ആസിയന്‍ കരാറും ആശങ്കകളും
പ്രൊഫ. കെ എന്‍ ഗംഗാധരന്‍
നമ്പൂതിരി ഫലിതത്തിന്റെ ഭാഗമായിരുന്ന 'ആശങ്ക'യ്ക്ക് രാഷ്ട്രീയത്തില്‍ ലബ്ധപ്രതിഷ്ഠ കൈവന്നത് മുസ്ളിംലീഗിലെ ഇ അഹമ്മദിലൂടെയാണ്. ആണവകരാര്‍ വിഷയത്തില്‍ പ്രധാനമന്ത്രിയെ ആശങ്ക അറിയിച്ച് അഹമ്മദ് നിര്‍വൃതി നേടി. ഇപ്രാവശ്യം ആ സൌഭാഗ്യം കൈവന്നത് ഉമ്മന്‍ചാണ്ടിക്കാണ്. ഇന്ത്യ-ആസിയന്‍ കരാര്‍ പ്രശ്നത്തില്‍ പ്രധാനമന്ത്രിയുമായി അഞ്ചുമിനിറ്റ് സംസാരിച്ചതോടെ സകല ആശങ്കയും അകന്നുപോയി. അക്കാര്യം പത്രസമ്മേളനം നടത്തി കേരളത്തിലെ കൃഷിക്കാരെ അറിയിക്കുകയുംചെയ്തു. വാസ്തവത്തില്‍ ആസിയന്‍ കരാര്‍ ഉയര്‍ത്തുന്ന വെല്ലുവിളി ആനന്ദ് ശര്‍മയെയും മന്‍മോഹന്‍സിങ്ങിനെയും കാണുന്നതോടെ തീരുന്നതാണോ?
ആസിയന്‍ രാജ്യങ്ങളില്‍നിന്ന് അളവറ്റരീതിയില്‍ പാമോയിലും റബറും കുരുമുളകും നാളികേരവും തേയിലയും കാപ്പിയും മത്സ്യവും പ്രവഹിക്കുമ്പോള്‍ ഉണ്ടാകുന്ന വിലത്തകര്‍ച്ച 'ആശങ്ക നിവാരണ കൂടിക്കാഴ്ച'കൊണ്ട് പരിഹൃതമാകുമോ? രാജ്യങ്ങള്‍ തമ്മില്‍ വ്യാപാരകരാറുകള്‍ സര്‍വസാധാരണമാണ്. ദീര്‍ഘമായ ചര്‍ച്ചകളെയും വിലപേശലുകളെയും തുടര്‍ന്നാണ് കരാര്‍ ഉറപ്പിക്കുന്നത്. ഏതെല്ലാം സാധനങ്ങളുടെ ഇറക്കുമതിച്ചുങ്കം കുറയ്ക്കണം, എത്ര അളവില്‍ കുറയ്ക്കണം എന്നിവയാണ് ആസിയന്‍ കരാര്‍ ചര്‍ച്ചകളിലെ മുഖ്യവിഷയങ്ങളായിരുന്നത്. ചുങ്കം കുറയ്ക്കുകയോ ഒഴിവാക്കുകയോ ചെയ്യുന്ന നിര്‍ദേശത്തിന് ആഗോളവല്‍ക്കരണവും ഡബ്ള്യൂടിഒ കരാറുമായി ബന്ധമുണ്ട്. വികസിത മുതലാളിത്ത രാജ്യങ്ങള്‍ക്ക് വില്‍ക്കാനും നിക്ഷേപിക്കാനും കൈനിറയെ സാധനങ്ങളും മൂലധനവുമുണ്ട്. ഇറക്കുമതി നിയന്ത്രണമാണ് സാധനങ്ങളും മൂലധനവും വിന്യസിക്കുന്നതിന് തടസ്സം. തടസ്സം ഒഴിവാക്കുന്നതിന് ആരംഭിച്ചതാണ് ഡബ്ള്യുടിഒ ചര്‍ച്ച. 1994 ഏപ്രിലില്‍ ഇന്ത്യ കരാറില്‍ ഒപ്പിട്ടു. ആറുവര്‍ഷത്തിനകം അടിസ്ഥാന ഇറക്കുമതിച്ചുങ്കം 30 ശതമാനം കുറയ്ക്കുമെന്ന് ഉറപ്പുചെയ്തു. (നികുതി 30 ശതമാനമാക്കുന്നതും നികുതിയുടെ 30 ശതമാനം കുറയ്ക്കുന്നതും രണ്ടും രണ്ടാണ്).
കാര്‍ഷിക ഉല്‍പ്പന്നങ്ങള്‍, പെട്രോളിയം ഉല്‍പ്പന്നങ്ങള്‍, രാസവളം, നാകം, ചെമ്പ് തുടങ്ങിയ പല വസ്തുക്കളും കരാറില്‍ ഉള്‍പ്പെട്ടിരുന്നില്ല. ആസിയന്‍ കരാര്‍ ഉള്‍പ്പെടെ പിന്നീടുണ്ടാക്കിയ കരാറുകളില്‍ പട്ടിക നീളംവച്ചു. 2003 ഒക്ടോബറില്‍ ബിജെപിയുടെ ഭരണകാലത്താണ് 'സമഗ്ര സാമ്പത്തിക സഹകരണത്തിനുള്ള ഇന്ത്യ-ആസിയന്‍ കരാര്‍ ചട്ടക്കൂട്' ഉണ്ടാകുന്നത്. വാജ്പേയിയാണ് കരടുകരാറില്‍ ഒപ്പുവച്ചത്. തുടര്‍ന്നു നടന്ന ചര്‍ച്ചകളിലെ മുഖ്യതര്‍ക്കവിഷയം നെഗറ്റീവ് ലിസ്റില്‍ (സെന്‍സിറ്റീവ് ലിസ്റില്‍) ഏതെല്ലാം ഉള്‍പ്പെടുമെന്നതിനെ സംബന്ധിച്ചായിരുന്നു. എന്താണ് നെഗറ്റീവ് ലിസ്റ്? ഇറക്കുമതിച്ചുങ്കം കുറയ്ക്കുകയോ ഒഴിവാക്കുയോ ചെയ്യേണ്ട ഉല്‍പ്പന്നങ്ങളെ സമയപരിധിയുടെയും ചുങ്കം നിരക്കിന്റെയും അടിസ്ഥാനത്തില്‍ രണ്ട് ട്രാക്കായി (ചാനലായി) തിരിച്ചിരിക്കുന്നു. നോര്‍മല്‍ ട്രാക്കും സെന്‍സിറ്റീവ് ട്രാക്കും. നോര്‍മല്‍ ട്രാക്കില്‍പ്പെട്ട കുറെ സാധനങ്ങളുടെ ഇറക്കുമതിച്ചുങ്കം 2011ഓടെ പൂര്‍ണമായും ഒഴിവാക്കണം. മറ്റു കുറെ സാധനങ്ങളുടെ ഇറക്കുമതിച്ചുങ്കം 2011ഓടെ അഞ്ചു ശതമാനമായും 2013ല്‍ പൂര്‍ണമായും ഒഴിവാക്കണം. സെന്‍സിറ്റീവ് ട്രാക്കില്‍പ്പെടുത്തിയ ഉല്‍പ്പന്നങ്ങളില്‍ ഒരുവിഭാഗത്തിനുമേല്‍ ചുമത്താവുന്ന പരമാവധി ഇറക്കുമതിച്ചുങ്കം (ബൌണ്ട് റേറ്റ്) ചര്‍ച്ചയിലൂടെ നിര്‍ണയിക്കണം. മറ്റൊരുവിഭാഗത്തിനുമേല്‍ ഇറക്കുമതിച്ചുങ്കം ക്രമാനുഗതമായി കുറച്ചുകൊണ്ടുവരണം.
