്ട്. ജിഎസ്ടി കൌണ്‍സില്‍ നിര്‍ദേശിക്കുന്ന ഒരു പ്രത്യേക തര്‍ക്കപരിഹാര സംവിധാനമായിരിക്കും അവ പരിശോധിക്കുക. ആ സംവിധാനത്തില്‍ കേന്ദ്രത്തിന് വീറ്റോ അധികാരമുണ്ട്. സംസ്ഥാനങ്ങള്‍ക്കുമുണ്ട് വീറ്റോ അധികാരം.

ഇന്ത്യയാകെ ഒരൊറ്റ വിപണിയും ബാധകമായ ഒരൊറ്റ നികുതി നിരക്കുമാകുമ്പോള്‍, ചരക്കുകളുടെ സുഗമമായ ഒഴുക്ക് സാധ്യമാകും. വ്യാപാരം വര്‍ധിക്കും. വ്യാപാരവര്‍ധന ഉല്‍പ്പാദന വളര്‍ച്ചയ്ക്ക് കരുത്തേകും. നികുതി ആനുകൂല്യവും നല്‍കി അന്യസംസ്ഥാനങ്ങളില്‍നിന്ന് നിക്ഷേപകരെ ആകര്‍ഷിക്കാന്‍ സാധ്യമല്ലാതാകും. കേരളത്തില്‍നിന്ന് മറ്റു സംസ്ഥാനങ്ങളിലേക്ക് നിക്ഷേപകര്‍ നീങ്ങുന്ന കാരണമായി പറയപ്പെട്ടിരുന്നത് അവിടങ്ങളില്‍ നിലവിലുള്ള കുറഞ്ഞ നികുതി നിരക്കാണ്. ആ പ്രശ്നത്തിന് ജിഎസ്ടി വരുന്നതോടെ പരിഹാരമാകും. നികുതിവെട്ടിപ്പ് കുറയുന്നതിനും സാധ്യതയേറി.

നാല്‍പ്പത്തെട്ട് പാര്‍ടിയുണ്ട് പാര്‍ലമെന്റില്‍. അവയെ ഓരോന്നിനെയും പൂര്‍ണമായി വിശ്വസത്തിലെടുത്തല്ല അരുണ്‍ ജെയ്റ്റിലി മുന്നോട്ടുപോയത്. പ്രധാന പ്രതിപക്ഷകക്ഷിയുമായി സംസാരിച്ചാല്‍ മതിയാകുമെന്ന ഏകപക്ഷീയ നിലപാടാണ് കൈക്കൊണ്ടത്. ഇത് ജനാധിപത്യപരമല്ല. ഇടതുപക്ഷ പാര്‍ടികളുമായി ഗൌരവകരമായ ആശയസംവാദത്തിന് ഗവണ്‍മെന്റ് സന്നദ്ധമായില്ല. ബിജെപിയുടെ സ്വേച്ഛാധിപത്യമുഖമാണ് അത് കാണിക്കുന്നത്. അഥവാ കമ്യൂണിസ്റ്റ്കാരോടുള്ള വര്‍ഗീയകക്ഷിയുടെ അസഹിഷ്ണതയും.
ഫെഡറല്‍ ഭരണഘടനയാണ് ഇന്ത്യയുടേത്. ഫെഡറല്‍ സംവിധാനത്തിന്റെ കരുത്ത് കേന്ദ്രവും സംസ്ഥാനങ്ങളും തമ്മിലെ സുഗമമായ സാമ്പത്തിക ബന്ധമാണ്. സംസ്ഥാനങ്ങളുടെ സാമ്പത്തികാവകാശങ്ങള്‍ അംഗീകരിക്കുകയാണ് അതില്‍ പ്രധാനം. ചരക്ക്സേവന നിയമം നടപ്പാക്കുന്നതോടെ നികുതിനിരക്ക് ചര്‍ച്ചചെയ്യാനുള്ള സംസ്ഥനങ്ങളുടെ അവകാശം കവര്‍ന്നെടുക്കപ്പെടുന്നു. ഈ പ്രശ്നം ചര്‍ച്ചകളിലും തീരുമാനങ്ങളിലും വേണ്ടത്ര ഇടം നേടിയില്ല. സംസ്ഥാനങ്ങളോടുള്ള കോണ്‍ഗ്രസിന്റെയും ബിജെപിയുടെയുംചിറ്റമ്മ നയമാണ് അതിനുകാരണം.
ചരക്ക്സേവന നികുതി ബില്‍ രാജ്യസഭ അംഗീകരിച്ചെങ്കിലും കടമ്പകള്‍ അനവധിയുണ്ട്. ഭേദഗതികളോടെയാണ് രാജ്യസഭ ബില്‍ പാസാക്കിയത്. അതുകൊണ്ട് ബില്‍ വീണ്ടും ലോക്സഭ പരിഗണിക്കണം. തുടര്‍ന്ന് സംസ്ഥാന നിയമസഭകള്‍ സംസ്ഥാന ചരക്ക്സേവന നികുതി ബില്ലുകള്‍ പാസാക്കണം. 29 സംസ്ഥാനങ്ങളില്‍ ഭൂരിപക്ഷം (15) അംഗീകരിച്ചാല്‍ സംസ്ഥാനങ്ങളുടെ അനുമതി ലഭിച്ചതായി പരിഗണിക്കും. സംസ്ഥാനങ്ങളും കേന്ദ്രവും തങ്ങളുടേതായ നടപടിയും ചട്ടവും ഉണ്ടാക്കണം.