സെന്‍സിറ്റീവ് ഇനങ്ങളുടെ നിലവിലെ ഇറക്കുമതിച്ചുങ്കം എട്ടുമുതല്‍ 10 ശതമാനംവരെയാണ്. 2015ല്‍ അത് അഞ്ചു ശതമാനമായി ഇളവുചെയ്യണമെന്നും 2018ല്‍ പൂര്‍ണമായി ഒഴിവാക്കണമെന്നുമാണ് കരാര്‍വ്യവസ്ഥ. മറ്റു ചിലതിന്റെ പരമാവധി ചുങ്കം നിശ്ചയിക്കുകയുംവേണം. അന്തിമകരാര്‍ വൈകുന്നതനുസരിച്ച് സമയപരിധിക്കും മാറ്റംവരാം. ഏതെങ്കിലും ഒരു സാധനം സെന്‍സിറ്റീവ് ലിസ്റില്‍ പെടുത്തി എന്നതുകൊണ്ടുമാത്രം ചുങ്കം കുറയ്ക്കാതെ നിലനിര്‍ത്തുന്നെന്ന് അര്‍ഥമില്ല. സെന്‍സിറ്റീവ് ലിസ്റില്‍പ്പെട്ട എല്ലാ ഉല്‍പ്പന്നങ്ങള്‍ക്കും ഉയര്‍ന്ന ചുങ്കനിരക്ക് ബാധകമാണെന്നും ധരിക്കേണ്ടതില്ല. ഇക്കാര്യത്തില്‍ ആനന്ദ് ശര്‍മയുടെയോ മന്‍മോഹന്റെയോ ബോധവല്‍ക്കരണത്തെയല്ല വിശ്വാസത്തിലെടുക്കേണ്ടത്. മറിച്ച് നെഗറ്റീവ് ലിസ്റിന്റെ വസ്തുനിഷ്ഠ പരിശോധനയെയാണ്. നാലായിരത്തിലേറെ ഉല്‍പപ്പന്നത്തിന്റെ ചുങ്കം പൂജ്യത്തിലെത്തിക്കാനും ആസിയന്‍ രാജ്യങ്ങള്‍ തമ്മില്‍ ചുങ്കരഹിത മേഖലയാക്കാനുമാണ് കരാറിലെ ഊന്നല്‍. 489 എണ്ണം നെഗറ്റീവ് ലിസ്റില്‍ പെടുത്തി എന്നത് ആശ്വാസത്തിന് വകനല്‍കുന്നില്ല. 489ല്‍ നിന്ന് ഇനിയും കുറയുമെന്ന് കരാര്‍ ചര്‍ച്ചയുടെ നാള്‍വഴി പരിശോധിച്ചാല്‍ ബോധ്യമാകും. 2003ല്‍ തുടങ്ങിയ ചര്‍ച്ച 2005 ജൂ 30ന് അവസാനിപ്പിക്കാനായിരുന്നു ധാരണ.
പക്ഷേ, ചര്‍ച്ച നീണ്ടു. ഒരവസരത്തില്‍ പാമോയില്‍ ചുങ്കം സംബന്ധിച്ച് മലേഷ്യയും ഇന്തോനേഷ്യയും ഉയര്‍ത്തിയ ആവശ്യത്തില്‍ തട്ടി ചര്‍ച്ച മരവിച്ചു. തുടര്‍ന്ന് ഇന്ത്യാ ഗവമെന്റ് വഴങ്ങി. വഴങ്ങല്‍ ഒറ്റപ്പെട്ട സംഭവമല്ലെന്ന് ചര്‍ച്ചയുടെ ഗതിവ്യക്തമാക്കുന്നുണ്ട്. 1410 ഉല്‍പ്പന്നം നെഗറ്റീവ് ലിസ്റില്‍ ഉള്‍പ്പെടുത്തണമെന്നായിരുന്നു ഇന്ത്യ ആദ്യം നിര്‍ദേശിച്ചത്. 2006 ജൂണില്‍ അത് 900 ആക്കാമെന്നും സമ്മതിച്ചു. രണ്ടുമാസം പിന്നിട്ട് 2006 ആഗസ്തില്‍ 560 ആക്കി. 2008 ആഗസ്തില്‍ 489ലേക്ക് വെട്ടിക്കുറയ്ക്കാനും ഇന്ത്യ സമ്മതിച്ചു. നെഗറ്റീവ് ലിസ്റിന്റെ ദൈര്‍ഘ്യം ഇനിയും കുറയുമെന്നറിയാന്‍ പാഴൂര്‍പടിവരെ പോകേണ്ടതില്ലല്ലോ. റബര്‍, കുരുമുളക്, നാളികേരം, ഏത്തപ്പഴം, പൈനാപ്പിള്‍, മത്സ്യം, പുകയില, കാപ്പി, തേയില, പാമോയില്‍ തുടങ്ങിയവയാണ് ആസിയന്‍ രാജ്യങ്ങളുടെ പ്രധാന ഉല്‍പ്പന്നങ്ങളും കയറ്റുമതിയും. ഇവയൊക്കെത്തന്നെയാണ് കേരളത്തിന്റെ പ്രധാന തോട്ടവിളകളും കയറ്റുമതി ഉല്‍പ്പന്നങ്ങളും. ഇറക്കുമതിച്ചുങ്കം കുറയ്ക്കുന്നതോടെ മേല്‍പറഞ്ഞ ഉല്‍പ്പന്നങ്ങളുടെ കുത്തൊഴുക്ക് രാജ്യത്തേക്കുണ്ടാകും. തല്‍ഫലമായ വിലത്തകര്‍ച്ച കുടുംബങ്ങളുടെ സാമ്പത്തിക ഭദ്രത തകര്‍ക്കും, സംസ്ഥാനത്തിന്റെ സമ്പദ്വ്യവസ്ഥയെ അപകടപ്പെടുത്തും. 2018ല്‍ (ഉമ്മന്‍ചാണ്ടിയുടെ പ്രയോഗം കടമെടുത്താല്‍ 'മാത്രമേ') വിലത്തകര്‍ച്ചയുണ്ടാകൂവെന്നത് ആശ്വാസത്തിനുകാരണമല്ല. തോട്ടവിളകള്‍ ദീര്‍ഘകാല വിളകളാണ്.
നാലോ അഞ്ചോ കൊല്ലംകഴിഞ്ഞാണ് വിളവെടുപ്പ്. വിലത്തകര്‍ച്ച ഉറപ്പെന്നു കാണുന്ന ഏത് കര്‍ഷകനാണ് തോട്ടവിള ഉല്‍പ്പാദനത്തിന് മുതിരുക? പുതുതായി റബറോ കുരുമുളകോ നാളികേരമോ കൃഷിചെയ്യാന്‍ ഒരു കര്‍ഷകനും മുതിരുകയില്ല. കൃഷി ഉപേക്ഷിക്കുന്ന പതിനായിരക്കണക്കിനു കൃഷിക്കാരെ എങ്ങനെയാണ് സംരക്ഷിച്ചുനിലനിര്‍ത്തുക? കേരളത്തിന്റെ പ്രധാന കയറ്റുമതി വരുമാനസ്രോതസ്സാണ് നാണ്യവിളകള്‍. കയറ്റുമതിമത്സരം നേരിടുന്നതോടെ കയറ്റുമതിവരുമാനം ഇടിയും. ആഗോള സാമ്പത്തികമാന്ദ്യത്തിന്റെ ഭാഗമായി ഗള്‍ഫില്‍നിന്നുള്ള വരുമാന ഇടിവ് കേരളത്തിന്റെ സമ്പദ്വ്യവസ്ഥയെ കൂടുതല്‍ പ്രശ്നസങ്കീര്‍ണമാകും. നാളികേരത്തിന്റെ വിലയിടിവ് 35 ലക്ഷം കുടുംബത്തിന്റെ ജീവിതമാണ് തകര്‍ക്കുക. കൂടുതല്‍ പേര്‍ തെങ്ങുകൃഷി ഉപേക്ഷിക്കുന്നതോടെ കയര്‍വ്യവസായവും കയറുല്‍പ്പന്നങ്ങളുടെ കയറ്റുമതിയും തകരും. 3,62,440 പേര്‍ കയര്‍വ്യവസായത്തില്‍ പണിയെടുക്കുന്നുണ്ട്. അവരില്‍ എട്ടുശതമാനം പേര്‍ സ്ത്രീകളാണ്. ഇന്ത്യയില്‍നിന്നുള്ള കയറുല്‍പ്പന്ന കയറ്റുമതിയുടെ 93 ശതമാനവും കേരളത്തിന്റെ സംഭാവനയാണ്. 592 കോടി രൂപയായിരുന്നു കഴിഞ്ഞവര്‍ഷത്തെ കയറ്റുമതിവരുമാനം.
1505 കോടിരൂപ വിദേശനാണ്യം നേടിത്തന്ന കശുവണ്ടിമേഖലയെ ഉപജീവനമാര്‍ഗമാക്കിയിട്ടുള്ളവര്‍ രണ്ടരലക്ഷം പേരാണ്. അവരില്‍ 95 ശതമാനം സ്ത്രീത്തൊഴിലാളികളാണ്. രാജ്യത്ത് ആകെ ഉല്‍പ്പാദിപ്പിക്കുന്ന കുരുമുളകിന്റെ 82 ശതമാനം കേരളത്തിലാണ്. റബര്‍ ഉല്‍പ്പാദനത്തിന്റെ 92 ശതമാനം കേരളത്തിലാണ്. ഒരുലക്ഷം പേര്‍ തൊഴിലെടുക്കുന്ന മേഖലയാണ് കാപ്പികൃഷി. തേയിലവ്യവസായത്തിന് സംഘടിതമേഖലയില്‍ 84,000 പേര്‍ തൊഴിലെടുക്കുന്നു. ഏറ്റവുമധികം പേര്‍ തൊഴിലെടുക്കുന്ന രംഗമാണ് മത്സ്യബന്ധനം. 12 ലക്ഷം പേരുടെ തൊഴിലും വരുമാനമാര്‍ഗവുമാണത്. ആസിയന്‍ സ്വതന്ത്യ്രവ്യാപാര കരാറിന്റെ ഭവിഷ്യത്തുകള്‍ ഏറ്റവുമധികം അനുഭവിക്കേണ്ടിവരിക കേരളമാണ്. എന്നാല്‍, ആസിയന്‍ ഉടമ്പടികൊണ്ട് ഒരു പ്രശ്നവുമുണ്ടാകില്ലെന്നും അഥവാ ഉണ്ടായാല്‍ത്തന്നെ 2019ലേ ഉണ്ടാകൂവെന്നും ഉമ്മന്‍ചാണ്ടി. അതേസമയം, കേരളത്തിന്റെ താല്‍പ്പര്യം സംരക്ഷിക്കപ്പെടുമെന്നും അതേക്കുറിച്ച് പഠിക്കാന്‍ മന്ത്രിസഭാ ഉപസമിതിയെ നിയമിക്കുമെന്നും പ്രധാനമന്ത്രി. പ്രശ്നങ്ങളൊന്നുമില്ലെങ്കില്‍ പിന്നെ സംരക്ഷണയെക്കുറിച്ച് പഠിക്കാന്‍ ഉപസമിതിയെന്തിന്? ഉടമ്പടികൊണ്ട് കേരളത്തിന് ഗുരുതരമായ പ്രശ്നങ്ങളുണ്ടാകുമെന്നും അത് അറിഞ്ഞുകൊണ്ടാണ് 2009 ഒക്ടോബറില്‍ അന്തിമകരാര്‍ ഒപ്പിടാന്‍ തുനിയുന്നതെന്നും വ്യക്തം. കേരളത്തിലെ കോഗ്രസുകാര്‍ ശരിക്കും ആത്മാര്‍ഥമായ സഹതാപം അര്‍ഹിക്കുന്ന ഒരു വിഭാഗമാണ്. കേന്ദ്രം കൈക്കൊള്ളുന്ന എല്ലാ ജനദ്രോഹനയങ്ങള്‍ക്കും അറിഞ്ഞുകൊണ്ട് ജയ ജയ പാടാന്‍ വിധിക്കപ്പെട്ടവരാണവര്‍!!