നികുതിനിരക്ക് സംബന്ധിച്ച് അന്തിമ തീരുമാനമായിട്ടില്ല. പരിഗണനാവിഷയമാണ്. 18 ശതമാനത്തില്‍ കൂടരുതെന്ന ധാരണയുണ്ട്. കുറയ്ക്കുന്നതാണ് സാധാരണക്കാര്‍ക്ക് ഗുണം. പരോക്ഷ നികുതി എല്ലാവരുടെയുംമേല്‍ പതിക്കുന്നു. പ്രത്യക്ഷനികുതി പണക്കാരുടെമേലും. ഇന്ത്യയില്‍ പരോക്ഷനികുതിയാണ് കൂടുതല്‍. നികുതിവരുമാനത്തില്‍ ആദായനികുതി ഉള്‍പ്പെടെയുള്ള പ്രത്യക്ഷനികുതിയുടെ പങ്ക് 35 ശതമാനമാണ്. 65 ശതമാനം ലഭിക്കുന്നത് പരോക്ഷനികുതിയില്‍ നിന്നാണ്. കോര്‍പറേറ്റ് നികുതിദായകര്‍ അനവധി നികുതി ആനൂകൂല്യങ്ങളും ഇളവുകളും അനുഭവിക്കുന്നുണ്ട്. അവയ്ക്ക് അനുകൂലമായാണ് ബജറ്റുകള്‍ തയ്യാറാക്കപ്പെടുന്നത്. ആയതിനാല്‍ പരോക്ഷ നികുതിനിരക്ക് സംബന്ധിച്ച് വിപുലമായ ചര്‍ച്ചയും കൂടിയാലോചയും ആവശ്യമാണ്.

നികുതി നിരക്ക് നിര്‍ദേശം മണിബില്‍ രൂപത്തില്‍ ലോക്സഭയില്‍ അവതരിപ്പിച്ചാല്‍ തുടര്‍ന്ന് രാജ്യസഭയ്ക്ക് അത് നിരസിക്കാന്‍ അവകാശമില്ല. ഫിനാന്‍സ് ബില്ലിന്റെ രൂപത്തിലാണെങ്കില്‍ ലോക്സഭ അംഗീകരിക്കുന്നതുപോലെ രാജ്യസഭയും അംഗീകരിക്കേണ്ടതുണ്ട്. ഫിനാന്‍സ് ബില്ലായി അവതരിപ്പിക്കണമെന്ന ആവശ്യത്തിന്മേല്‍ അരുണ്‍ ജെയ്റ്റിലി അനുകൂലമായി പ്രതികരിച്ചിട്ടില്ല. ചരക്ക്സേവന ഭരണഘടനാ ഭേദഗതി ബില്‍ അംഗീകരിച്ചുകിട്ടിയാല്‍ ഇനിയെല്ലാം സര്‍ക്കാര്‍ നിശ്ചയിക്കുമെന്ന ധാര്‍ഷ്ട്യം
താഴെ ഏതാനും ബ്ലോഗങ്ങളിലേയ്ക്കുള്ള ലിങ്ക് നൽകിയിട്ടുണ്ട്