ദേശാഭിമാനി
Sunday, August 16, 2009
Friday, August 7, 2009
മുരളി താരമായിരുന്നില്ല; നടനായിരുന്നു
മുരളി താരമായിരുന്നില്ല; നടനായിരുന്നു
മുരളി ഒരു താരമായിരുന്നില്ല. നടനായിരുന്നു; യഥാർത്ഥ നടൻ.അഭിനയിക്കാൻ കഴിവുണ്ടായിരുന്ന ഒരു നല്ല നടൻ എന്നതിലുപരി, അഭിനയ കലയും സാഹിത്യവും അഭിനയവും ഒക്കെ എന്താണെന്ന്` അറിയാമായിരുന്ന കലാകാരൻ. ഒപ്പം ഒരു നല്ല സാംസ്കാരിക പ്രവർത്തകൻ.സമൂഹ്യ പ്രതിബദ്ധതയുണ്ടായിരുന്ന ഒരു നല്ല മനുഷ്യൻ.അങ്ങനെ പല വിശേഷണങ്ങളും വേണ്ടിവരും മുരളിയെന്ന വ്യക്തിയെ വിശദീകരിയ്ക്കാൻ.സംഭവിച്ചതു തീരാ നഷ്ടം. ഈ നഷ്ടബോധം മനസ്സിൽ നിന്ന് അത്ര വേഗം മാഞ്ഞു പോകില്ല. കാരണം ഇനിയും എന്തെല്ലാമോ സംഭാവന ചെയ്യാൻ കഴിയുമായിരുന്നു ഈ അതുല്യ പ്രതിഭയ്ക്ക്‌.
ഞാൻ സ്ഥിരം സിനിമ കാണുന്ന ആളല്ല. കണ്ടവയൊന്നും അങ്ങനെ ഓർത്തു വയ്ക്കാറുമില്ല. ഒരു സിനിമ റിലീസാകുമ്പോൾ തന്നെ പോയി കാണണമെന്ന വാശി കൌമാരകാലത്തു പോലും ഉണ്ടായിരുന്നില്ല. തിയേറ്ററിൽ പോയി കാണുന്നതു തന്നെ അപൂർവ്വം.കഴിവതും സി.ഡി ഇറങ്ങുമ്പോൾ അവ കൊണ്ടുവന്ന് വീട്ടിൽ ഇട്ടു കാണുന്നതാണു ശീലം.അതു കൊണ്ടുതന്നെ മുരളിയുടെ ഒട്ടേറെ ചിത്രങ്ങൾ എനിക്കു കാണാൻ കഴിയാതെ പോയിട്ടുണ്ട്. എങ്കിലും ഞാൻ കുറച്ചേറെ മുരളി ചിത്രങ്ങൾ കണ്ടിട്ടൂണ്ട്. അവയെല്ലാം മുരളിയുടെ അഭിനയത്തിന്റെ കാര്യത്തിൽ ഒന്നിനൊന്നു മെച്ചമായിരുന്നു.ഞങ്ങൾ പരിചയക്കാർ അല്ലായിരുന്നെങ്കിലും നേരിൽ കണ്ട സന്ദർഭങ്ങളിൽ അദ്ദേഹത്തിന്റെ പെരുമാറ്റത്തിലും വാക്കുകളിലും നിറഞ്ഞുനിന്ന ലാളിത്യം അനുഭവിച്ചറിയാനും സാധിച്ചിട്ടുണ്ട്.എന്തുകൊണ്ടും ഒരു തീരാനഷ്ടമാണ് മുരളിയുടെ അകാല മരണം.
മുരളി നാടകരംഗത്തുനിന്നും സിനിമയിലെത്തിയതാണ്. നാടക രംഗത്തുനിന്നും സിനിമയിൽ എത്തിയ മിക്കവാറും എല്ലാവരും മലയാള സിനിമയ്ക്കു മുതൽക്കൂട്ടായിട്ടുണ്ട്.സിനിമയിൽ അഭിനയിക്കാൻ പ്രാഥമികമായും വേണ്ടതു സൌന്ദര്യമാണെന്ന ഒരു ധാരണ ഇപ്പോഴും നില നിൽക്കുന്നുണ്ട്. പണ്ട്-അല്ല, ഒരുപക്ഷെ ഇന്നും- സിനിമാനടൻ-നടി സൌന്ദര്യത്തിന്റെ പ്രതീകങ്ങളായാണു കണക്കാക്കപ്പെടാറുള്ളത്. മുഖ സൌന്ദര്യവും ശരീര സൌന്ദര്യവും ഉണ്ടാകണം എന്നതു മാത്രം പോരാ, മുഖം ഫോട്ടോജെനിക്കും ആയിരിയ്ക്കണം എന്നതത്രേ ചിലരുടെ മതം.അത്യന്താധുനികവും അനന്തസാദ്ധ്യതകൾ ഉള്ളതുമായ ക്യാമറകളും മറ്റു എണ്ണമറ്റ സാങ്കേതിക വിദ്യകളും ഉള്ളപ്പോഴും മുഖവും ശരീരവും മൊത്തമായും ഫോട്ടോജെനിക്ക് ആയിരിയ്ക്കണം അത്രേ! ഫോട്ടോജെനിക്ക് മോന്തകളൂം അല്ലാത്ത മോന്തകളും ഉണ്ടത്രേ! ഇവിടെ ഇതു പറയാൻ ഉള്ള കാരണം ഇങ്ങനെയുള്ള ചില വികലമായ ധാരണകൾ വച്ചുപുലർത്തുമ്പോൾ തന്നെയാണ് മുഖകാന്തിയും ദേഹകാന്തിയും മറ്റും ഈ പറയുന്നതുപോലൊന്നും ഇല്ലാത്തവർ സിനിമാരംഗത്ത് എത്തുകയും അരങ്ങു വാഴുകയും ചെയ്തിട്ടുള്ളത്.
പണ്ടും ഈ അലിഖിത നിയമം നിലനിന്നിരുന്നു. ഒരു സത്യൻ ഉണ്ടായിരുന്നു എങ്കിലും അദ്ദേഹം മലയാള സിനിമ അടക്കി വാണൊരു കാലമുണ്ടായിരുന്നുവെങ്കിലും അതു പോലെ നിറം മങ്ങിയവർക്കൊന്നും സിനിമാ‍ഭിനയം എന്നതു സ്വപനം കാണാൻ പാടില്ലായിരുന്നു. തിലകനും, മുരളിയും, ശ്രീനിവാസനും, സലിം രാജും, കലാഭവൻ മണിയും, തുടങ്ങി എത്രയോ പേർ ഈ പറയുന്നമാതിരിയുള്ള മുഖകാന്തിയൊന്നും ഇല്ലെങ്കിലും മലയാള സിനിമാ ലോകത്തു മായ്ക്കാനാകാത്ത മുദ്രകൾ പതിപ്പിച്ചിരിയ്ക്കുന്നു.എന്നാലും കറുത്തവരോ മുഖത്തു ചെറിയ പാടുകളൊ ഉള്ളവരൊന്നും അഭിനയത്തെക്കുറിച്ചു ചിന്തിക്കരുതെന്നു തന്നെ അലിഖിത നിയമം.തമിഴകത്തെ രജനീകാന്തും ഒരു കറുത്തമുത്താണ്. ഇന്ത്യൻ സിനിമയറിഞ്ഞ ഓമ്പുരിയുടെ മുഖത്തു നിറയെ വസൂരിക്കലകൾ ആയിരുന്നു. എന്നാലും സിനിമാനടൻ എന്നാൽ വെളുത്തു തുടുത്ത് ഇരിയ്ക്കണമെന്ന പഴഞ്ചൻ മിഥ്യാധാരണയ്ക്കു മാറ്റമില്ല.സൌന്ദര്യമുള്ളവർക്കേ കഥയും ജീവിതവും ഉള്ളൂ എന്നുണ്ടോ? കഥാപാത്രത്തിനു യോജിയ്ക്കുന്ന ചില ശാരീരിക സവിശേഷതകൾ ചില സിനിമകൾക്കു ആവശ്യമായി വരാം. എന്നാൽ എല്ലാവരും ഒരുപോലെ സൌന്ദര്യം തുളുമ്പുന്നവർ ആയിരിയ്ക്കണം എന്നു പറയുന്നതിൽ അർത്ഥമില്ല.
അഭിനയവും ശരീരസൌന്ദര്യവുമായി ബന്ധമില്ലെന്നു തെളിയിച്ച അതുല്യനായ ഒരു നടൻ ആയിരുന്നു, അന്തരിച്ച മുരളി. സാധാരണ ഒരു സിനിമാനടനു ഉണ്ടായിരിയ്ക്കണമെന്നു തെറ്റിദ്ധരിയ്ക്കപ്പെട്ടിട്ടൂള്ള ഒരു മുഖമൊന്നുമായിരുന്നില്ല മുരളിയുടേത്.മുഖത്തു വെട്ടുകൊണ്ട പാടുമായിട്ടാണ് അദ്ദേഹം സിനിമയിലേയ്ക്കു വരുന്നത്. എന്റെ ഓർമ്മ ശരിയാണെങ്കിൽ പഞ്ചാഗ്നി എന്ന സിനിമയിലാണ് ഞാൻ അദ്ദേഹത്തെ ആദ്യമായി കാണുന്നത്. അതിലെ ശ്രദ്ധേയമായ ആവേഷം ഭാവിയിലെ ഒരു നല്ല നടനെക്കുറിച്ച് ഏറെ പ്രതീക്ഷകൾ നൽകി. ആ പ്രതീക്ഷകൾ ഒന്നും അസ്ഥാനത്തായില്ല. അദ്ദേഹത്തിന്റെ അഭിനയ മികവു പിന്നെ ഞാൻ തിരിച്ചറിഞ്ഞത് അമരം എന്ന ചിത്രത്തിലാണ്. മമ്മൂട്ടിയുമായി അതിൽ മുരളി മത്സരിച്ചഭിനയിക്കുകയായിരുന്നു എന്നു തോന്നിയിരുന്നു. അമരത്തിൽ മമ്മൂട്ടിയായിരുന്നോ മുരളി ആയിരുന്നോ നല്ല അഭിനയം എന്നു ചോദിച്ചാൽ മമ്മൂട്ടിയുടെ കഴിവുകളെ ഒട്ടും കുറച്ചു കാണാതെ തന്നെ പറയട്ടേ ശരിയ്ക്കും അതിൽ മുരളിയാണു മികച്ചു നിന്നത്. പിന്നെയും എത്രയോ ചിത്രങ്ങളിൽ മുരളി തകർത്ത് അഭിനയിച്ചു. ആധാരം മികച്ച മറ്റൊരുദാഹരണം. ലാത്സലാമിലെ മന്ത്രിയെ അങ്ങനങ്ങു മറക്കാൻ സാധിയ്ക്കുമോ? നെയ്ത്തുകാരൻ സമീപകാല അനുഭവം.വില്ലനോ നായകനോ എന്നതല്ല ഒരു നടനെ സംബന്ധിച്ച് പ്രധാനമായിട്ടുള്ളത് എന്നു മുരളി തന്റെ ചിത്രങ്ങളിലൂടെ തെളിയിച്ചു.അപ്രധാനമായ കഥാപാത്രങ്ങളെപ്പോലും ശ്രദ്ധേയമാക്കുവാൻ മുരളിയിലെ നടനു കഴിഞ്ഞിരുന്നു.
മരണം ഒരു യാഥാർഥ്യമാണ്. ഈ വില്ലനെ ആർക്കും തടയാനാവില്ല. ഇത്തരം തീരാ നഷ്ടങ്ങളും നഷ്ടബോധങ്ങളും സൃഷ്ടിയ്ക്കുവാനായി അവൻ നമുക്കെല്ലാവർക്കുമൊപ്പമുണ്ട്. അവൻ തന്നെ എപ്പോഴും വിജയി. ജീവൻ തുടിയ്ക്കുന്ന ഒത്തിരി കഥാപാത്രങ്ങളെ യാഥാർഥ്യമാക്കിയ മുരളിയുടെ മുന്നിൽ ഹേ, മരണമേ നീ അത്രയങ്ങു വിജയിച്ചിട്ടില്ല. അദ്ദേഹം ജനഹൃദയങ്ങളിൽനിന്നു മാഞ്ഞു പോകുവാൻ ഇനിയെത്ര മുരളിമാർ വന്നു പോകണം.അദ്ദേഹം ജീവിപ്പിച്ച കഥാപാത്രങ്ങൾക്കു മരണമില്ലാത്തിടത്തോളം മുരളിയ്ക്കും മരണമില്ല. പക്ഷെ, നമ്മുടെ ദു:ഖം താൻ മരിച്ചിട്ടും ജീവിയ്ക്കുന്നു എന്ന കാര്യം കഥാശേഷനായ ഈ അതുല്യ പ്രതിഭ അറിയില്ലല്ലോ എന്നതു മാത്രമാണ്. അദ്ദേഹത്തിന്റെ അകാല വിയോഗത്തിൽ അഗാധമായ ദു:ഖം രേഖപ്പെടുത്തിക്കൊണ്ട് ഈ കുറിപ്പ് തൽകാ‍ലംഅവസാനിപ്പിയ്ക്കുന്നു.
Thursday, August 6, 2009
കവിത
കടം
കടമെടുത്ത തുടിപ്പുമായ് ഞാൻ രാപ്പകലെണ്ണുന്നു
കിടന്നെണീയ്ക്കും എന്നാലെനിയ്ക്കുറക്കമേയില്ല
ഈടുവച്ചൊരുറപ്പിൽനിന്നും പുറത്തിറങ്ങാറായ്
ജപ്തി-ലേലം ചെണ്ടമേളം കേട്ടുറങ്ങാനോ?
കറുത്തനീതികൾ ഉടച്ചു വാർക്കും മുടിഞ്ഞ ഭവനത്തിൻ
ഒഴിഞ്ഞ കോണിൽ ചായ്പ്പിറക്കി കിടപ്പുകാർക്കൊപ്പം
കീറപ്പായും എടുത്തുചെന്നാൽ കിടന്നുറങ്ങീടാൻ
എനിയ്ക്കുമല്പം വെറുംതറയതു പതിച്ചു കിട്ടീടും!
കളിക്കളത്തിൽ പരാജിതൻ ഞാൻ തളർന്നു പിന്മാറി
കരുക്കളൊന്നും കുരുത്തിടാത്തൊരു മനോമരുക്കാട്ടിൽ
കയർക്കുരുക്കെൻ കഴുത്തുഴിഞ്ഞ് കാറ്റിലാടുമ്പോഴും
കരിഞ്ഞസ്വപ്നക്കുറ്റികൾക്കോ തിളിർക്കുവാൻ മോഹം!
മരുപ്പച്ചകൾ മാഞ്ഞുപോയൊരു മണൽ‌പ്പരപ്പിൽ ഞാൻ
മനസ്സുകൊണ്ടൊരു ഹരിതവസന്തം വരച്ചുവച്ചപ്പോൾ
ഇരുട്ടുകൊണ്ടതു മറച്ചുവച്ചൂ തിമിരമേഘങ്ങൾ
പുലർച്ചയോളം കാത്തിടുന്നൂ പകൽ കടന്നീടാൻ....!
ഇനിയുമേറെ കിനാക്കൾ കാണാൻ കൊതിച്ചിടാ‍ഞ്ഞല്ല
ഉറവവറ്റിയ നദിയിലെങ്ങനെ കുളിച്ചുകയറാൻ ഞാൻ?
പതിവു തെറ്റിയ ജീവതാളം പണിമുടക്കുമ്പോൾ
വീണ്ടെടുപ്പിൻ സടകുടച്ചിൽ ഇരന്നു വാങ്ങണ്ടേ?
വിരുന്നു വന്ന രോഗപീഡകൾ തിരിച്ചുപോകാതെ
പൊറുതിയ്ക്കായ് പകുത്തെടുത്തെൻ ദേഹഭാഗങ്ങൾ
കുതിച്ചു പായാൻ കൊതിച്ചിനിയും ശ്രമിച്ചുനോക്കേണ്ട
കിതപ്പുനീട്ടാൻ മാത്രമാണെൻ ശേഷഭാഗങ്ങൾ
ഇനിയുമെത്ര തുടിപ്പുകൾ മിടിയ്ക്കുവാൻ ബാക്കി
എന്നതോർത്തും തുടിപ്പിനെണ്ണം കുറഞ്ഞുപോയീടാം
വരണ്ട നാവിൻ തുമ്പിലെന്തോ വെമ്പി നിൽക്കുന്നു
പറയുവാനുണ്ടെന്തോ പക്ഷെ പറഞ്ഞു തീർന്നിടുമോ?
കടം
കടമെടുത്ത തുടിപ്പുമായ് ഞാൻ രാപ്പകലെണ്ണുന്നു
കിടന്നെണീയ്ക്കും എന്നാലെനിയ്ക്കുറക്കമേയില്ല
ഈടുവച്ചൊരുറപ്പിൽനിന്നും പുറത്തിറങ്ങാറായ്
ജപ്തി-ലേലം ചെണ്ടമേളം കേട്ടുറങ്ങാനോ?
കറുത്തനീതികൾ ഉടച്ചു വാർക്കും മുടിഞ്ഞ ഭവനത്തിൻ
ഒഴിഞ്ഞ കോണിൽ ചായ്പ്പിറക്കി കിടപ്പുകാർക്കൊപ്പം
കീറപ്പായും എടുത്തുചെന്നാൽ കിടന്നുറങ്ങീടാൻ
എനിയ്ക്കുമല്പം വെറുംതറയതു പതിച്ചു കിട്ടീടും!
കളിക്കളത്തിൽ പരാജിതൻ ഞാൻ തളർന്നു പിന്മാറി
കരുക്കളൊന്നും കുരുത്തിടാത്തൊരു മനോമരുക്കാട്ടിൽ
കയർക്കുരുക്കെൻ കഴുത്തുഴിഞ്ഞ് കാറ്റിലാടുമ്പോഴും
കരിഞ്ഞസ്വപ്നക്കുറ്റികൾക്കോ തിളിർക്കുവാൻ മോഹം!
മരുപ്പച്ചകൾ മാഞ്ഞുപോയൊരു മണൽ‌പ്പരപ്പിൽ ഞാൻ
മനസ്സുകൊണ്ടൊരു ഹരിതവസന്തം വരച്ചുവച്ചപ്പോൾ
ഇരുട്ടുകൊണ്ടതു മറച്ചുവച്ചൂ തിമിരമേഘങ്ങൾ
പുലർച്ചയോളം കാത്തിടുന്നൂ പകൽ കടന്നീടാൻ....!
ഇനിയുമേറെ കിനാക്കൾ കാണാൻ കൊതിച്ചിടാ‍ഞ്ഞല്ല
ഉറവവറ്റിയ നദിയിലെങ്ങനെ കുളിച്ചുകയറാൻ ഞാൻ?
പതിവു തെറ്റിയ ജീവതാളം പണിമുടക്കുമ്പോൾ
വീണ്ടെടുപ്പിൻ സടകുടച്ചിൽ ഇരന്നു വാങ്ങണ്ടേ?
വിരുന്നു വന്ന രോഗപീഡകൾ തിരിച്ചുപോകാതെ
പൊറുതിയ്ക്കായ് പകുത്തെടുത്തെൻ ദേഹഭാഗങ്ങൾ
കുതിച്ചു പായാൻ കൊതിച്ചിനിയും ശ്രമിച്ചുനോക്കേണ്ട
കിതപ്പുനീട്ടാൻ മാത്രമാണെൻ ശേഷഭാഗങ്ങൾ
ഇനിയുമെത്ര തുടിപ്പുകൾ മിടിയ്ക്കുവാൻ ബാക്കി
എന്നതോർത്തും തുടിപ്പിനെണ്ണം കുറഞ്ഞുപോയീടാം
വരണ്ട നാവിൻ തുമ്പിലെന്തോ വെമ്പി നിൽക്കുന്നു
പറയുവാനുണ്ടെന്തോ പക്ഷെ പറഞ്ഞു തീർന്നിടുമോ?
നടന്‍ മുരളി അന്തരിച്ചു
നടന്‍ മുരളി അന്തരിച്ചു
തിരുവനന്തപുരം: ചലച്ചിത്ര നടനും കേരള സംഗീതനാടക അക്കാഡമി ചെയര്‍മാനുമായ മുരളി അന്തരിച്ചു. 55 വയസ്സായിരുന്നു. രാത്രി 8.30നായിരുന്നു അന്ത്യം. കൊല്ലം സ്വദേശിയാണ്. ഭാര്യയും ഒരു മകളുമുണ്ട്. മരണസമയത്ത് ഭാര്യയും അടുത്ത ബന്ധുക്കളും സമീപത്തുണ്ടായിരുന്നു. ശ്വാസതടസ്സത്തെ തുടര്‍ന്ന് കഴിഞ്ഞ ദിവസമാണ് മുരളിയെ പി. ആര്‍. എസ്. ആശുപത്രിയില്‍ പ്രവേശിപ്പിച്ചത്. ലണ്ടന്‍ യാത്ര കഴിഞ്ഞ് രണ്ടുദിവസം മുന്‍പാണ് മുരളി നാട്ടില്‍ തിരിച്ചെത്തിയിരുന്നത്. (കേരളകൌമുദിയിൽനിന്ന്‌)
ദീര്‍ഘകാലമായി പ്രമേഹരോഗ ബാധിതനായിരുന്നു മുരളി. ആശുപത്രിയില്‍ പ്രവേശിപ്പിച്ചെങ്കിലും മുരളിയുടെ നില അതീവ ഗുരുതരമായിരുന്നതായി അദ്ദേഹത്തെ ചികിത്സിച്ചിരുന്ന ഡോക്ടര്‍മാര്‍ പറഞ്ഞു. ഹൃദയസ്തംഭനവും സംഭവിച്ചിരുന്നു.
നാടകരംഗത്ത് നിന്നും സിനിമയിലെത്തിയ മുരളി മലയാള ചലച്ചിത്ര രംഗത്ത് തന്റേതായ ശൈലി നിലനിര്‍ത്തിയിരുന്ന നടനാണ്. നിരവധി പുരസ്ക്കാരങ്ങള്‍ നേടിയിട്ടുണ്ട്. നെയ്ത്തുകാരന്‍ എന്ന സിനിമയിലെ അപ്പുമേസ്തിരി എന്ന കഥാപാത്രമാണ് 2002ല്‍ മുരളിയ്ക്ക് ദേശീയ പുരസ്കാരം നേടിക്കൊടുത്തത്. മൂന്ന് സംസ്ഥാന അവാര്‍ഡുകളും മുരളിയെ തേടിയെത്തിയിട്ടുണ്ട്.
Sunday, August 2, 2009
ഒരുമയുടെ ഓർക്കുട്ട്
ഓർക്കൂട്ടിനെക്കുറിച്ച് കോറിയിട്ട ഏതാനും വരികൾ കവിതയെന്ന് അവകാശപ്പെട്ടുകൊണ്ട് ഇവിടെ പ്രസിദ്ധീകരിയ്ക്കുന്നു.
ഒരുമയുടെ ഓർക്കുട്ട്
ഒറ്റപ്പെടാതെയും ഒറ്റയ്ക്കിരിയ്ക്കാം
ഓർക്കൂട്ടുകാരാണു നമ്മളെങ്കിൽ
ഒട്ടു മനസ്താപമോടെയിരുന്നാലും
ഓർക്കൂട്ടിലെത്തുമ്പോളതുതാനേ മാറും
ഒരുവിരൽത്തുമ്പിൻ മൃദുസ്പർശനത്തിൽ
ഓരോരോ സൌഹൃദം പൂവിടുന്നു
ഒന്നാണു നമ്മളെന്നോർത്തുകൊണ്ടെല്ലാരും
ഓമനിച്ചല്ലോ വളർത്തുന്നു സ്നേഹം!
ഒരുമതൻ പെരുമയിൽ മേഘം വിതാനിച്ച്
ഓരോരോ കൈക്കുമ്പിൾ മലർ വാരി വിതറുന്നു;
ഒരുതുള്ളിപ്പലതുള്ളി സ്നേഹത്തിൻ പെരുമഴയിൽ
ഓർക്കൂട്ടുകാർ നമ്മൾ ഒരുമിച്ചു നനയുന്നു!
ഓർക്കാതെയെങ്കിലും ഓർക്കുട്ടിലെത്തിയാൽ
ഒരുപാടുനേരം അവിടിരിയ്ക്കും
ഒരുകൂട്ടമെപ്പോഴും അവിടെയുള്ളപ്പോൾ
ഓടിത്തിരക്കിട്ടു പോകുവതെങ്ങനെ?
ഒരുനേരമെങ്കിലും ഓർക്കൂട്ടിലെത്തുവാൻ
ഓരോ ദിവസവും ആശിച്ചുപോകുന്നു
ഒരുപക്ഷെ ആരാനും വന്നെങ്കിലോ
ഒരു ചങ്ങാതിയാകാൻ ക്ഷണിച്ചെങ്കിലോ
ഒരു സന്ദേശമെങ്കിലും കാണാതിരിയ്കില്ല
ഒരുവേളയെങ്ങനെ നോക്കാതിരിയ്ക്കുവാൻ?
ഒന്നിനും മറുപടി നൽകാതിരിയ്ക്കാനും
ഒക്കുമോ നമ്മളങ്ങൊത്തുപോയില്ലെ?
ഒരുമിച്ചു ചേരുവാൻ ഈയൊരു വിസ്മയം
ഒരുക്കി നാമേവർക്കും ദാനമായ് നൽകിയ
ഒരുനല്ല ചങ്ങാതി ഗൂഗിളിനേകുന്നു
ഓരായിരം നന്ദിവാക്കുകൾ നമ്മൾ!
ഒരുമയുടെ ഓർക്കുട്ട്
ഒറ്റപ്പെടാതെയും ഒറ്റയ്ക്കിരിയ്ക്കാം
ഓർക്കൂട്ടുകാരാണു നമ്മളെങ്കിൽ
ഒട്ടു മനസ്താപമോടെയിരുന്നാലും
ഓർക്കൂട്ടിലെത്തുമ്പോളതുതാനേ മാറും
ഒരുവിരൽത്തുമ്പിൻ മൃദുസ്പർശനത്തിൽ
ഓരോരോ സൌഹൃദം പൂവിടുന്നു
ഒന്നാണു നമ്മളെന്നോർത്തുകൊണ്ടെല്ലാരും
ഓമനിച്ചല്ലോ വളർത്തുന്നു സ്നേഹം!
ഒരുമതൻ പെരുമയിൽ മേഘം വിതാനിച്ച്
ഓരോരോ കൈക്കുമ്പിൾ മലർ വാരി വിതറുന്നു;
ഒരുതുള്ളിപ്പലതുള്ളി സ്നേഹത്തിൻ പെരുമഴയിൽ
ഓർക്കൂട്ടുകാർ നമ്മൾ ഒരുമിച്ചു നനയുന്നു!
ഓർക്കാതെയെങ്കിലും ഓർക്കുട്ടിലെത്തിയാൽ
ഒരുപാടുനേരം അവിടിരിയ്ക്കും
ഒരുകൂട്ടമെപ്പോഴും അവിടെയുള്ളപ്പോൾ
ഓടിത്തിരക്കിട്ടു പോകുവതെങ്ങനെ?
ഒരുനേരമെങ്കിലും ഓർക്കൂട്ടിലെത്തുവാൻ
ഓരോ ദിവസവും ആശിച്ചുപോകുന്നു
ഒരുപക്ഷെ ആരാനും വന്നെങ്കിലോ
ഒരു ചങ്ങാതിയാകാൻ ക്ഷണിച്ചെങ്കിലോ
ഒരു സന്ദേശമെങ്കിലും കാണാതിരിയ്കില്ല
ഒരുവേളയെങ്ങനെ നോക്കാതിരിയ്ക്കുവാൻ?
ഒന്നിനും മറുപടി നൽകാതിരിയ്ക്കാനും
ഒക്കുമോ നമ്മളങ്ങൊത്തുപോയില്ലെ?
ഒരുമിച്ചു ചേരുവാൻ ഈയൊരു വിസ്മയം
ഒരുക്കി നാമേവർക്കും ദാനമായ് നൽകിയ
ഒരുനല്ല ചങ്ങാതി ഗൂഗിളിനേകുന്നു
ഓരായിരം നന്ദിവാക്കുകൾ നമ്മൾ!
Saturday, August 1, 2009
പാണക്കാട് സയിദ് മുഹമ്മദാലി ശിഹാബ് തങ്ങള്‍ അന്തരിച്ചു
പാണക്കാട് സയിദ് മുഹമ്മദാലി ശിഹാബ് തങ്ങള്‍ അന്തരിച്ചുപാണക്കാട് മുഹമ്മദാലി ശിഹാബ് തങ്ങള്‍ അന്തരിച്ചു 73 വയസായിരുന്നു. കുളിമുറിയില്‍ വീണതിനെ തുടര്‍ന്ന് ഇന്നു പുലര്‍ച്ചെ ആശുപത്രിയില്‍ പ്രവേശിപ്പിച്ചിരുന്നു. 34 വര്‍ഷം മുസ്ലിം ലീഗ് സംസ്ഥാന പ്രസിഡണ്ടായിരുന്നു.
ദേശാഭിമാനിയിൽനിന്ന്
പാണക്കാട് മുഹമ്മദലി ശിഹാബ് തങ്ങള്‍ അന്തരിച്ചു
മലപ്പുറം: മുസ്ലിം ലീഗ് സംസ്ഥാന പ്രസിഡന്റ് പാണക്കാട് മുഹമ്മദലി ശിഹാബ് തങ്ങള്‍ (73) അന്തരിച്ചു. മലപ്പുറം കെപിഎം ആശുപത്രിയില്‍ രാത്രി 8.45നായിരുന്നു അന്ത്യം.
മരണ കാരണം വ്യക്തമല്ല. ഇന്നലെ വീട്ടില്‍ കുഴഞ്ഞു വീണതിനെ തുടര്‍ന്ന് ദേഹാസ്വാസ്ഥ്യം അനുഭവപ്പെട്ടിരുന്നു. ഇതേ തുടര്‍ന്ന് മലപ്പുറം കെപിഎം ആശുപത്രിയില്‍ പ്രവേശിപ്പിക്കുകയായിരുന്നു. മൃതദേഹം പാണക്കാട്ടേക്കു കൊണ്ടുപോയി.
34 വര്‍ഷമായി മുസ്ലിം ലീഗ് അധ്യക്ഷനായിരുന്നു. ഈജിപ്തിലെ അല്‍ അസര്‍ സര്‍വകലാശാലയില്‍ നിന്ന് ഇസ്ലാമിക വിജ്ഞാനീയത്തില്‍ ഉന്നത ബിരുദം. കെയ്റോ സര്‍വകലാശാലയില്‍ നിന്ന് ചരിത്ര ഗവേഷണം പൂര്‍ത്തിയാക്കി. അറബ് സാഹിത്യത്തില്‍ മാസ്റ്റര്‍
ബിരുദം. മലബാറിലെ മുസ്ലിംകളുടെ ആത്മീയ നേതാവായിരുന്നു അദ്ദേഹം
വാർത്ത മലയാള മനോരമ ഓൺലെയിനിൽ നിന്നും
മരണ കാരണം വ്യക്തമല്ല. ഇന്നലെ വീട്ടില്‍ കുഴഞ്ഞു വീണതിനെ തുടര്‍ന്ന് ദേഹാസ്വാസ്ഥ്യം അനുഭവപ്പെട്ടിരുന്നു. ഇതേ തുടര്‍ന്ന് മലപ്പുറം കെപിഎം ആശുപത്രിയില്‍ പ്രവേശിപ്പിക്കുകയായിരുന്നു. മൃതദേഹം പാണക്കാട്ടേക്കു കൊണ്ടുപോയി.
34 വര്‍ഷമായി മുസ്ലിം ലീഗ് അധ്യക്ഷനായിരുന്നു. ഈജിപ്തിലെ അല്‍ അസര്‍ സര്‍വകലാശാലയില്‍ നിന്ന് ഇസ്ലാമിക വിജ്ഞാനീയത്തില്‍ ഉന്നത ബിരുദം. കെയ്റോ സര്‍വകലാശാലയില്‍ നിന്ന് ചരിത്ര ഗവേഷണം പൂര്‍ത്തിയാക്കി. അറബ് സാഹിത്യത്തില്‍ മാസ്റ്റര്‍
ബിരുദം. മലബാറിലെ മുസ്ലിംകളുടെ ആത്മീയ നേതാവായിരുന്നു അദ്ദേഹം
വാർത്ത മലയാള മനോരമ ഓൺലെയിനിൽ നിന്നും
Subscribe to:
Posts (Atom)